Musamu wamubwete watina Yowane 1:16 - Musamu Wamubwete 2013

¹⁶ Bukuri mu nduululu yaandi, beetu-banso twataambula bweese ha yulu bweese;

Musamu wamubwete watina Yowane 1:16 Referans Kwoze

Mukaanda kuri bari Kolosayi 1:19

Bukuri Nzaambi watiiri kudzakisa nduululu yoyinso ya kinzaambi kyaandi mu nde,

Mukaanda kuri bari Loma 5:2

mu nde se turi twabaka miswa, mya kutaambula mu kanyi mu bweese bubwo, bu turi twatelemene, na turi twasiila kimweese kyeetu, mu nsiitu ya nkeembu Nzaambi.

Mukaanda kuri bari Efeso 3:19

luyaaba ntiilu ya Kiristo, yalutula nyaabulu. Mu bubwo beenu luba lwaluula natee mu nduululu yoyinso ya Nzaambi.

Mukaanda kuri bari Efeso 1:23

diri nyutu yaandi, nduululu ya wunde wuluulusaa byobinso mu bobanso.

Mukaanda kuri bari Loma 5:17

Ngo mbuti mu lumvuki lwa muutu mosi, lufwa lwatuma lwolukaka, lo dibvuriri mufunu diri ti, mu Yesu Kiristo kitsu, baatu bataambula kwa mansaalisi bweese na kikabu kya nsungumunu, sa batuma mu bumwooyo.

Musamu wamubwete watina Yowane 3:34

Mukwongo, wunde wuri Nzaambi wamuheeke, wuleelaa Maampu ma Nzaambi, bukuri Nzaambi wamuha Mpeeve kwahele bwa kuteesele.

1 Pet 1:2

bunu buri nyaabulu yatekesele ya Taata Nzaambi, mu mpeelu bungisi ya Mpeeve, mu ntumumunu na nyakunu makila ma Yesu Kiristo. Bweese na kiyeengi biba byafunusu kuri beenu!

Musamu wamubwete watina Matayi 13:12

Mukwongo, kuri wunde wuri na kitotolo, sa bamuha, na sa kaba wabuukila mu bitotolo; ngo kasi, kuri wahele na kitotolo, sa bamuyisila na kikari na kyo.»

Mukaanda kuri bari Kolosayi 2:3

mu nde mwaswekeme busina bwobunso bwa madyeele, na bwa nyaabulu.

Mukaanda kuri bari Loma 8:9

Beenu lwahele kuba mu muswinyi, ngo luri mu Mpeeve, mbuti heki Mpeeve Nzaambi yadzakala mu beenu. Mbuti muutu wahele na Mpeeve ya Kiristo, lo nde kari wa Kiristo ko.

Musamu wamubwete watina Luka 21:15

bukuri me-meene, sa nyaluha mi ludzoonso na madyeele, kuri lo bataatu ba beenu, babangusina kulutungukila ko, na kuhaakula mi luleele ko.

Musamu wamubwete watina Matayi 3:14

Kasi Yowane wamutungukula, wamuleele ti: «Me nyiri na nzala kutaambula mbotokulu kuri ye; kasi ye ngo weki kwiisa kuri me?»

Musamu wamubwete watina Matayi 3:11

Me nyilubotoko mu maampa mu ntoono nyiingulu madyeele; ngo wunde wukwiisa ku mambisa ma me, bvuriri makwa na me, me nyahele kukuka mu kusyonono masapaatu ma nde. Nde sa kalubotoko mu Mpeeve Yangisi na mu mbaawu.

1 Pet 1:11

Bo bafyongokono mu kuyaaba, mu nkya ntaangu bunu pe mu nkya kiteesu, misamu myatekisiri kubayaabisa Mpeeve ya Kiristo miyirima. Misamu mimyo mitariri mpasi dza Kiristo, na munkeembu wukwiisa ha mambisa.

Mukaanda kuri bari Loma 5:20

Mangisi mayisa mpisi heki lumvuki lufunina; ngo haho hafunina masumu, hanaho se ha buukulaa bweese,