Musamu wamubwete watina Yowane 1:10 - Musamu Wamubwete 2013

¹⁰ Wunde wuri maampu, waba ha nsi, na nsi yayirimina mu nde, ngo nsi yasiiri kumuyaaba ko.

Musamu wamubwete watina Yowane 1:10 Referans Kwoze

Musamu wamubwete watina Yowane 17:25

Taata ngaa-kusuunguma, nsi yasii kuyaaba ye ko, ngo me nyikuyaari, na bamaba bayaari ti, ye wampeeke.

1 Yow 3:1

Monee nkya ntiilu Taata kari katutiila, mpisi heki batuteele baala ba Nzaambi, na turi se bo. Hango-nkuumbu, nsi yahele kutuyaaba, bukuri yahele kuyaaba nde.

1 Kol 2:8

Kuri ti mosi mu bamfumu ba ntaangu yimayi wayaaba mo ko; bukuri, mbuti baba bayaaba, nkani basii komono Mfumu ya nkeembu ha yulu kuruwa ko.

1 Kol 1:21

Mukwongo, bukuri nsi mu nyaabulu ya nde-meene wahele kuyaaba Nzaambi, kunsa nyaabulu ya Nzaambi. Nzaambi wamono dyo dyadibwete mu kubvuukisa, mu bulawuku bwa nyikusulu, baatu basiila kanyi.

Musamu wamubwete watina Matayi 11:27

«Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.»

Mukaanda kuri Bahebeleho 11:3

Mu kanyi, beetu tukoobakalaa ti mansi mayirimini mu maampu ma Nzaambi, kuri lo bitotolo byamonokono, byayirimina mu bitotolo byahele kumonokono.

Musamu wamubwete watina Yowane 1:18

Kuri muutu wu mwaamono Nzaambi ko; ngo Mwaana ndemosi wuri Nzaambi, wuri munsa Taayi, nde kooyaabisa.

Musamu wamubwete watina Yowane 1:5

buungi bwaseme kunsa mampimbisi, ngo mampimbisi masii taambula bwo ko.

Biyiriki bya Bantumu 14:17

Ngo ti hayuku bubwo, mani mamabwe nde ka kooluyirikilaa: ku yulu, wuluhaa bvula, mantaangu ma bikunu bibuta, na wululuulusaa mu byandya na kiminu mu mitima myeenu."

Musamu wamubwete watina Yowane 5:17

Ngo Yesu wabvutula kuri bo ti: «Taayi dya me wuri mu kwesala natee mu lumalu, me se nyiri mu kwesala.»

Musamu wamubwete watina Yowane 1:3

Byobinso byayirima mu mo; na kuri kitotolo ti kimosi kyayirima ko, kwahele kuyirimina mu mo.

Musamu wamubwete watina Yowane 1:11

Nde wayisa mu nsi ya nde-meene, ngo ba nde-meene basii kumutaambula ko.

1 Kol 8:6

Ngo kasi, mu beetu lo Nzaambi yomosi yiri, Taayi, mu nde byobinso biri byafumuna, na beetu turi ba nde; Mfumu se yomosi yiri, Yesu Kiristo, byobinso byayirimina mu nde, na beetu turi mwooyo mu nde.

Mukaanda kuri bari Kolosayi 1:16

bukuri mu nde, bitotolo byobinso bari babiyirikila, mu mayulu na ha butoto, bi bamonaa na biri bamonaa ko, ti mamboloko, ti bumbyaasi, ti bimfumu, ti lutumu. Bitotolo byobinso mu nde, na mu ntoono nde, bari babiyirikila.