Mukaanda kuri bari Ngalatya 4:24 - Musamu Wamubwete 2013

²⁴ Bakyeetu babo bari bunu nkuma: bari mu kusoongo ndelusunu dzoolo. Lulelusunu lwamosi lwafumuna ku mulaandu wa Sinayi, mu mbutukulu ya bunkutu, ngo Angara.

Mukaanda kuri bari Ngalatya 4:24 Referans Kwoze

Mukaanda kuri bari Ngalatya 4:25

Angara mulaandu wa Sinayi mu nsi ya Arabya; nde wafwanikina na Yerusalemi dya lumalu, bukuri nde na baala baandi, bankutu bari.

1 Kol 10:11

Misamu mimyo myayirimini mu bo, mpisi miba kifwaani, na miri myatinu mu kuba nyikusulu kuri beetu, bari tweki mu mantaangu ma manunu.

Musamu wamubwete watina Matayi 13:35

Mpisi heki maleele mubikiri, meende mu mana. Nde waleele ti: «Me sa dzoonsolo mu mankuma; me sa nyaabisa myasweeke kuholosono kunu nyirikulu [nsi].»

Mukaanda kuri Bahebeleho 13:20

Hemese Nzaambi ya kiyeengi, wafulukisi mu bafwa Mfumu yeetu Yesu, mutari wamunene, mu ntoono makila ma lulelusunu lwa na mu mantaangu momanso,

Mukaanda kuri Bahebeleho 12:24

bebele na Yesu munkabu-kati wa lulelusunu lwamoono, na makila ma nyakunu mabvuriri kudzoonso kwakubwe, ti na makila ma Abele.

Mukaanda kuri Bahebeleho 11:19

Nde waba na kitsimi ti, Nzaambi wakuka mu kufulukisa muutu wafwa, mu didyo nde kabweesiri kubaka mwaana waandi, bunu ti nkuma.

Mukaanda kuri Bahebeleho 7:22

Mu kiteesu kikyo, Yesu wayeki mutamuni lulelusunu lubvuriri bubwete.

Mukaanda kuri bari Ngalatya 5:1

Kiristo watukuula mpisi tuba na bunsaalisi. Ngo telemee na ngwii, na yaa lubweese kukoto mu kihaangu kya bunkutu ko.

1 Kol 10:4

na bobanso banwa maampa momamosi ma kimpeeve; bukuri bo baba kwenwaa maampa mu tari dya kimpeeve, dyaba kweyendaa na bo; tari didyo dyaba Kiristo.

Mukaanda kuri bari Loma 8:15

Bukuri beenu lwahele kutaambula mpeeve ya bunkutu, mu kuri ti lubweese kuba na boomo: ngo kasi beenu lwataambula Mpeeve, yisa kuri ti luba baala ba Nzaambi, mu yo beetu tukoobikisaa ti: «Aba, Taata!»

Mukaanda kuri bari Ngalatya 4:3

Beetu se bwobumosi, bu twaba twakiri mwaa-baala, twaba kunsa bunkutu bwa misamu mya nsi.