Musamu wamubwete watina Yowane 1:29 - Musamu Wamubwete 2013

²⁹ Ha mambisa ma kiluumbu kikyo, Yowane wamono Yesu wuri mu kwiisa kuri nde, waleele ti: «Monee Mwaana kimeeme kya Nzaambi, wuyisilaana masumu ma nsi.»

Musamu wamubwete watina Yowane 1:29 Referans Kwoze

1 Yow 2:2

Nde ngo kikori mu ntoono masumu meetu, kari munu mu masumu ma beetu ko, ngo se mu masumu ma nsi yansiina.

1 Yow 3:5

Beenu luyaari kuri ti: Kiristo wamonikini mu kuyusula masumu, na mu nde mwahele masumu.

1 Pet 1:19

ngo mu makila mantalu ma Kiristo, mari bunu ma mwaana kimeeme, kyahele na kipfuumi na kyahele na mpita.

2 Kol 5:21

Wunde waba wahele na masumu, nde wamusa ngaa-masumu mu ntoono beetu, mpisi heki mu nde, tubeenee nsungumunu ya Nzaambi.

1 Pet 2:24

Mu nyutu yaandi, nde wanata masumu meetu ha yulu muti, mpisi heki bu tufwiiri mu masumu, tuba mwooyo mu ntoono nsungumunu. Mu biwa byaandi beenu luri lwatsinukusu.

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.

Nyabusulu ya Yowane 6:1

Me nyamono, haba dzibula Mwaana kimeeme kinyemu kyatete, mu byo nsaamu, na nyayuka kimosi mu bibulu byobina, kyaleele mu mbeembu yiri bunu nzasi ti: «Wasa!»

Nyabusulu ya Yowane 12:11

Bo bamubwiisiri, mu ntoono makila ma Mwaana kimeeme, na mu ntoono maampu ma kimbaangi kya bo; bo basii tya kukalila miwuumunu myaaku ha busu bwa lufwa ko.

Mukaanda kuri bari Ngalatya 3:13

Kiristo watukuula mu mpopi ya Mangisi, bu kabwilikila mpopi mu ntoono beetu, bukuri dyatinu ti: «Mpisi wunde wu bari bamanika ha yulu muti, lo kabwilikila mpopi.»

Musamu wamubwete watina Yowane 1:36

Bu kamono Yesu wuri mu kuluta, nde waleele ti: «Monee, Mwaana kimeeme kya Nzaambi!»

Nyabusulu ya Yowane 7:17

bukuri Mwaana kimeeme wuri ha kakati dya mboloko, sa kabatwaalisa na sa kabanata ku bidzinga bya maampa mamwooyo, na Nzaambi sa kayaala mansangasa momanso mu miisu mya bo.»

Biyiriki bya Bantumu 8:32

Maampu ma kaba kwetaanga maba mamama: "Nde waba bunu kimeeme ki bari mu kunata ku kudzusa, na bunu mwaana kimeeme wahele na mbeembu, ha busu bwa wuri mu kumutebe myoosi. Nde wahele kudzibula munwa waandi.

Nyabusulu ya Yowane 17:14

Bo sa basa mudziingu kuri Mwaana kimeeme; na Mwaana kimeeme sa kababwiisa, bukuri nde wuri Mfumu ya bamfumu, Mbyaasi ya bambyaasi. Nde sa kababwiisa mu kintwaari na ba kari kateele mbila, ba kari kasoolo na bakwiikama mu nde.»

Nyabusulu ya Yowane 15:3

Baba yimbilaana mukuunga Moose, kisari kya Nzaambi, na mukuunga Mwaana kimeeme wuleele ti: «Mfumu Nzaambi Mwa-mpuungu, biyiriki byaaku byabinene, na bya nkimukunu! Mbyaasi ya makaanda, manzila maaku masuunguma na mari mangwanwa!

Nyabusulu ya Yowane 14:1

Me nyatala, na nyamono Mwaana kimeeme waba wateleme ha yulu mulaandu wa Syoni, na mafuunda kuumi na mana ma baatu babatinini nkuumbu nde na ya taayi dyaandi mu mambuunsu ma bo.

