Mukaanda kuri bari Kolosayi 4:12 - Musamu Wamubwete 2013

¹² Epafara, wa beenu-meene wuluheekiri mboto. Nde nkutu Kiristo Yesu, wukwelunwanikina mpisi ntaangu mu nsaambulu, mpisi heki beenu luteleme nangwii, luba bakuka mu kuyirika momanso matiiri Nzaambi.

Mukaanda kuri bari Kolosayi 4:12 Referans Kwoze

Mukaanda kuri bari Loma 15:30

Bampaangi, me nyilusyaamisa, mu Mfumu yeetu Yesu Kiristo, na mu ntiilu ya Mpeeve, mu kunwaana kintwaari na me, mu nsaambulu kuri Nzaambi, mu ntoono me.

Mukaanda kuri bari Kolosayi 1:9

Mu didyo se beetu, kuholosono kiluumbu kitwayukiri mamo, twahele kuhoto kusaambila mu beenu, na kuloombo kuri ti, luba lwaluula mu nyaabulu ya kutya kwaandi, mu madyeele momanso na mbakukulu ya kimpeeve,

Film 1:23

Epafale, mbaasi yaami mu Kiristo Yesu, wu turi mu boroko wukuheekiri mboto;

Mukaanda kuri bari Kolosayi 1:28

Nde beetu turi mu kweyaabisa, mu kulubula mpisi muutu, na kuyikisa mpisi muutu, mu madyeele momanso, mpisi muutu kaba nyirimunu yakuka mu Kiristo.

Mukaanda kuri bari Kolosayi 1:7

Epafara, nduku yeetu ya kisalu ya Mutima, bunubwo se kari kaluyikisa, nde wuri kuri beenu kisari kyakwiikama kya Kiristo.

2 Pet 1:1

Simehoni Petelo, nkutu na ntumu Yesu Kiristo, kuri babo bataambula kanyi diri ntalu yo yimosi na dya beetu, mu nsungumunu ya Nzaambi yeetu, na ya Mubvuukisi Yesu Kiristo.

Mukaanda kuri bari Ngalatya 4:19

Baala baami, me nyiri mu kubweese kumono misoongo mya mbutulu, natee kuyirima Kiristo munsa beenu.

Mukaanda kuri bari Ngalatya 1:10

Mukwongo, mu lumalu, me nsalila makwa mu kuyirika ma tiiri baatu hoti ma tiiri Nzaambi? Buri haho mbweeyulu kuri baatu nyisaka? Mbuti mbee nyakiri kwesaka mbweeyulu kuri baatu, lo nketyee kuba nkutu Kiristo ko.

Mukaanda kuri bari Loma 15:14

Mu mitariri beenu, bampaangi baami, me nyirikiri kuyaaba ti, beenu se lwaluula mu mutima-bubwe, lwaluulusu mu nyaabulu yoyinso, na lwakuka mu kwelubusina beenu na beenu.

Mukaanda Yuda 1:24

Kuri wunde wakuka mu kulukebe kwahele kubumuna makya, na kulutelemese ha busu bwa nkeembu yaandi, kwahele maseembu, kunsa nyeense,

Mukaanda kuri Bahebeleho 5:14

Ngo byandya byakuba bya baatu babuuka, bo bari mu nsalulu yaaku bayeki bayaaba kusobokoso mamabwe na mamabi.

Mukaanda kuri Bahebeleho 5:7

Nde wuri mu biluumbu bya kidziingu kya muswiini waandi, wasaambila na wayiingikila, mu misaakulu myamila na mansangasa, wunde waba wakuka mu kumubvuukisa mu lufwa, na nde wataambula mvutu mu ntoono kutumuma kwaandi.

Mukaanda kuri bari Kolosayi 1:22

Kasi mu lumalu, Nzaambi wasa nyukusunu mu lufwa lwa mwaana waandi mu nyutu ya muswinyi, mpisi kalumonokoso bangisi, bahele mi babaseembele, na bahele na mi babafuundila, ha busu bwaandi.

2 Kol 13:11

Mu misiiri ngo miri, bampaangi, monee kiminu, sakeenu kuba babaanguka, syamisinee beenu na beenu, beenee kitsimi kimosi, beenee na kiyeengi, na Nzaambi ya ntiilu na ya kiyeengi sa kaba na beenu.

1 Kol 14:20

Bampaangi, yaa luba mwaa-baala mu nsimunu ko; mu mitariri mamabi, beenee mwaa-baala, ngo mu nsimunu, beenee bakuutu.

1 Kol 2:6

Madyeele ma turi mu kweyikisa beetu ha kakati dya baatu babuuka, mari madyeele ma ntaangu yimayi ko, mari se ma bamfumu ba ntaangu yimayi, bari mu kweende kumfukusulu ko;

Musamu wamubwete watina Yowane 12:26

Mbuti muutu tiiri kusalila me, lo kanama me; na haho ha nyiri me, lo kisari kya me se, sa kaba hanaho. Mbuti muutu wusalila me, lo Taata sa kamukiinsa.»

Musamu wamubwete watina Matayi 5:48

Hango beenee bayirima kwakuka, bunu buri Taayi dyeenu diri ku mayulu nde wayirima kwakuka.»

Mukaanda wa Yakobo 5:16

Lomboseneenu mampemisi beenu na beenu, na sambisineenu beenu na beenu, mpisi lutaambula butsiina. Lusaambulu lwa muutu wasuunguma, luri na makwa malaka na lukoosalaa.

Mukaanda wa Yakobo 1:1

Me Yakobo, nkutu Nzaambi na ya Mfumu Yesu Kiristo, kuri makaanda kuumi na moolo matsamukina mu mansi, mboto yeenu!

1 Tes 5:23

Hemese Nzaambi ya kiyeengi nde-meene, kalusa bangisi mu kiteesu kyakuka, na bumuutu bwa beenu bwobunso, kiluunsi, muheebulu na nyutu, biba byakebu kwahele maseembu, mu nyisulu Mfumu yeetu Yesu Kiristo.

Musamu wamubwete watina Luka 22:44

Wabwilikila kinkuuka na wasyaama mu kusaambila; tukutu twaandi twaba tweki bunu mabete ma makila, mari mu kubwa ha nsi.]

Musamu wamubwete watina Luka 1:1

Mu bukuri baatu balaka basiiri kisalu kya kutina kikulu kya misamu mimyo mayirimini ha kakati dya beetu,

Mukaanda kuri bari Kolosayi 1:29

Mu bubwo se, me nyiri mu kubama, mu kwenwaana bunu buri makwa maandi, mari mu kwesala mu me, mu mpinu.

Mukaanda kuri bari Kolosayi 4:9

Nde bo na Onesimo, mpaangi yakwiikama na ya mutima, wuri mosi mu beenu, sa baluyaabisa misamu myominso miri kumaku.

Mukaanda wa Yakobo 1:4

Kifiki kiyelemini kusala kisalu kyakuka, mpisi beenu luba na nyirimunu yayibwete, na luba bakuka kuri luhele kuhelele kitotolo ti kimosi.