Mukaanda kuri bari Ngalatya 5:16 - Musamu Wamubwete 2013

¹⁶ Ngo kasi me nyiluleele ti: dyaatileenu mu Mpeeve, na luba ti bele na dyo pe, mu kuyukutisa nyiimunu dza muswinyi.

Mukaanda kuri bari Ngalatya 5:16 Referans Kwoze

Mukaanda kuri bari Ngalatya 6:8

Bukuri wunde wukuna mu kimuutu kya nde-meene, sa katolo mu kimuutu mbiiyulu; na wunde wukuna mu Mpeeve, sa katolo mu Mpeeve, kidziingu kyahele manunu.

1 Pet 2:11

Banduku ba mutima, me nyilusyaamisa bunu minzakikiri miri ku bunzeense, mu kukaanga mutima, mu kuhele kubwa mu nyiimunu dza muswinyi, dzikwenwaanisa muheebulu.

2 Kol 7:1

Ngo banduku ba mutima, bukuri turi na nsiilulu dza bubwo, tutsyeemekeenu mu mamviindu momanso ma muswinyi na ma kiluunsi, na tukukiseenu bungisi kunsa kibvumi kya Nzaambi.

Mukaanda kuri bari Loma 6:12

Ngo yaa lutala ko ti, masumu maba na lutumu mu nyutu yeenu ya mfwiilu, mpisi luhele kutumuma mu nyiimunu dza nyutu.

Mukaanda kuri bari Efeso 2:3

Beetu-banso se twaba kintwaari na bo, na twaba kwedyaatilaana mu ntaangu yayikulu, bunu buri nyiimunu dza muswinyi weetu, mu kweyirika matiiri muswinyi na bitsimi byeetu byabibi. Mu mbeelu yeetu, twaba baala bayelemene kubwiilikila nkesi dza Nzaambi bunu bakaka.

1 Pet 1:14

Bunu baala bari na bintambukulu, yaa lunama kifwaani kya nyiimunu dza ntaangu yayikulu ko, yi lwaba lwakiri kunsa lubu.

1 Pet 4:6

Mukwongo, mu bubwo, bari bayikisa Musamu Wamubwete kuri bafwa se, mpisi baba batsuundusu mu muswinyi bunu bu tiiriri baatu, na baba mwooyo mu Mpeeve bunu bu tiiriri Nzaambi.

1 Pet 1:22

Beenu lwatsyeemese miheebulu myeenu mu kutumuma kuri ngwanwa, mu dyaambu dya ntiilu ya kimpaangi, yahele na bumpitu-bumpyoongo. Tilisineenu beenu na beenu kwalaka mu mutima watsyeemeke,

Mukaanda kuri bari Kolosayi 2:11

Mu nde se, beenu bari baluteende bubakala, mu nteendulu yahele kuba ya myooko mya baatu, ya nyubukulu nyutu ya muswinyi, ngo mu nteendulu ya Kiristo.

Mukaanda kuri bari Ngalatya 3:17

Me bu nyiiri mu kuleele ti: lulelusunu lwa Nzaambi lu katekesele kukaanga, ka lutsiitsa kuba lwayaalu kuri Mangisi ko mayisa, ha mambisa ma nkama na makuumi matatu ma mibvu, mu kubwiisa lusiilulu.

Mukaanda kuri bari Loma 8:1

Ngo mu lumalu, kwasaala mbwiilu mu mutsuundu ko, kuri babo bari mu Kiristo Yesu.

1 Kol 7:29

Bampaangi, me bu ntiiri kuleele ti: ntaangu yeki yayikufi; mu lumalu, babo bari na bakasi, baba bunu ti bahele na bakasi,