Mukaanda kuri bari Ngalatya 5:1 - Musamu Wamubwete 2013

¹ Kiristo watukuula mpisi tuba na bunsaalisi. Ngo telemee na ngwii, na yaa lubweese kukoto mu kihaangu kya bunkutu ko.

Mukaanda kuri bari Ngalatya 5:1 Referans Kwoze

2 Kol 3:17

Mfumu ngo Mpeeve, haho hari Mpeeve ya Mfumu, haho se hari bunsaalisi.

Mukaanda kuri bari Ngalatya 5:13

Mukwongo, bampaangi, beenu baluteele mbila mu kuba mu bunsaalisi. Ngo kasi, bunsaalisi bubwo yaa buba mpwaani ya kwedyaatila mu kimuutu ko; ngo kunsa ntiilu yendee lwesalisina beenu na beenu.

1 Pet 2:16

Beenee bunu baatu bari na bunsaalisi, na bunsaalisi bubwo, yaa buba bunu nsaanda mu kwefuka bubi ko; ngo beenee bunu bankutu ba Nzaambi.

Mukaanda kuri bari Loma 6:14

Mukwongo, masumu ka mabweese kuba na lutumu mu beenu ko, bukuri beenu lwahele mu lutumu lwa mangisi, ngo luri mu lutumu lwa bweese.

Mukaanda kuri bari Loma 8:2

Bukuri, ngisi ya Mpeeve, ya bumwooyo mu Kiristo Yesu, yayeki yakuula me mu ngisi ya masumu na ya lufwa.

Mukaanda kuri bari Ngalatya 4:9

Ngo mu lumalu, bu lumwaayaaba Nzaambi, dibvuriri bubwete diri lumwaayabakana kuri Nzaambi, dyaburi beenu lubweese kubvutuka kuri bitotolo byahele makwa na byabuunu, mu nzala kubweese kuba bankutu kuri byo?

Mukaanda kuri Bahebeleho 10:23

Hemese tukebeenu nsiitu yi turi mu kweyaabisa, kwahele mpololo-bito, bukuri wunde wasa lusiilulu wakwiikama.

Mukaanda kuri bari Ngalatya 2:4

Kwaba kwaandi na bampaangi bampya, ba mumpitu, bayolimiki ha kakati dya beetu mu kwetukete kunsa bunsaalisi bweetu, bu turi na bwo mu Kiristo Yesu, mpisi heki batusa bankutu,

Mukaanda kuri bari Ngalatya 4:31

Hango-nkuumbu, bampaangi, beetuneenu ka turi baala ba mukyeetu wa nkutu ko, ngo baala ba mukyeetu wahele kuba nkutu.

Nyabusulu ya Yowane 3:3

Hango nkuumbu, baambuka mwooyo mu bu wataambula na bu wayukila, kebe na yiinga dyeele. Mbuti wahele kuba naana, sa nyiisa bunu ngaa-kwiibi, na wuyaaba ko mu nkya kilookolo me nyikwiisa kuri yeenu.

2 Pet 2:19

Bo bakwetaasila baatu bunsaalisi, buni bo-meene bankutu ba bifu byabibi. Bukuri, mpisi muutu wuri nkutu kuri bibyo bi kari katumuma.

1 Kol 16:13

Beenee naana, teleme na keketee mu kanyi, lwatee kibakala, beenee na makwa.

Mukaanda kuri bari Loma 7:6

Ngo mu lumalu, twayeki twakuuluka mu mangisi, twafwa mu mi twaba twakaangama, kuri heki tuba bankutu mu kiteesu kyamono kya Mpeeve, kari mu kiteesu kya kikulu kya mukaanda ko.

Mukaanda kuri bari Loma 6:18

Bu balukuula mu masumu, lwayeki bankutu ba nsungumunu.

Biyiriki bya Bantumu 15:10

Hango mu lumalu, buri lutiiri kusindukila Nzaambi, mu kukolokoso kihaangu mu mankiingu ma bayiki, kiri, ti bataayi beetu, ti beetu-meene twasii baka makwa ma kukinata ko?