Nyabusulu ya Yowane 7:14

Me nyaleele kuri nde ti: «Mfumu yaami, ye yaari.» Nde waleele kuri me ti: «Bamaba ngo bamwiini mpasi dzalaka, baswaakiri madzweele maaku, na bahembikisi mo mu makila ma Mwaana kimeeme.

1 Pet 3:18

Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.

Nyabusulu ya Yowane 19:9

Mbasi yaleele kuri me ti: «Tina: Kiminu kiri na babo ba bari bateele mbila, mu kudya byandya bya makweele ma Mwaana kimeeme.» Yabweese kuleele kuri me ti: «Mamo ngo Maampu ma Nzaambi mangwanwa.»

Nyabusulu ya Yowane 14:10

lo nde se sa kanwa malu ma nkesi dza Nzaambi, masekele kwahele bisaangi, munsa mbasa ya nkesi dzaandi, nde sa kaba wakwaamusu kunsa mbaawu na mfulu dza ntiinta ya musaka-nkala, ha busu bwa bambasi bangisi na ha busu bwa Mwaana kimeeme.

Nyabusulu ya Yowane 13:8

Bobanso badzakala ha butoto, sa basaambila kibulu kikyo; bobanso bari mankuumbu mahele kutina, mu mukaanda wa mwooyo wa Mwaana kimeeme, wubakekiri, kuholosono kunu mbandukulu nsi.

Musamu wamubwete watina Yowane 3:16

Bukuri bumabu Nzaambi watya nsi, nde waha Mwaana waandi ndemosi, kuri heki, mpisi wunde wumusiila kanyi, kahele kufuuka, ngo kabaka kidziingu kyahele manunu.

Nyabusulu ya Yowane 19:7

Tumoneenu kiminu, tukeembeenu na tumuheenee nkeembu, bukuri nkweelulu Mwaana kimeeme yitubukiri, na mukasi waandi weki wayirima.

Nyabusulu ya Yowane 14:4

Bamaba ngo babo bari basii kusumuka mu bakyeetu ko, bukuri baba bakiri banswaasa, bamaba ngo bari mu kwenama Mwaana kimeeme kwokunso ku ka kweyende. Bamaba ngo ba bari bakuula ha kakati dya baatu, mintekesele mya Nzaambi na mya Mwaana kimeeme.

Nyabusulu ya Yowane 5:8

Bu kaholo mukaanda, bibulu byobina na binuni makuumi moolo na bina, byayilima ha busu bwa Mwaana kimeeme. Mpisi kinuni kyaba na ngoomfi, na mambasa mawoolo maluula mu mananaasi, dzidzo ngo nsaambulu dza bangisi.

Nyabusulu ya Yowane 1:5

na kuri Yesu Kiristo, Mbaangi yakwiikama, watete wabutuka mu bafwa, na mwaana mfumu ya bambyaasi ba butoto. Kuri nde wututiiri, watukuula mu masumu meetu mu makila maandi,

Nyabusulu ya Yowane 21:9

Mosi mu bambasi nsaamu, baba na mambasa nsaamu maluula mu biteesu nsaamu bya mpasi bya mpotulu, wayisa na wadzoonso na me, waleele ti: «Wasa, me nyikusoongo mukyeetu wa lulelusunu lwa makweele, mukasi Mwaana kimeeme.»

Nyabusulu ya Yowane 6:16

Bo baleele kuri milaandu na kuri matari: «Bweeneenu ha yulu beetu, na tusweekeenu ha busu bwa wunde wadzakala ha yulu mboloko, na ha busu bwa nkesi dza Mwaana kimeeme,

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Nyabusulu ya Yowane 21:27

Mu dyo, kuri nkotulu kitotolo kyasumuka, muyiriki mya myamibi, bunu pe ngaa-mpya ko, ngo bakoto mu dyo, bani babo batinima mankuumbu mu mukaanda wa mwooyo, wa Mwaana kimeeme.

