Musamu wamubwete watina Yowane 11:25 - Musamu Wamubwete 2013

²⁵ Yesu wamuleele ti: «Me ngo mfulukulu na bumwooyo. Wunde wusiila kanyi mu me, ti hayuku wafwa, lo sa kaba mwooyo;

Musamu wamubwete watina Yowane 11:25 Referans Kwoze

1 Tes 4:14

Mbuti tusiila kanyi ti Yesu wafwiiri na wafulukiri, lo tusiileenu se kanyi ti Nzaambi sa kafulukisa mu Yesu, babo bafwiiri kuri bari na kanyi mu nde.

Musamu wamubwete watina Yowane 3:36

Wunde wusa kanyi mu Mwaana wuri na kidziingu kyahele manunu; ngo kasi wubisa kusa kanyi mu Mwaana, kabaka kidziingu ko, ngo kasi nkesi dza Nzaambi dzibwa ha yulu nde.»

Musamu wamubwete watina Yowane 1:4

Mu mo mwaba kidziingu, na kidziingu kyaba buungi bwa baatu;

Musamu wamubwete watina Yowane 5:21

Bunu bukoofulukisaa Taayi bafwa na kubasa bamwooyo, bunubwo se Mwaana wusaana wamwooyo wunde wu katiiri.

Musamu wamubwete watina Yowane 6:44

Kuri muutu ti mosi wukwiisa kuri me, mbuti Taata wampeeke wahele kumutwaala, na me sa nyamufulukisa mu kiluumbu kya manunu.

Mukaanda kuri bari Loma 8:2

Bukuri, ngisi ya Mpeeve, ya bumwooyo mu Kiristo Yesu, yayeki yakuula me mu ngisi ya masumu na ya lufwa.

Musamu wamubwete watina Yowane 6:35

Yesu waleele kuri bo ti: «Me ngo mpa ya bumwooyo. Wunde wukwiisa kuri me, kari mbakila nzala ko, na wunde wusa kanyi mu me, kari mbakila mpwiisu ko.

Nyabusulu ya Yowane 21:4

Nde sa kayaala mansangasa momanso mu miisu mya bo. Kubweese kuba lufwa ko, bufwiiri se ko, misaakulu na mpasi se ko, [bukuri] bitotolo byatete bimwaaluta.»

Mukaanda kuri bari Filipo 3:10

Me ntii kuyaaba nde, na kuyaaba mpinu dza mfulukulu yaandi, na kuba kintwaari mu mpasi dzaandi, mu kunama kifwaani kya nde mu lufwa lwaandi,

Nyabusulu ya Yowane 20:5

Bafwa bakaka basii fuluka ko, natee fuunda dya mibvu dikukiri. Yiyo ngo mfulukulu yatete.

Biyiriki bya Bantumu 3:15

Beenu lwadzusiri mfumu bumwooyo, ngo Nzaambi wamufulukisi mu bafwa, beetu turi bambaangi ba nde.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 5:26

Bukuri, bunu buri Taayi wuri na kidziingu mu nde-meene, bunubwo se nde kari kaha kuri Mwaana mu kuba na kidziingu mu nde-meene.

Nyabusulu ya Yowane 22:17

Mpeeve na ntuumba ya makweele baleele ti: «Wasa!» Hemese wunde wuyuka kaleele ti: «Wasa!» Hemese wuri na mpwiisu kiisa; wunde wutiiri, kaholo maampa ma bumwooyo kwa mungengi.

Musamu wamubwete watina Yowane 14:19

Mwaa-ntaangu yantele yisiiri, na nsi ka yibweese kumono me se; ngo kasi beenu sa lwamono me, bukuri me nyiri mwooyo, na beenu se sa lwaba mwooyo.

Mukaanda kuri bari Filipo 1:23

Me nyiri mu kudunga ha kakati dya manzala mo moolo: me nyiri na nzala kweende, na kuba na Kiristo, bukuri bubwo bubvuriri bubwete;

Nyabusulu ya Yowane 22:1

Mbasi yasoongo me nyari ya maampa ma mwooyo, matsyeeme bunu lumweenye, yiri mu kupala mu mboloko Nzaambi, bo na Mwaana kimeeme,

2 Kol 4:14

bu tuyaari kuri ti, wunde wafulukisi Mfumu Yesu, sa kafulukisa beetu se kintwaari na Yesu, na sa katusuusa ha kimosi na beenu bebele na nde.

Mukaanda kuri bari Loma 4:17

bunu bu diri dyatinu: «Me nyasa ye taayi dya makaanda malaka.» Nde wuri ha busu bwa Nzaambi, yi kari kasiila kanyi, Nzaambi yibvutulaa bafwa mu bumwooyo, na yiyirika bitotolo biri bibeeri byo pe.

Musamu wamubwete watina Luka 23:43

Yesu waleele kuri nde ti: «Mu ngwanwa me nyikuleele ti: Lolo di, ye sa ba kintwaari na me ku paradiso.»

1 Kol 15:29

Mbuti kari bubwo ko, lo babo bakootaambulaa mbotokulu ha kibeendu kya baatu bafwa, lo nki basa? Mbuti ngwanwa ti bafwa bahele kufuluka, lo mu nkya ntoono bari mu kutaambulaana mbotokulu ha kibeendu kya bo?

1 Kol 15:18

na babo bafwa kuri bari na kanyi mu Kiristo, lo badziimbila.

Musamu wamubwete watina Yowane 3:16

Bukuri bumabu Nzaambi watya nsi, nde waha Mwaana waandi ndemosi, kuri heki, mpisi wunde wumusiila kanyi, kahele kufuuka, ngo kabaka kidziingu kyahele manunu.

Nyabusulu ya Yowane 1:18

wamwooyo, me nyabee nyafwa, ngo mono me nyiri mwooyo mu bibvu ngo bibvu; me nyiri na mafungula ma lufwa na ma lubila.