Musamu wamubwete watina Yowane 12:13 - Musamu Wamubwete 2013

¹³ Baatu baholo matsweeni na bapala mu kweenmubwaana. Bo babeke kubikisa ti: «Hosaana! Kaba wasakumunu, wunde wukwiisa mu nkuumbu ya Mfumu, [na] mbyaasi ya Isaheli.»

Musamu wamubwete watina Yowane 12:13 Referans Kwoze

Nyabusulu ya Yowane 15:3

Baba yimbilaana mukuunga Moose, kisari kya Nzaambi, na mukuunga Mwaana kimeeme wuleele ti: «Mfumu Nzaambi Mwa-mpuungu, biyiriki byaaku byabinene, na bya nkimukunu! Mbyaasi ya makaanda, manzila maaku masuunguma na mari mangwanwa!

Nyabusulu ya Yowane 7:9

Ha mambisa haho, me nyatala na nyamono mpuumbu baatu yayinene, yiri muutu ti mosi lo wahele kubangisina kutaanga, baatu ba mansi momanso, ba bitsuumbu byobinso, ba makaanda, na ba mandiinga momanso, baba bateleme ha busu bwa mboloko, na ha busu bwa Mwaana kimeeme, baba balwaata madzweele mahembeke na bakwaata matsweenyi mu myooko.

Musamu wamubwete watina Yowane 1:49

Natanahele wabvutula kuri nde ti: «Labi, ye ngo Mwaana Nzaambi, ye ngo mbyaasi ya Isaheli.»

Musamu wamubwete watina Matayi 23:39

Bukiri me nyileele kuri beenu ti, mu lumalu beenu lubweese kumono me ko, natee ha luleele beenu ti: "Kaba wasakumunu wunde wukwiisa mu nkuumbu ya Mfumu!"»

Musamu wamubwete watina Yowane 19:15

Hango bo babikisa ti: «Dzusa! Dzusa! Mukomono ha kuruwa!». Pilato waleele kuri bo: «Me komono ha kuruwa mbyaasi beenu?» Bakuutu ba bangaanga-nzaambi babvutula ti: «Beetu turi na mbyaasi ko, mbuti ka Kayisari ko.»

Nyabusulu ya Yowane 19:16

Mu kiyuungu na mu kito kyaandi mwatina nkuumbu ti: «Mbyaasi ya bambyaasi, Mfumu ya bamfumu».

Musamu wamubwete watina Yowane 12:15

«Yaa ba na boomo ko, ntuumba ya Syoni; mono mbyaasi yaaku wiisiri, wadzakala ha yulu mwaana mpuunda.»

Musamu wamubwete watina Matayi 27:42

«Nde wabvuukisiri bakaka, ngo wahele kubangisina kubvuukisa nde-meene; nde mbyaasi ya Isaheli, kasunduka mu lumalu ha kuruwa, na beetu tusa kanyi mu nde.

Musamu wamubwete watina Yowane 12:14

Yesu, bu kamono mwaana mpuunda, wadzakala ha yulu nde, bunu bu diri dyatinu ti: