Mukaanda kuri bari Ngalatya 6:7 - Musamu Wamubwete 2013

⁷ Yaa luwunukina kweenu ko, bakoosiila Nzaambi munsiku ko; bukuri, mamo ma kunaa muutu mani mamo se katolo.

Mukaanda kuri bari Ngalatya 6:7 Referans Kwoze

2 Kol 9:6

Yaabee ti: Wunde wukuna mwaa-kwantele sa katolo se mwaa-kwantele, na wunde wukuna kwalaka sa katolo se kwalaka.

1 Kol 15:33

Yaa luwunukina kweenu ko: «Kimbaasi kyakibi kikoobiyisa bifu byabibwete.»

Mukaanda kuri bari Efeso 5:6

Yaa kuba muutu wuluwuna mu misamu myahele mufunu ko, bukuri mu mimyo nkesi dza Nzaambi dzikwiisaana ha yulu baala ba nko.

1 Kol 6:9

Buri beenu lwahele kuyaaba ti, bangaa-bubayi ka bataambula saala dya Kimfumu kya Nzaambi ko? Yaa luwunukina kweenu ko: biyala, minsaambiri mya biteki, bangaa-kimpala, bari na manzelu ma bukyeetu, babakala kakwesa kimpala na bambaasi bakala,

Musamu wamubwete watina Luka 16:25

Abalaami waleele kuri nde ti: "Mwaana me, baambuka mwooyo ti ye wataamburi byabibwe bya ye, ha wabee mu bumwooyo, na Ladzaro nde se wamwii manyoongi. Ngo mu lumalu, nde wuri mu mboondulu hamaha, kasi ye wuri mu kubama.

Mukaanda wa Yakobo 1:22

Beenee bakwesalila maampu, nkani ka bani bakwemayuka ko, bakwewunukuna bo-meene.

1 Yow 3:7

Mwaa-baala, muutu yaa kaludziimbisa ko. Wunde wusalilaa nsungumunu, lo wasuunguma bunu Kiristo wuri wasuunguma.

Mukaanda kuri bari Ngalatya 6:3

Mukwongo mbuti muutu wutsima ti wuri mufunu, koomosoko wabuunu, lo nde wuwunukinaana.

Mukaanda wa Yakobo 1:26

Mbuti muutu wumono kuri ti nde munsaambiri, ngo wahele kubangisina kutwaalisa ludima lwaandi, na wukwewunukuna nde-meene, lo nsambukulu yaandi yiri ya mungengi.

1 Kol 3:18

Muutu yaa kawunukina nde-meene ko: mbuti ha kakati dya beenu, muutu wutsima ti nde ngaa-madyeele mu ntaangu yimayi, lo kaba kilawuku mpisi heki kaba ngaa-madyeele.

1 Yow 1:8

Mbuti tuleeriri ti twahele na masumu, lo tuwunukunaa beetu-meene, na ngwanwa ka yiri mu beetu ko.

Musamu wamubwete watina Luka 21:8

Nde waleele ti: «Seenee madyeele mpisi luhele kuwumuka; bukuri baatu balaka sa biisa mu nkuumbu me, na sa beleele ti: "Me nyiri", na ti: "Ntaangu yikokisiri!" Ngo yaa lubanama ko.

Mukaanda Yuda 1:18

Bo baba leelaa kuri beenu ti: «Kumanunu ntaangu, sa kwaba bangaa-munsiku bakwedyaatila bunu buri nyiimunu dzaaku, dza bangooyi.»

2 Tes 2:3

Muutu yaa kaluwuna mu ntoono ti mosi ko. Kiteesu kya nyekululu kanyi mu Nzaambi kyakiri kutekesele kwiisa, na muutu wahele na mangisi wakiri kumonokono, mwaana wa mfukusulu.