Musamu wamubwete watina Yowane 1:31 - Musamu Wamubwete 2013

³¹ «Me nyaba nyahele kumuyaaba; ngo mu kuri ti kaba wamonokono kuri Isaheli, mu didyo me nyayisiri mu kubotoko mu maampa.»

Musamu wamubwete watina Yowane 1:31 Referans Kwoze

Musamu wamubwete watina Luka 1:17

Nde sa keyende ku mankula ha busu bwa Nzaambi, mu mpeeve na mu mpinu dza Eliya, mu kubvutula mitima mya bataayi ha yulu baala, na bangaa-tungu, ku madyeele ma baatu basuunguma, na kusa kuri ti baatu baba bayirima mu kutaambula Mfumu.»

Musamu wamubwete watina Yowane 1:33

Me nyaba nyahele kumuyaaba, ngo wunde wampeekiri mu kubotoko mu maampa, waleele kuri me ti: "Mbasi-tsuku wu monaana wunde wuri Mpeeve yisundukiri na yisiri kikuundi ha yulu nde, lo wunde ngo wubotoko mu Mpeeve Yangisi."

Musamu wamubwete watina Yowane 1:7

Nde wayisa mu ntoono kimbaangi, mpisi kata kimbaangi mu buungi, kuri heki baatu bobanso basa kanyi mu nde.

Musamu wamubwete watina Matayi 3:6

na nde waba babotokaana mu nyari ya Yorodani mu ntambukulu masumu maaku.

Biyiriki bya Bantumu 19:4

Pawulo waleele ti: "Yowane wasalila mbotokulu ya nyiingula madyeele, waleele kuri baatu, mpisi heki baatu basa kanyi, mu wunde wukwiisa ha mambisa ma nde, mbangukulu Yesu."

Musamu wamubwete watina Matayi 3:13

Yesu kafumuna ku Ngalili, wiisiri ku Yorodani kuri Yowane, mpisi Yowane kamubotoko.

Musamu wamubwete watina Yowane 1:30

Mu ntoono ya nde, me nyabee leele ti: "Kuri muutu mosi, wuri mu kwiisa ku mambisa ma me, watekisiri na me, bukuri nde waba watete na me."

Musamu wamubwete watina Yowane 1:32

Yowane wata kimbaangi, waleele ti: «Me nyamono Mpeeve, bunu beembe, yanangukina ku yulu, yakulumuka, yasa kikuundi ha yulu nde.