Musamu wamubwete watina Yowane 1:17 - Musamu Wamubwete 2013

¹⁷ mukwongo bukuri mangisi mayisikila mu Moose, bweese na ngwanwa byayisikila mu Yesu Kiristo.

Musamu wamubwete watina Yowane 1:17 Referans Kwoze

Mukaanda kuri bari Loma 6:14

Mukwongo, masumu ka mabweese kuba na lutumu mu beenu ko, bukuri beenu lwahele mu lutumu lwa mangisi, ngo luri mu lutumu lwa bweese.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 1:14

Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.

Mukaanda kuri Bahebeleho 9:22

Byobinso mpaangi-pe biri byatsyeemusu mu makila, bunu bu loombolo mangisi, na ka kuri mpemisi ko, kwahele nsyamukunu makila.

Musamu wamubwete watina Yowane 8:32

beenu sa lwayaaba ngwanwa, na ngwanwa sa ya luha bunsaalisi.»

Musamu wamubwete watina Yowane 7:19

Buri Moose kasii luha mangisi ko? Ngo kwahele ti muutu ti mosi mu beenu wuri mu kumasalila. Buri beenu lusaka me kudzusa?»

Biyiriki bya Bantumu 28:23

Bu bakaanga laki na Pawulo, bo bayisa mu lutaangu lwalaka ku nzo yaandi. Kuri bo kayaabisa mu nteelulu kimbaangi kya Kimfumu kya Nzaambi, mu kubayukusa mu mitariri Yesu, kabandukila mu Mangisi ma Moose, natee mu babikiri, baholosonaa kipari natee nsinsika.

Mukaanda kuri bari Ngalatya 3:17

Me bu nyiiri mu kuleele ti: lulelusunu lwa Nzaambi lu katekesele kukaanga, ka lutsiitsa kuba lwayaalu kuri Mangisi ko mayisa, ha mambisa ma nkama na makuumi matatu ma mibvu, mu kubwiisa lusiilulu.

Biyiriki bya Bantumu 7:38

Mu ntaangu yaba yakutukuna baatu ku nsi yankatu, nde waba wateleme mu kuyuka myaba leelaana mbasi ku yulu mulaandu, na kutubula kuri bataayi beetu. Nde wataamburi maampu ma mwooyo, mu kuha kuri beenu.

Musamu wamubwete watina Yowane 5:45

Yaa lutsima ko ti me mbasi-tsuku nyilufuunda kuri Taata; wufuunda beenu, Moose wunde wu luri lwasiila nsiitu.

2 Kol 1:20

Mukwongo, nsiilulu dza Nzaambi dzodzinso mu nde dini «heehe» diri, Mu didyo se beetu tukooleelaa ti «Amene» kuri Nzaambi, mu kumuha nkeembu.

Musamu wamubwete watina Yowane 9:29

Beetu tuyaari ti Nzaambi wadzoonso kuri Moose, ngo wumawu, beetu twahele kuyaaba ku kari kafumina!»

Musamu wamubwete watina Yowane 18:37

Pilato waleele kuri nde ti: «Ngo ye mbyaasi wuri?» Yesu wabvutula ti: «Ye wuri mu kuleele ti me mbyaasi nyiri. Mu bubwo me nyiri nyabutuka, na mu bubwo me nyiri nyayisa ha nsi, mpisi heki me nta kimbaangi mu mitariri ngwanwa. Mpisi wunde wuri mu ngwanwa, lo wuyukaa mbeembu me.»