Musamu wamubwete watina Yowane 1:34 - Musamu Wamubwete 2013

³⁴ Me nyamwiini na nyateeri kimbaangi ti, wumawu ngo Mwaana Nzaambi.»

Musamu wamubwete watina Yowane 1:34 Referans Kwoze

Musamu wamubwete watina Yowane 1:49

Natanahele wabvutula kuri nde ti: «Labi, ye ngo Mwaana Nzaambi, ye ngo mbyaasi ya Isaheli.»

Musamu wamubwete watina Matayi 4:3

Musindukiri bu kakokosolo wamuleele ti: «Mbuti ye mwaana Nzaambi, leele ti matari ma makituka mampa.»

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.

Nyabusulu ya Yowane 2:18

Tina kuri mbasi ya dibuundu dya Tyatira: «Mwaana Nzaambi di kari mu kuleele, wuri na miisu myafwanikina na mule mbaawu, na miilu myafwanikina na nsoongo.

Mukaanda kuri bari Loma 1:4

wu kari kasa Mwaana Nzaambi, mu mpinu, bunu buri Mpeeve ya bungisi, mu mfulukulu ya bafwa, ngo Yesu Kiristo Mfumu yeetu.

Musamu wamubwete watina Yowane 20:31

bimabi babitinini, mu kuri ti beenu lusa kanyi ti Yesu ngo Kiristo, Mwaana Nzaambi, na mpisi heki mu nsiilu kanyi, beenu lubaka kidziingu mu nkuumbu yaandi.

1 Yow 4:9

Bumabu ntiilu ya Nzaambi yiri yayabakana ha kakati dya beetu: nde waheeke Mwaana waandi ndemosi mu nsi, mpisi heki tuba mwooyo mu nde.

1 Yow 3:8

Wunde wuyirikaa masumu, lo wa dyabulu, bukuri kuholosono kunu mbandukulu dyabulu watobiri masumu. Mu dimadi Mwaana Nzaambi kamonikini, mpisi katsyaamuna biyiriki bya dyabulu.

1 Yow 2:23

Mpisi wunde wutunaa Mwaana, lo kari na Taata ko. Wutaambulaa Mwaana, lo wuri na Taata se.

2 Kol 1:19

Bukuri, Mwaana Nzaambi, Yesu Kiristo wu turi twayaabisa kuri beenu, me na Silvano na Timoteho, nde kasii kuba: «heehe» na «pele» ko.

Musamu wamubwete watina Yowane 19:7

Bayudayo babvutula kuri nde ti: «Beetu turi na ngisi, na bunu buri ngisi yiyo, nde yelemini kufwa, bukuri nde-meene waleeriri ti nde Mwaana Nzaambi.»

Musamu wamubwete watina Yowane 11:27

Nde waleele kuri Yesu ti: «Heehe, Mfumu me nyasa kanyi ti ye ngo Kiristo, Mwaana Nzaambi, wayisa ha nsi.»

Musamu wamubwete watina Yowane 10:36

kuri wunde wuri Taata wamusakumuna na wamuheeke ha nsi, beenu luleele ti: ye wusaana, bukuri me ndeeriryee ti: Me nyiri Mwaana Nzaambi?

Musamu wamubwete watina Malako 1:1

Mbandukulu Musamu Wamubwete wa Yesu Kiristo, Mwaana Nzaambi.

Musamu wamubwete watina Matayi 27:54

Mukutu nkama bayongolo na baba kintwaari na nde mu kukebe Yesu, bu bamono ntembukulu ya butoto na mamo maba yirimini, babaka boomo bwalaka, baleele ti: «Ngwanwa, wumawu wabeeri Mwaana Nzaambi!»

Musamu wamubwete watina Matayi 27:43

Nde wasiiri nsiitu mu Nzaambi, kamukuula lumalu, mbuti tiiri; bukuri nde waleeriri ti: "Me ngo Mwaana Nzaambi."»

Musamu wamubwete watina Matayi 27:40

na baleele ti: «Ye mutsaamini nzo yangisi na mutuungi yo mu biluumbu bitatu, bvuuka ye-meene, mbuti ye ngo Mwaana Nzaambi [na] sunduka ha kuruwa.»

