Mukaanda kuri bari Ngalatya 2:20 - Musamu Wamubwete 2013

²⁰ Me nyiri mwooyo, ngo kari me ko, kasi Kiristo wuri mwooyo mu me. Mi nyikwemono me lumalu, mu kidziingu kya me mu muswinyi, me nyikwenata myo mu kanyi di nyiri na dyo mu Mwaana Nzaambi, wantya na wayekiri nyutu yaandi mu ntoono me.

Mukaanda kuri bari Ngalatya 2:20 Referans Kwoze

Mukaanda kuri bari Ngalatya 5:24

Babo bari ba Kiristo [Yesu], bayeki bakomono muswinyi na mantiilu, na nyiimunu dzaandi.

2 Kol 5:15

Nde wafwiila mu bobanso, mpisi heki bamwooyo bahele kubweese kuba bamwooyo mu bo-meene, ngo mu wunde wafwiiri na wafulukiri mu ntoono bo.

Mukaanda kuri bari Loma 6:8

Mbuti twafwa kintwaari na Kiristo, lo twasa kanyi ti sa twaba mwooyo kintwaari na nde.

Mukaanda kuri bari Ngalatya 6:14

Me ngo wuri, nyahele kusa nzala-kubila mu kitotolo, mbuti kari mu kuruwa dya Mfumu yeetu Yesu Kiristo ko, mu dyo, nsi yayeki yakomono mu ntoono ya me, na me bankomono mu ntoono ya nsi.

2 Kol 13:5

Fyongokinee mitima myeenu beenu-meene, mu kumono kari luri mu kanyi, tswiikiseenu mitima myeenu; hoti lwahele kubakula beenu-meene, ti Yesu Kiristo wuri mu beenu? Mbuti pele, lo beenu lwahele kuba batswiikama.

Mukaanda kuri bari Loma 6:13

Yaa lusalila binamu byeenu, bunu bisalulu bya bubayi mu kuyirika masumu ko. Ngo kasi beenu-meene salileenu Nzaambi, bunu baatu bamwooyo bafulukusu mu bafwa, na salileenu binamu byeenu, bunu binwaanunu bya nsungumunu mu kusalila Nzaambi.

1 Tes 5:10

Nde wafwa mu ntoono beetu, mpisi heki, ti hayuku turi naana ti hayuku twabwa tolo, lo tubeeneenu mwooyo kintwaari na nde.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri bari Ngalatya 1:4

Yesu Kiristo wayekiri nyutu yaandi mu ntoono masumu ma beetu, mpisi heki katukuula mu ntaangu yayibi yimayi, bunu buri kutya kwa Nzaambi wuri Taayi dyeetu.

Musamu wamubwete watina Yowane 17:21

mpisi heki bobanso baba mosi, bunu buri ye Taata mu me, na me se mu ye, mpisi heki bo se baba mu beetu, kuri heki nsi yisa kanyi, ti ye wampeeke.

Mukaanda kuri bari Loma 8:37

Kasi mu momanso mamo, beetu tubvuriri kuba baluuluka mu wunde watutya.

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.

Mukaanda kuri bari Efeso 5:2

na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.

Mukaanda kuri bari Filipo 4:13

Me lo nyakuka mu myominso, mu wunde wumpaana makwa.

Mukaanda kuri bari Efeso 3:17

Nde kadzakisa Kiristo kunsa mitima myeenu mu kanyi, na luba lwamene myaansi na lwatuunguma kunsa ntiilu,

Mukaanda kuri bari Ngalatya 3:11

Diri dya ngwanwa, kuri muutu ko wuba walulukusu ha busu bwa Nzaambi, mu Mangisi, bukuri diri dyatinu se ti: «Ngaa-kusuunguma sa kaba mwooyo mu kanyi.»

Musamu wamubwete watina Yowane 3:16

Bukuri bumabu Nzaambi watya nsi, nde waha Mwaana waandi ndemosi, kuri heki, mpisi wunde wumusiila kanyi, kahele kufuuka, ngo kabaka kidziingu kyahele manunu.

