Musamu wamubwete watina Yowane 13:27 - Musamu Wamubwete 2013

²⁷ Kamanaa kudya kitsuri kya mpa, Satana wakoto mu nde. Haho Yesu wamuleele ti: «Ma wuri mu kuyirika, yirika mo mu mawasu.»

Musamu wamubwete watina Yowane 13:27 Referans Kwoze

Musamu wamubwete watina Luka 22:3

Satana wakoto mu Yuda wubateelaa ti Iskaryote, waba mu lutaangu lwa bo kuumi na boolo.

Musamu wamubwete watina Yowane 13:2

Kilookolo ki baba dya mu nsinsika, dyabulu waba mwaasuusa, mu mutima Yuda, mwaana Simoni Iskaryote, kitsimi kya kuyekele Yesu.

Biyiriki bya Bantumu 5:3

Petelo waleele ti: «Ananya, mu nkya ntoono Satana kaluulusiri mutima ye, mu kuwuna Mpeeve Yangisi, na ye sweekiri ndaambu mipata mi bakiryee mu lumpaangu?

Musamu wamubwete watina Matayi 12:45

haho yo yikweende na kuholo mampeeve nsaamu makimi, mabvuriri bubi na nde, mu kwiisa kukoto na kudzakala mu nzo yiyo. Mbeelu yampotulu ya muutu wunde, lo yeki yibvuriri bubi ti na yatete. Bunubwo se buba mu kiseendu kimaki kyakibi.»

Musamu wamubwete watina Malako 6:25

Hanaho nde wabvutuka mu mawasu kuri mbyaasi, waloombo ti: «Me ntiiri ti ye mpa mu mawasu, mutu Yowane Mubotiki munsa lukoombo.»

Musamu wamubwete watina Matayi 4:10

Hanaho Yesu waleele kuri nde ti: «Yisika, Satana! Bukuri diri dyatinu ti: "Mfumu Nzaambi yaaku ye yelemini kutsukumina, na nde kitsu yelemini kusaambila."»

Musamu wamubwete watina Yowane 6:70

Yesu wabvutula kuri bo ti: «Buri beenu bo kuumi na boolo, kari me nyalusoolo ko? Ngo mosi mu beenu dyabulu kari.»

Musamu wamubwete watina Yowane 13:28

[Ngo] kuri muutu ti mosi ko, mu baba balaambula miilu mu kudya, wabakuri mu nkya ntoono nde kaba muleele mamo.