1 Yow 4:10

Ntiilu yiri bumabu: ka kuri ko ti beetu twatiiri Nzaambi, ngo kasi nde watutya, na waheeke Mwaana waandi, bunu kikori mu masumu meetu.

1 Tim 2:6

Nde waheeri kikori ngo nyutu yaandi, mu kukuula baatu bobanso, kikyo ngo kimbaangi mu ntaangu yayelemene.

1 Kol 15:3

Mukwongo, me nyalutubukiri hani tete, ma nyataamburi me se ti: Kiristo wafwa mu ntoono masumu ma beetu, bunu buri Matinu;

Musamu wamubwete watina Matayi 20:28

Bwobumosi mu Mwaana muutu wahele kwiisa mu kuri ti bamusalila, ngo mu kusalila na kuha kidziingu kyaandi, bunu kikori mu balaka.»

Nyabusulu ya Yowane 5:6

Me nyamono Mwaana kimeeme, wuri bunu wu bari bakeke, wateleme ha kakati dya mboloko, ha kakati dya bibulu bina, na ha kakati dya binuni. Nde waba na mampoko nsaamu, na miisu nsaamu, mamo mampeeve nsaamu ma Nzaambi, ma kari kaheeke mu nsi yansiina.

Mukaanda kuri Bahebeleho 9:28

bunubwo se, Kiristo bamuha mu kikabu mbala mosi, mu kuyusula masumu ma fundu-fundu dya baatu, na kumonokono lwadzoolo kwahele masumu, kuri babo bamukiinga, mpisi kabaha mvuukulu.

Mukaanda kuri bari Ngalatya 1:4

Yesu Kiristo wayekiri nyutu yaandi mu ntoono masumu ma beetu, mpisi heki katukuula mu ntaangu yayibi yimayi, bunu buri kutya kwa Nzaambi wuri Taayi dyeetu.

Biyiriki bya Bantumu 13:39

Mu nde, mpisi musi kanyi lo sa kaba walulukusu.

Musamu wamubwete watina Matayi 1:21

Nde sa kabuta mwaana wa mubakala na ye sa wamuteele nkuumbu Yesu; bukuri nde sa kabvuukisa baatu baandi mu masumu ma bo.»

Nyabusulu ya Yowane 21:14

Kibaka kya bvula, kyaba kyatuunga ha yulu matari kuumi na moolo ma lufulu, na mu matari, mwatina mankuumbu kuumi na moolo, ma bantumu kuumi na boolo, ba Mwaana kimeeme.

Mukaanda kuri Bahebeleho 2:17

Mu didyo, nde kaba kafwanikina na bampaangi baandi mu myominso, mpisi kaba mukuutu bangaanga-nzaambi, ngaa-ngebe na wakwiikama mu kisalu kya Nzaambi, mu kufuta masumu ma baatu.

Musamu wamubwete watina Yowane 1:35

Ha mambisa ma kiluumbu kikyo, Yowane waba wabweese kuteleme haho, na bayiki boolo mu bayiki baandi.

Musamu wamubwete watina Yowane 1:43

Ha mambisa ma kiluumbu kikyo, Yesu waŋana kweende ku Ngalili. Nde wabwaana Filipo na wamuleele ti: «Nama me.»

Musamu wamubwete watina Yowane 2:1

Mu kiluumbu kya bitatu, kwaba makweele ku Kana, mu nkoonsi ya Ngalili. Nguri Yesu waba hanaho.

Musamu wamubwete watina Yowane 4:42

Bo baleele kuri wa mukyeetu ti: «Beetu twahele kusa kanyi mu mini mi leerirye ye, ngo beetu tusa kanyi bukuri beetu-meene tuyukiryee na tuyaari ti, ngwanwa nde ngo mubvuukisi nsi.»

Musamu wamubwete watina Yowane 6:51

Me ngo mpa ya mwooyo yafumuna ku yulu; mbuti muutu diiri mpa yiyo, lo nde sa kaba mwooyo mu bibvu ngo bibvu. Na mpa yi nyiha me, ngo muswinyi waami, mu ntoono kidziingu kya nsi.»