Musamu wamubwete watina Yowane 10:1 - Musamu Wamubwete 2013

¹ Yesu waleele ti: «Mu ngwanwa mu ngwanwa, me nyiluleele: wunde wahele kukotolo kunsa lupaangu lwa bimeeme ha mweelu, ngo nde kunwaatina ha kibeendu kikimi, lo nde ngaa-kwiibi na nde ngaa-bumfuna.

Musamu wamubwete watina Yowane 10:1 Referans Kwoze

Musamu wamubwete watina Matayi 7:15

«Seenee madyeele mu babikiri ba mampya, bo bari mu kwiisa kuri beenu kuri balwaata mikaanda mya bimeeme, ngo kunsa-kati bango-mbulu bansisi.

Mukaanda kuri bari Loma 16:18

bukuri baatu ba bubwo bahele kusalila Mfumu yeetu Kiristo, ngo kasi myooyo mya bo-meene, na mu maampu mamabwe na mu nzoonsulu dzalupyelu, bo bakwewuna baatu bahele kulubuka.

1 Yow 4:1

Banduku ba mutima, yaa lwesiila kanyi mu mpisi mpeeve ko, ngo fyongokinee mampeeve, mbuti ma Nzaambi mari; bukuri babikiri bampya balaka bamwaakwiisa mu nsi.

Mukaanda kuri Bahebeleho 5:4

Kuri muutu wutaambula lukiinsu lulwo mu nde-meene ko, ngo wunu wataambula mbila Nzaambi, bunu Aaloni.

2 Pet 2:3

na mu ntiki-mboongo, mu dzoonsolo dza lupyelu bo sa babadiilila manene. Kuri bo kuholosono na kidzika, mutsuundu wuri mu kwesala, na mfukusulu yaaku yahele kubwa tolo.

2 Pet 2:1

Kwaba babikiri bampya kunsa baatu, bunubwo se, sa kwaba bayikisi bampya, ha kakati dya beenu. Bo sa bakotoso mu madyeele nyikusulu dza nzimbusulu, na sa batuna Mfumu yabakuula, bo sa basakisa mfukusulu ya bo-meene na sisuu.

1 Pet 1:10

Babikiri basaka kuyaaba na bafyongokono musamu wa mvuukulu yiyo, na babikula mu ntoono bweese bwa beenu.

Mukaanda kuri bari Loma 10:15

Na buri bayabisila, mbuti bahele kubaheeke? Bunu bu diri dyatinu ti: «Miri myamibwete, miilu mya babo bakweyaabisa misamu myamibwete!»

Musamu wamubwete watina Yowane 3:3

Yesu wabvutula na waleele kuri nde ti: «Ngwanwa mu ngwanwa, me nyikuleele ti, mbuti muutu wahele kubutuka mbutukulu yamoono, lo kabangusina kumono Kimfumu kya Nzaambi ko»

Mukaanda kuri Tito 1:11

Ba bubwo bayelemene kubakaangisa minwa, bukuri bari mu kwekotoso kisaangila munsa makaanda mansiina. Bakweyikisa myahele kuyelemene, mu kubaka mufutu wa bumbabu.

Musamu wamubwete watina Yowane 10:7

Yesu wabweese kuleele ti: «Ngwanwa mu ngwanwa, me ngo mweelu bimeeme.