Mukaanda kuri bari Ngalatya 4:18 - Musamu Wamubwete 2013

¹⁸ Diri dyadibwete, mu kuba na kuheme mu mamabwete, mantaangu momanso, nkani ka munu mu mantaangu mari, me nyiri ha busu bwa beenu ko.

Mukaanda kuri bari Ngalatya 4:18 Referans Kwoze

Mukaanda kuri bari Filipo 2:12

Mu didyo, banduku baami ba mutima, bunu bu lukootumumaa mu mpisi ntaangu, kari hani ha busu bwa me ko, ngo mu lumalu, bvulee kutumuma, me bu nyiri nde pe. Salilee mu kibvumi na mu ntekutulu, mu kubaka mvuukulu ya beenu-meene,

Nyabusulu ya Yowane 3:19

Me nyiŋaŋanaa na nyiseembaa bobanso bari nyibatiiri; mu didyo, ba na kuheme na yiinga madyeele.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri bari Filipo 1:27

Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

Mukaanda kuri bari Ngalatya 4:13

Beenu luyaari ti, me nyaluyaabisiri Musamu Wamubwete, mu lwatete, kuri lo nyabeele mu muswinyi.

1 Kol 15:58

Hango, bampaangi baami ba mutima, beeneenu na keketee, na ngwii, salee kisalu kya Mfumu, mu kiteesu kyalutila mu mantaangu momanso, bu luyaari kuri ti kisalu kyeenu mu Mfumu, ka kiri kyabuunu ko.

Musamu wamubwete watina Yowane 2:17

Bayiki baandi babaambuka mwooyo ti diri dyatinu ti: «Ho! Kuheme ku nyiri na me mu nzo yaaku kwankalimina.»

Mukaanda kuri bari Ngalatya 4:20

Me mbee ntiiri kwaandi kuba na beenu lumalu, na kuyiinga nzoonsulu yaami, bukuri me nyidunga mu ntoono beenu.

Mukaanda kuri bari Ngalatya 4:17

Bo bari na kuheme mu beenu, ngo kari mu kusaka bubwe bwa beenu ko. Bo batiiri kulutatula na me, mpisi heki beenu luba na kuheme mu bo.