1 Kol 7:22

Mukwongo, nkutu yataambula mbila mu Mfumu, muutu wakuuluka wuri wa Mfumu; bwobumosi se, muutu wuri bunsaalisi wataambula mbila, nkutu Kiristo kari.

Mukaanda Yuda 1:3

Banduku ba mutima, me mbeeri kwaandi na musoongo walaka mu kulutinina, mu dyaambu dya mvuukulu yeetu ya kintwaari, ngo mwiini mufunu mu kulutinina, mpisi nyilusyaamisa mu kunwaana mu ntoono kanyi, di bari bayakisa kwakinkulu kuri bangisi.

Mukaanda kuri bari Filipo 1:27

Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

Mukaanda kuri bari Efeso 6:14

Telemeenu na ngwii, lwateenu ngwanwa ngo musweele mu luketu lweenu, na lwaateenu nsungumunu ngo kinkuta kya mu ntulu kya mukaanda kibulu.

Nyabusulu ya Yowane 2:25

ngo mamo ma luyaari, kebeenu natee me nyiisiri.»

Mukaanda kuri Bahebeleho 4:14

Hango, bu turi na mukuutu bangaanga-nzaambi wataba mayulu, Yesu, Mwaana Nzaambi, tukwaatee na keketee kimbaangi kya kanyi.

Mukaanda kuri Bahebeleho 3:14

Bukuri beetu turi bakweyeende kintwaari na Kiristo, mbuti tukebiri na keketee kibeendu kyeetu ku mbandukulu natee ku manunu.

Mukaanda kuri Bahebeleho 3:6

Ngo Kiristo, wuri bunu Mwaana mu nzo, na nzo yiyo ngo beetu, mbuti tukebiri kifiki na kimweese kya nsiitu.

2 Tes 2:15

Hango-nkuumbu, bampaangi, beenee bakwiikama na kebeenu kikulu ki lwataamburi kuri beetu, mu ndzonsulu bunu pe mu mukaanda.

1 Tes 3:8

Ngo mu lumalu, beetu turi mwooyo bukuri beenu lwakwiikama mu Mfumu.

Mukaanda kuri bari Ngalatya 4:26

Yerusalemi dya ku yulu diri na bunsaalisi, dyo diri nguri beetu.

Mukaanda kuri bari Ngalatya 3:25

Kanyi bu dyayisa, beetu twasaala kunsa lutumu lwa mukebi ko.

1 Kol 15:58

Hango, bampaangi baami ba mutima, beeneenu na keketee, na ngwii, salee kisalu kya Mfumu, mu kiteesu kyalutila mu mantaangu momanso, bu luyaari kuri ti kisalu kyeenu mu Mfumu, ka kiri kyabuunu ko.

Musamu wamubwete watina Matayi 23:4

Bo bakwekaanga matsulu mamanene [maleme mu kunata] na bamateeteke ha yulu maheembu ma baatu, kasi bo, batiiri kumaningisa mu muleembu wa bo-meene ko.

Mukaanda kuri bari Loma 7:3

Hango-nkuumbu, mbuti mulumi wakiri mwooyo, ngo mukasi pariri na bakala dikimi, lo baleeriri ti nde ngaa-kimpala; ngo mbuti mulumi fwiiri, lo mukasi bakiri bunsaalisi ha busu bwa mangisi, kuri hayuku nde pariri na bakala dikimi, lo wahele kuba ngaa-kimpala.

Mukaanda kuri bari Loma 8:15

Bukuri beenu lwahele kutaambula mpeeve ya bunkutu, mu kuri ti lubweese kuba na boomo: ngo kasi beenu lwataambula Mpeeve, yisa kuri ti luba baala ba Nzaambi, mu yo beetu tukoobikisaa ti: «Aba, Taata!»

2 Kol 11:20

Mukwongo, mbuti muutu wulusiiri bunkutu, mbuti muutu wuludiila manene, mbuti muutu horiri bi luri na byo, mbuti muutu wubilika mu beenu, na mbuti muutu wululeti ku busu, lo beenu lukuunda momanso mamo.

Musamu wamubwete watina Luka 5:38

Ngo malu mamoono, kusekele mu bimpokoro byamoono.