1 Yow 1:7

mbuti beetu tudyaatila kunsa buungi, lo turi mu kintwaari beetu na beetu, na makila ma Yesu, Mwaana waandi, matutsyeemisaa mu mpisi sumu.

Mukaanda kuri bari Kolosayi 1:27

Kuri bo, Nzaambi katiiri kuyaabisa, ha kakati dya makaanda, bunu buri busina bwa nkeembu ya mpaanu yimayi. Mpaanu yiyo ngo Kiristo mu beenu, nsiitu ya nkeembu.

Mukaanda kuri bari Loma 5:2

mu nde se turi twabaka miswa, mya kutaambula mu kanyi mu bweese bubwo, bu turi twatelemene, na turi twasiila kimweese kyeetu, mu nsiitu ya nkeembu Nzaambi.

Mukaanda kuri bari Loma 1:17

Bukuri nsungumunu ya Nzaambi yayabakana mu nde, mu kanyi na mu ntoono kanyi bunu bu diri dyatinu: «Ngaa-kusuunguma sa kaba mwooyo mu kanyi.»

2 Kol 13:3

bukuri beenu luri mu kusaka kimbaangi ti Kiristo wudzoonsaa mu me. Nde wahele na buyonsi kuri beenu, ngo kasi wusoongaa mpinu dzaandi mu beenu.

Nyabusulu ya Yowane 1:5

na kuri Yesu Kiristo, Mbaangi yakwiikama, watete wabutuka mu bafwa, na mwaana mfumu ya bambyaasi ba butoto. Kuri nde wututiiri, watukuula mu masumu meetu mu makila maandi,

1 Tes 1:10

na mu kwekiingila Mwaana waandi wufumuna ku mayulu, wu kafulukisi mu bafwa, Yesu, nde wutukuula mu nkesi dzikwiisa.

Musamu wamubwete watina Yowane 10:11

Me ngo Mutari wamubwete; mutari wamubwete, wuhaanaa kidziingu kyaandi mu ntoono bimeeme byaandi.

Musamu wamubwete watina Yowane 6:57

Bunu buri Taata wampeeke wuri mwooyo, na me nyiri mwooyo mu nde; bunu bubwo se wunde wudya me, sa kaba mwooyo mu me.

Nyabusulu ya Yowane 3:20

Mono, me nyateleme ha mweelu na nyikomboto; mbuti muutu yukiri mbeembu yaami, na dzibiri mweelu, me nsa nkoto mu nzo yaandi, nsa dya na nde, na nde sa kadya na me.»

1 Pet 1:8

Beenu lutiiri wunde wuri lwasii kumumono ko, na mu lumalu kwahele kumumono lwasa kanyi mu nde. Beenu luri mu kutirimuka mu kiminu kyahele bwa kuleelele, kya nkeembu,

Musamu wamubwete watina Matayi 20:28

Bwobumosi mu Mwaana muutu wahele kwiisa mu kuri ti bamusalila, ngo mu kusalila na kuha kidziingu kyaandi, bunu kikori mu balaka.»

Musamu wamubwete watina Yowane 15:13

Ntiilu yibvuriri bunene yiri na muutu ngo, ya kuha kidziingu kyaandi mu banduku.

Mukaanda kuri bari Ngalatya 2:16

Tuyaari se ti, muutu wahele kuba walulukusu mu biyiriki bya Mangisi, ngo mu kanyi mu Yesu Kiristo. Na beetu twasa kanyi mu Kiristo Yesu, mpisi heki tuba twalulukusu mu kanyi mu Kiristo, nkani ka mu biyiriki bya Mangisi ko, bukuri mu biyiriki bya Mangisi, lo kuri muutu ti mosi ko wuba walulukusu.

2 Kol 10:3

Mukwongo, mu kimuutu turi mu kwedyaatila, ngo kari mu kimuutu turi mu kwenwaanina ko.

Musamu wamubwete watina Yowane 6:69

na beetu twasa kanyi, na tuyaari ti ye ngo Wangisi, wa Nzaambi.»

