Mukaanda kuri bari Ngalatya 5:13 - Musamu Wamubwete 2013

¹³ Mukwongo, bampaangi, beenu baluteele mbila mu kuba mu bunsaalisi. Ngo kasi, bunsaalisi bubwo yaa buba mpwaani ya kwedyaatila mu kimuutu ko; ngo kunsa ntiilu yendee lwesalisina beenu na beenu.

Mukaanda kuri bari Ngalatya 5:13 Referans Kwoze

1 Pet 2:16

Beenee bunu baatu bari na bunsaalisi, na bunsaalisi bubwo, yaa buba bunu nsaanda mu kwefuka bubi ko; ngo beenee bunu bankutu ba Nzaambi.

1 Kol 9:19

Bukuri me nyiri mu bunsaalisi kuri bobanso, ngo kasi, me-meene nyataambula kuba nkutu ya bobanso, mpisi heki me mbaka baatu balaka.

1 Kol 8:9

Seenee madyeele, kuri heki miswa mi luri na myo, mihele kubumisa makya kuri bari na buyonsi.

Mukaanda kuri bari Ngalatya 5:14

Bukuri Mangisi momanso mari makuka mu dyaambu dimosi, ngo dimadi: «Tya mbaasi yaaku bunu ye-meene.»

Mukaanda kuri bari Efeso 5:21

Yende lwetumuma bamosi kuri bakaka, mu kibvumi kya Kiristo.

Mukaanda kuri bari Ngalatya 6:2

Yendeenu lwenatisina binati beenu na beenu, mu bubwo, beenu lukukisa Mangisi ma Kiristo.

Mukaanda Yuda 1:4

Mukwongo, baatu babamosi bayolomikini mu nsweeki, bari kuholosono na kidzika, batekesele kubatina mankuumbu mu mutsuundu wunde. Bo ngo bangooyi, bakwekitula bweese bwa Nzaambi yeetu mu buyala, na bakwetuna wunde wuri ndemosi Mutumi na Mfumu yeetu, Yesu Kiristo.

2 Pet 2:19

Bo bakwetaasila baatu bunsaalisi, buni bo-meene bankutu ba bifu byabibi. Bukuri, mpisi muutu wuri nkutu kuri bibyo bi kari katumuma.

2 Kol 4:5

Mukwongo, beetu twahele kweyaabisa mi tariri beetu-meene, ngo Yesu Kiristo Mfumu turi mu kweyaabisa; beetu-meene ngo turi bisari bya beenu mu ntoono Yesu.

Biyiriki bya Bantumu 20:35

Mu myominso, me nyasoongiri kuri beenu ti, mu kusala, beenu luyelemini kubakisa bari na buyonsi, na kubaambuka mwooyo mu maampu ma Mfumu Yesu, bukuri nde-meene waleeriri ti: "Kiminu kibvuriri mu kuha ti na mu kutaambula."

Mukaanda kuri bari Ngalatya 5:22

Kasi kimbutu kya Mpeeve ngo: ntiilu, kiminu, kiyeengi, nkindusulu-mutima, mbweeyulu-mutima, nzala-baatu, kanyi,

Musamu wamubwete watina Luka 4:18

«Mpeeve ya Mfumu yiri mu me, bukuri nde wankila maasi, mu kunata Musamu Wamubwete kuri bawelu. Nde wampeeke mu kubikisa bunsaalisi, kuri bari mu maboroko, na nsinukunu kuri bafwa miisu, kubvutula bari mu nkwaamusunu kunsa bunsaalisi,

Mukaanda kuri bari Ngalatya 4:22

Mukwongo, diri dyatinu ti: Abalaami wabuta baala boolo, mosi mu mukyeetu wa nkutu, wakaka mu mukasi wahele kuba nkutu.

1 Tes 1:3

Beetu tubaambukaana mwooyo mu biyiriki bya kanyi dyeenu, mu kisalu kya ntiilu yeenu, na mu kifiki kya nsiitu dzeenu mu Mfumu yeetu Yesu Kiristo, ha busu bwa Taayi dyeetu Nzaambi.

2 Kol 12:15

Me ngo wuri, nyiri na kutya mu kuha bi nyiri na byo, na sa nyaha kidziingu kyaami mu ntoono miheebulu mya beenu. Habaanaa me nyiri na ntiilu yalaka mu beenu, buri lo beenu ntiilu yantele luba na yo mu me?

2 Kol 3:17

Mfumu ngo Mpeeve, haho hari Mpeeve ya Mfumu, haho se hari bunsaalisi.

Mukaanda kuri bari Ngalatya 2:4

Kwaba kwaandi na bampaangi bampya, ba mumpitu, bayolimiki ha kakati dya beetu mu kwetukete kunsa bunsaalisi bweetu, bu turi na bwo mu Kiristo Yesu, mpisi heki batusa bankutu,

Mukaanda kuri bari Ngalatya 5:1

Kiristo watukuula mpisi tuba na bunsaalisi. Ngo telemee na ngwii, na yaa lubweese kukoto mu kihaangu kya bunkutu ko.

2 Kol 2:8

Hango-nkuumbu, me nyilusyaamisa mu kusoongo kimbaangi kya ntiilu yeenu mu nde.