Mukaanda kuri bari Kolosayi 4:10 - Musamu Wamubwete 2013

¹⁰ Aristarako, mbaasi yaami yi turi mu boroko, wuluheekiri mboto. Malako, mpaangi Barnaba, nde se wuluheekiri mboto. Mu ntoono ya nde, beenu lwataamburi ntumunu; mbuti wiisiri kuri beenu, lo mutaambuleenu.

Mukaanda kuri bari Kolosayi 4:10 Referans Kwoze

Film 1:24

Malako, Aristarako, Dema, Luka, bakwesala kintwaari na me, se ba kuheekiri mboto.

2 Tim 4:11

Wuni Luka kitsu wuri na me. Holo Malako, mpisi lwiisa beenu boolo, mutwaala, bukuri nde wuri mufunu kuri me, mu ntoono kisalu.

Biyiriki bya Bantumu 19:29

Bvula dyodinso dyaluula mu kisaangila, bakwaata Ngayo na Aristarako wa ku Makedonya, bambaasi ba Pawulo, babanata mu kitsimi kimosi ku nzo bimpa.

Biyiriki bya Bantumu 27:2

Beetu twanwaata mu bwaatu, bwa Adaramitino, bwaba kweende mu mabula ma Asya, mari mu teke mubu. Baba na beetu ngo Aristarako wa ku Makedonya wudzakalaa ku Tesalonika.

Biyiriki bya Bantumu 20:4

Bayende na nde mu nzila ngo: Sopatero mwaana Piro wa ku Bere, Aristarako na Sekundo ba ku Tesalonika, Ngayo wa ku Derbe, Timoteho, Tikiko na Torofimo ba ku ha Asya.

Biyiriki bya Bantumu 12:12

Bu kamana kubakula, nde wayende ku nzo Mariya, nguri Yowane, Yowane wuri nkuumbu se Malako, kwaba kwa kutukuna baatu balaka na ku baba saambilaana.

1 Pet 5:13

Dibuundu dyasoolu bunu beenu, diri ku Babiloni diluheekiri mboto. Malako se mwaana waami wuluheekiri mboto.

Mukaanda kuri bari Loma 16:7

Heenee mboto kuri Anderoniko bo na Yunya, bo bari kaanda dyaami, na bambaasi baami ba mu boroko, baatu ba mvuumfu ha kakati dya bantumu, bo batekisiri kuba mu Kiristo ti na me.

Mukaanda kuri bari Loma 16:2

mpisi heki lumutaambula mu Mfumu, mu kiteesu kyayelemene kya bangisi, na lumubakisa mu musamu ngo musamu, wu kaba na nzala beenu; bukuri nde wabeeri mubakisi wa baatu balaka, na wa me-meene.

Biyiriki bya Bantumu 13:13

Bu bayende ku Pafo, Pawulo na banduku baandi batubuka ku Perenge, dya ku Pamfilya, Yowane bu kabasisa, wabvutuka ku Yerusalemi

Biyiriki bya Bantumu 4:36

Yosefi, wubaluka Barnaba kuri bantumu, mambangukulu ti mwaana wa mboondulu, mosi mu kisari kya mu Nzo-nzaambi, wafuma ku Kiporo,

Biyiriki bya Bantumu 13:5

Bu batubuka ku Salami, bo bayaabisa maampu ma Nzaambi munsa manzo ma nkutukunu ma Bayudayo. Yowane waba na bo bunu mubakisi.

Biyiriki bya Bantumu 12:25

Barnaba bo na Sawulo haba bvutuka ku Yerusalemi, bamana kusa kisalu, ha banata Yowane wu bateelaana ti Malako.

Film 1:23

Epafale, mbaasi yaami mu Kiristo Yesu, wu turi mu boroko wukuheekiri mboto;