Mukaanda kuri bari Kolosayi 4:3 - Musamu Wamubwete 2013

³ Mu ntaangu yo yimosi, saambilee se na mu beetu, mpisi heki Nzaambi katuha mpwaani ya kuyikisa maampu, na kuyaabisa mpaanu dza Kiristo, bukuri mu ntoono mpaanu dzidzo me nyiri mu boroko.

Mukaanda kuri bari Kolosayi 4:3 Referans Kwoze

Biyiriki bya Bantumu 14:27

Bu batubuka, bakutukisa dibuundu, bayaabisa momanso ma yirikiri Nzaambi kintwaari na bo, mu kudzibukila bangooyi mweelu wa kanyi.

Mukaanda kuri bari Kolosayi 1:26

mpaanu dza Nzaambi dzaba dzasweeku, kuholosono mu mibvu na mu biseendu, dzeki dzayabakana mu lumalu kuri bangisi baandi.

2 Kol 2:12

Me nyatubuka ku Torowasi, mu kweyaabisa Musamu Wamubwete wa Kiristo, na Mfumu wanzibukila mweelu,

2 Tim 2:9

mu ntoono musamu wunde, me nyiri mu kumono mpasi mu bikonyi, buni muyiriki-mamabi; ngo kasi maampu ma Nzaambi mahele mu bikonyi.

Mukaanda kuri bari Filipo 1:7

Buri bwa yelemene ti, me nyetsima ma bubwo mu beenu-banso, bukuri me nyalusuusa mu mutima waami. Ti hayuku me nyiri mu boroko, nyiri mu kukalala nyutu, na nyiri mu kusyaamisa Musamu Wamubwete, lo beenu-banso luri kintwaari mu bweese bwa me.

Mukaanda kuri bari Efeso 4:1

Me nyilusyaamisa, me nyiri boroko mu ntoono Mfumu, mu kudyaatila mu kiteesu kyayelemene na mbila yiyo yibari baluteele,

1 Kol 16:9

bukuri mweelu weki wadzibula kuri me na waangalaa, mu kusala kwakubwe, ti bukuri bataatu balaka.

1 Kol 4:1

Mu didyo, baatu bayelemini kutuhololo bunu bisari bya Kiristo, na bakebi ba mpaanu dza Nzaambi.

1 Tes 5:25

Bampaangi, saambileenu se mu beetu.

Musamu wamubwete watina Matayi 13:11

Nde wabvutula kuri bo ti: «Bukuri, kuri beenu baheeri kiteesu kya kuyaaba mpaanu dza Kimfumu kya mayulu; ngo kuri bo, bahele kuha.

Film 1:22

Mu ntaangu yo yimosi, yirikila me se kibeendu ki wuntambukila; me nyiri na nsiitu ti mu ntoono nsaambulu dzeenu, me sa bamvutula kuri beenu.

Mukaanda kuri bari Filipo 1:19

bukuri me nyaari ti mimyo sa myatwaala mvuukulu kuri me, mu ntoono lusaambulu lwa beenu na lubakusu lwa Mpeeve ya Yesu Kiristo.

2 Tim 1:16

Hemese Mfumu kasa mpemisi mu nzo Onesiforo, bukuri nde wasyaamisini me mu mantaangu momanso, na kasii ba na nsoni ko mu bikonyi bya me,

Mukaanda kuri bari Efeso 3:1

Mu ntoono yiyo, me Pawulo, nyiri boroko dya Yesu Kiristo, mu beenu makaanda.

Mukaanda kuri bari Loma 16:25

Kuri wunde wakuka mu kulukumisa, bunu buri Musamu waami Wamubwete, wu nyikwenata mu nyaabusulu Yesu Kiristo, bunu buri nyabusulu mpaanu dzasweeku, kuholosono mu mantaangu mahele mbandukulu na manunu.

Mukaanda kuri bari Efeso 3:3

Me nyataambula mpaanu mu nyabusulu, bunu bu nyatekisiri kulutinina mu bukufi.

Mukaanda kuri bari Efeso 3:4

Lumanaa kutaanga, beenu sa lwabakula nkya madyeele me nyiri na mo, mu mitariri mpaanu dza Kiristo,

Mukaanda kuri bari Efeso 3:9

na mu kuyirika kubaangula kuri bobanso bunu buri kisalu kya mpaanu ki bari basweeke, kuholosono mu mibvu, mu Nzaambi, wuri nde muyiriki bitotolo byobinso.

Mukaanda kuri bari Kolosayi 4:18

Taambuleenu mboto ya mu kooko kwa me-meene Pawulo. Baambukeenu mwooyo ti me nyiri mu boroko. Bweese buba na beenu!

2 Tim 4:2

yikisa Maampu, landukina mu ntaangu yayelemene na yahele kuyelemene, seembe, ŋaŋina, syaamisa, mu nkindusulu-mutima yoyinso kunsa nyikusulu.