Musamu wamubwete watina Yowane 1:49

Natanahele wabvutula kuri nde ti: «Labi, ye ngo Mwaana Nzaambi, ye ngo mbyaasi ya Isaheli.»

2 Kol 1:24

Kari kuri ti beetu, turi na lutumu mu kanyi dya beenu ko, ngo beetu tukwesala kintwaari na beenu, mu kuri ti beenu lumono kiminu, bukuri beenu lwateleme na keketee mu kanyi.

Biyiriki bya Bantumu 9:20

na hanaho, nde wayikisa mu manzo ma nkutukunu ti Yesu ngo Mwaana Nzaambi.

Mukaanda kuri bari Efeso 5:25

Balumi, tyeenee bakasi beenu, bunubwo se Kiristo kari watya dibuundu, na wayekele nyutu yaandi mu ntoono dyo.

2 Kol 5:7

bukuri beetu mu kanyi turi mu kwedyaatila, nkani ka mu mwiinunu ko.

Musamu wamubwete watina Yowane 3:35

Taayi tiiri Mwaana, na wayakisa byobinso mu myooko myaandi.

1 Yow 4:14

Beetu twakengisiri na tuta kimbaangi ti Taata waheekiri Mwaana, bunu Mubvuukisi nsi.

Biyiriki bya Bantumu 8:36

Bu baba mu kweyende mu nzila, batubuka hari maampa. Mpokoro muutu waleele ti: "Mono maampa moma, nki bi kakisila ye mu kubotoko me?" [

Musamu wamubwete watina Matayi 4:3

Musindukiri bu kakokosolo wamuleele ti: «Mbuti ye mwaana Nzaambi, leele ti matari ma makituka mampa.»

Mukaanda kuri bari Loma 3:22

Nzaambi wuluulukisa bobanso, mu kanyi mu Yesu Kiristo. Mukwongo, kwahele nsobokoso,

Mukaanda kuri bari Loma 4:25

Nde bamuyekele mu ntoono masumu meetu, na Nzaambi wamufulukisi mpisi tuba basuunguma.

Mukaanda kuri bari Loma 5:6

Mukwongo, mu ntaangu yi twaba twakiri makwa pe, Kiristo wafwiilila mu bangaa-masumu mu ntaangu yayelemene.

Mukaanda kuri bari Loma 5:8

Nzaambi wasoongo ntiilu yaandi mu beetu, bukuri, bu twaba twakiri bangaa-masumu, Kiristo watufwiila.

Mukaanda kuri bari Loma 8:10

Mbuti Kiristo wuri mu beenu, lo nyutu yafwa mu ntoono masumu, ngo Mpeeve yiluha bumwooyo, mu ntoono nsungumunu.

Mukaanda kuri bari Loma 14:7

Mukwongo, kuri ti mosi ko mu beetu wuri bumwooyo mu nde-meene, na kuri se ti mosi ko wufwa mu nde-meene.

1 Kol 6:17

Ngo wunde wubvuutini na Mfumu, lo beki kiluunsi kimosi.

2 Kol 5:14

Bukuri ntiilu ya Kiristo yatusweeteke, na tuyaari dyo mu ngwanwa ti, muutu mosi kitsu wafwiila mu bobanso, ngo bobanso se bafwa.

2 Kol 11:10

Yiyo ngwanwa ya Kiristo yiri mu me, kuri muutu wudika me ko mu kuba na kimweese kikyo mu mankoonsi ma Akaya.

Mukaanda kuri bari Filipo 1:21

Bukuri ku nyiri me, kuba mwooyo ngo Kiristo, na kufwa ngo ndaandu.

Mukaanda kuri Bahebeleho 8:3

Mukwongo, mpisi mukuutu bangaanga-nzaambi, bamubyaalisaa mu kuhaanaa bikabu na kudzusaa bibulu byaha mu kikabu; haho hari mufunu kuri nde se mu kuba na kitotolo, ki kaha.