Mukaanda kuri bari Ngalatya 6:15 - Musamu Wamubwete 2013

¹⁵ Mukwongo, kuba wateende bubakala bunu pe kuhele kuba wateende bubakala kuri mufunu ko; ngo biri mufunu kuba kiyiriki kyamoono.

Mukaanda kuri bari Ngalatya 6:15 Referans Kwoze

2 Kol 5:17

Hango-nkuumbu, mbuti muutu wuri mu Kiristo, lo nde kiyiriki kyamoono; byabikulu byayeki byaluta, byamoono byayiingina.

Mukaanda kuri bari Efeso 4:24

na lwaatee muutu wamoono, wayiriku bunu buri kutya kwa Nzaambi, kunsa nsungumunu na bungisi byangwanwa.

Mukaanda kuri bari Efeso 2:10

Mukwongo, beetu turi biyiriki bya Nzaambi, nde watuyirika mu Kiristo Yesu, mu kuba na biyiriki byabibwete, bi kari katekesele kuyirika, mpisi tubisalila.

Mukaanda kuri bari Ngalatya 5:6

Bukuri, mu Yesu Kiristo, kuteende bubakala bunu pe kuhele kuteende bubakala ka biri mufunu ko, ngo biri mufunu, kanyi disoongaana biyiriki mu ntiilu.

1 Kol 7:19

Nteendulu bubakala yiri kitotolo ko, na kuhele kuteende bubakala kiri kitotolo ko, ngo biri mufunu kubvumina mangisi ma Nzaambi.

Mukaanda kuri bari Loma 2:28

Mukwongo, Muyudayo kari wunde wubamonaa mu miisu ko, na nteendulu bubakala kari yibamonaa mu muswinyi ko,

Mukaanda kuri bari Loma 8:1

Ngo mu lumalu, kwasaala mbwiilu mu mutsuundu ko, kuri babo bari mu Kiristo Yesu.

Nyabusulu ya Yowane 21:5

Wunde waba wadzakala ha yulu mboloko waleele ti: «Mono, me nsiiri byobinso byeki byamoono.» Wabweese kuleele ti: «Tina, bukuri maampu mamama mari masuunguma na mangwanwa.»

Mukaanda kuri bari Loma 2:26

Ngo mbuti muutu wahele kuteende bubakala, wubvuminaa mangisi, buri lo mpelulu nteendulu bubakala bwa nde, yahele kumonokono bunu nteendulu bubakala?

Mukaanda kuri bari Loma 6:4

Ngo beetu batudziika kintwaari na nde, mu mbotokulu mu lufwa, mpisi heki bunu bwafulukiri Kiristo mu bafwa, mu nkeembu ya Taayi, bunubwo se beetu, twedyaatila mu kidziingu kyamoono.

Mukaanda kuri bari Efeso 2:15

Nde wayisila lutumu lwa Mangisi na misiku, mpisi heki mu nde-meene, nde kayirika mu bo boolo, muutu ndemosi wamoono, mu kusa kiyeengi,

Mukaanda kuri bari Filipo 3:3

Mukwongo, bateende bubakala ngo beetuneenu, tusaambilaa mu Mpeeve ya Nzaambi, tumonaa kimweese mu Kiristo Yesu, na tuhelaa kusiila nsiitu mu muswinyi,