Musamu wamubwete watina Yowane 11:20 - Musamu Wamubwete 2013

²⁰ Ngo Malata kayukaana ti Yesu weki mu kwiisa, nde wayende mu kumubwaana; ngo kasi Mariya waba wadzakala munsa nzo.

Musamu wamubwete watina Yowane 11:20 Referans Kwoze

1 Tes 4:17

tumi beetuneenu tuba twakiri mwooyo, batunaanguna ha kimosi na bo mu matuti, mu kubwaana Mfumu mu kingye-kingye, na kuba kintwaari na Mfumu mantaangu momanso.

Biyiriki bya Bantumu 28:15

Bampaangi ba ku Loma, bu bayuka mi twabwanikini na myo, bayisa tubwaana natee ku dzaandu dya Apyo, na ku Manzo Matatu. Pawulo bu kabamona wabvutula matoondo kuri Nzaambi, na walwaata kibakala.

Biyiriki bya Bantumu 10:25

Petelo bu kaba mu kukoto mu nzo, Kornelyo wayende mu kumubwaana, wabwa ha miilu mya Petelo, wamutsukumina.

Musamu wamubwete watina Yowane 11:30

Yesu waba wakiri kutubuka pe kunsa bula, ngo waba wakiri ha kibeendu kyaba mubwaana Malata.

Musamu wamubwete watina Matayi 25:1

«Kimfumu kya mayulu kya fwanikina na bantuumba kuumi banswaasa, bari bu baholo miinda mya bo, bayende mu kweebwaana mulumi.

Musamu wamubwete watina Matayi 25:6

Mu kakati dya butsuku, mbeembu yabikisa: "Monee mulumi, yookee [lu] mubwaana."