Musamu wamubwete watina Yowane 13:19 - Musamu Wamubwete 2013

¹⁹ Kubandikila mu lumalu, me nyiluyaabisa, tekesele mamo mayirima, mpisi heki mu ntaangu yiyo yi mayirima, beenu lusa kanyi ti "me nyiri".

Musamu wamubwete watina Yowane 13:19 Referans Kwoze

Musamu wamubwete watina Yowane 14:29

Me nyiluleeriri misamu mimyo, tekesele mikwiisa, Mpisi heki ha mikwiisa, beenu lusa kanyi.

Musamu wamubwete watina Yowane 16:4

Ngo nyiluleeriri mamo, mpisi heki ha tubuka ntaangu yiyo, beenu lubaambukila dyo mwooyo, ti me nyaluleeriri.» «Me nyasii kululeele dyo ha mbandukulu ko, bukuri me nyabeeri nyakiri na beenu.

Musamu wamubwete watina Yowane 8:58

Yesu waleele kuri bo ti: «Mu ngwanwa mu ngwanwa me nyiluleele, tekesele Abalaami kaba, lo "me nyiri."»

Musamu wamubwete watina Matayi 24:25

Mono, me tekisiri kuluyaabisa.

Musamu wamubwete watina Matayi 11:3

mu kumufuula ti: «Ye ngo wunde wukwiisa, hoti, beetu tukiinga mukimi?»

Musamu wamubwete watina Yowane 1:15

Yowane wata kimbaangi mu nde, wabikisa, waleele ti: «Wumawu ngo wu nyabee leele me ti: "Wuri mu kwiisa ku mambisa ma me, watekisiri na me, bukuri nde waba watete na me."»

Musamu wamubwete watina Luka 21:13

Yiyo sa yaba kuri beenu mpwaani ya kuteele me kimbaangi.

Musamu wamubwete watina Yowane 4:26

Yesu wamuleele ti: «Me nyiri nde, wudzoonso na ye.»

Musamu wamubwete watina Yowane 8:28

Hango, Yesu waleele [kuri bo] ti: «Mu ntaangu yiba Mwaana muutu wadzaangusu, haho beenu lwayaaba ti "me nyiri"; na ti mu me-meene nyahele kusaa kitotolo ti kimosi, ngo mamo ma yikisa me Taata, mamo me nyiri mu kweleele.