Mukaanda kuri bari Ngalatya 4:5 - Musamu Wamubwete 2013

⁵ mpisi heki, kakuula bari kunsa Mangisi, na tutaambuleenu kiteesu kya kuba baala.

Mukaanda kuri bari Ngalatya 4:5 Referans Kwoze

Mukaanda kuri Bahebeleho 9:15

Mu didyo, nde kari munkabu-kati wa lulelusunu lwamoono, mpisi heki lufwa lwaandi, bu lwayisa mu kukuula baatu mu lumvuki lu basiiri, mu lulelusunu lwatete, babo bayuka mbila, bataambula Saala dya mantaangu momanso, di bari babasiila.

Mukaanda kuri bari Efeso 1:5

Nzaambi watutaasiri mu kuba baala baandi ba kubuukisa mu Yesu Kiristo, bunu buri bweese bwa ntiilu yaandi,

Mukaanda kuri bari Efeso 1:7

Mu nde, beetu turi na nkuululu mu makila maandi, na mpemusunu ya lumvuki, bunu buri busina bwa bweese bwaandi,

Nyabusulu ya Yowane 5:9

Baba yimbilaana mukuunga wamoono ti: «Ye wayelemene kuholo mukaanda, na kudzibula binyemu byaandi, bukuri ye bakukekiri, na mu makila maaku, ye wakuula baatu mu ntoono Nzaambi, ba bitsuumbu byobinso, mandiinga momanso, baatu bobanso, na makaanda momanso.

Mukaanda kuri Bahebeleho 9:12

Nde wakoto mbala mosi mu nzo yangisi, kari na makila ma bantaba na ma bangoombo ko, ngo na makila ma nde-meene, mu kutamuna nkuululu yahele manunu.

Mukaanda kuri bari Ngalatya 3:13

Kiristo watukuula mu mpopi ya Mangisi, bu kabwilikila mpopi mu ntoono beetu, bukuri dyatinu ti: «Mpisi wunde wu bari bamanika ha yulu muti, lo kabwilikila mpopi.»

Mukaanda kuri bari Loma 8:23

Kari yini nsi yo yikaka ko, ngo na beetu se tumwaabaka mintekesele mya Mpeeve; beetu se mu beetu-meene, tukwekuuma mu kwekiingila ntaangu ya kuba baala ba Nzaambi, na ya nkuululu manyutu meetu.

Mukaanda kuri bari Ngalatya 4:7

Mu didyo, ye wahele kubweese kuba nkutu ngo wuri mwaana; na mbuti ye wuri mwaana, lo wuri se mukondiri-saala mu Nzaambi.

Mukaanda kuri bari Ngalatya 3:26

Mukwongo, beenu-banso luri baala ba Nzaambi, mu kanyi mu Kiristo Yesu,

Mukaanda kuri bari Loma 9:4

bapalila mu Isaheli. Kuri bo, bari baha kiteesu kya kuba baala ba Nzaambi, nkeembu, ndelusunu, kikabu kya mangisi, kisalu kya lusaambulu, nsiilulu.

Musamu wamubwete watina Yowane 1:12

Ngo kuri bobanso bamutaambula, nde wabaha lutumu lwa kuba baala ba Nzaambi, kuri babo basa kanyi mu nkuumbu yaandi,

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri bari Loma 8:19

Mukwongo, nsi yoyinso yiri mu kwekiingila mu kinsukulu-mutima, ntaangu mbasi-tsuku, yi yabakana baala ba Nzaambi.

Mukaanda kuri bari Efeso 5:2

na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.

Mukaanda kuri bari Ngalatya 4:21

Leelee meti me, beenu lutiiri kuba kunsa Mangisi, buri beenu lwahele kuyuka mamo maleele Mangisi?

Musamu wamubwete watina Luka 1:68

«Kaba wadumusu Mfumu Nzaambi ya Isaheli, bukuri nde wayisiri mu kuyilimina na mu kukuula kaanda dyaandi.

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.

Musamu wamubwete watina Matayi 20:28

Bwobumosi mu Mwaana muutu wahele kwiisa mu kuri ti bamusalila, ngo mu kusalila na kuha kidziingu kyaandi, bunu kikori mu balaka.»

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

1 Pet 3:18

Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.

Nyabusulu ya Yowane 14:3

Mafuunda ma baatu babo, baba yimbilaa mukuunga wamoono ha busu bwa mboloko, ha busu bwa bibulu bina na bwa binuni; kuri muutu ti mosi waba wakuka mu kuyika mukuunga wunde, mbuti ka bari mu nkama makuumi mana ma mafuunda ko, baba kuuriri ha butoto.

Mukaanda kuri bari Loma 8:14

Mukwongo, bobanso batwaalusu mu Mpeeve Nzaambi, babo ngo baala ba Nzaambi.

Mukaanda kuri bari Loma 8:15

Bukuri beenu lwahele kutaambula mpeeve ya bunkutu, mu kuri ti lubweese kuba na boomo: ngo kasi beenu lwataambula Mpeeve, yisa kuri ti luba baala ba Nzaambi, mu yo beetu tukoobikisaa ti: «Aba, Taata!»

Mukaanda kuri bari Loma 10:4

Bukuri Kiristo ngo nsukulu ya mangisi, mu ntoono nsungumunu, ya mpisi wunde wusa kanyi.