Musamu wamubwete watina Matayi 26:63

Yesu waba wawura. Mukuutu bangaanga-nzaambi waleele kuri nde ti: «Me nyikuloombo, mu nkuumbu ya Nzaambi ya mwooyo, tuleele mbuti ye ngo Kiristo, Mwaana Nzaambi.»

Musamu wamubwete watina Matayi 17:5

Bu kaba wakiri mu kudzoonso, mono tuti dya buungi dyabafuka mu mposi yaandi, na mono, mbeembu mosi yayukukuna mu tuti, yaleele ti: «Wumawu ngo mwaana waami wa mutima, mu nde me nyimonaa kiminu, muywiileenu!»

2 Yow 1:9

Mpisi wunde wuluta nyikusulu dza Kiristo, na wahele kusa kikuundi mu dzo, lo wahele na Nzaambi. Ngo wunde wasa kikuundi mu nyikusulu, lo wuri na Taata na Mwaana.

Mukaanda kuri Bahebeleho 7:3

Nde wahele na taayi, wahele na nguri, wahele na muloongo kinkaaka, wahele na mbandukulu biluumbu, wahele na manunu kidziingu, wafwanikina na Mwaana Nzaambi, nde ngaanga-nzaambi mu mantaangu momanso.

Musamu wamubwete watina Luka 3:22

na Mpeeve Yangisi yakulumuka ha yulu nde, mu kifwaani kya beembe, na mbeembu mosi yadzoonso ku yulu ti: «Ye ngo mwaana waami wa mutima, me nyimonaa kiminu mu ye.»

Musamu wamubwete watina Luka 1:35

Mbasi yabvutula kuri nde ti: «Mpeeve Yangisi sa yiisa ha yulu ye, na mpinu dza Mwa-Yulu sa dzakufuka mu mposi yaandi. Hango-nkuumbu, mwaana wubutuka sa kaba wangisi, na sa bamuteele ti Mwaana Nzaambi.

Musamu wamubwete watina Malako 1:11

Mbeembu yayukukuna mu mayulu ti: «Ye ngo Mwaana waami wa mutima, me nyimonaa kiminu mu ye.»

Musamu wamubwete watina Matayi 16:16

Simoni Petelo wabvutula, waleele ti: «Ye ngo Kiristo, Mwaana wa Nzaambi ya mwooyo.»

Musamu wamubwete watina Matayi 11:27

«Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.»

Musamu wamubwete watina Matayi 8:29

Mono, bo babeke mu kufula misaakulu, baleele ti: «Nki ha kakati dya ye, Mwaana Nzaambi, na beetu? Buri ye wiisiri mu kukwaamisa beetu tekekesele ntaangu yitubuka?»

Musamu wamubwete watina Matayi 4:6

na wamuleele ti: «Mbuti ye mwaana Nzaambi, sonoko ku nsuku-nsi; bukuri diri dyatinu ti: "Nde sa kaha lutumu kuri bambasi baandi mu ntoono ye, na bo sa bakunaanguna mu myooko, mu kubata ti kuulu kwa ye kukwiisa kubumina kya mu tari."»

Musamu wamubwete watina Matayi 3:17

Na mono, mbeembu ya nangukina ku mayulu yaleele ti: «Wumawu ngo mwaana waami wa mutima; mu nde me nyimonaa kiminu.»

Musamu wamubwete watina Yowane 20:28

Toma wabvutula na waleele kuri nde ti: «Mfumu yaami na Nzaambi yaami.»

Musamu wamubwete watina Yowane 10:30

Me na Taata, turi mosi.»

Musamu wamubwete watina Yowane 6:69

na beetu twasa kanyi, na tuyaari ti ye ngo Wangisi, wa Nzaambi.»

Musamu wamubwete watina Yowane 1:18

Kuri muutu wu mwaamono Nzaambi ko; ngo Mwaana ndemosi wuri Nzaambi, wuri munsa Taayi, nde kooyaabisa.