Mukaanda kuri bari Kolosayi 3:16 - Musamu Wamubwete 2013

¹⁶ Hemese maampu ma Kiristo madzakala mu beenu mu busina. Mu madyeele momanso, yikisineenu na lubusineenu beenu na beenu, mu mikuunga mya ndoombulu, mya ndumusu na mya kimpeeve. Yimbikilee Nzaambi mikuunga mya matoondo mu mitima myeenu.

Mukaanda kuri bari Kolosayi 3:16 Referans Kwoze

Mukaanda kuri bari Efeso 5:19

Syamisineenu beenu na beenu mu mikuunga mya nkeembu, mu mikuunga mya mbambukulu mwooyo, na mikuunga mya kimpeeve, yimbileenu na siikeenu Mfumu mu mutima weenu ndemunso.

Musamu wamubwete watina Yowane 15:7

Mbuti beenu lunamitina kuba mu me, na maampu maami Na maampu maami mamitina kuba mu beenu, lo loombeenu bi lutiiri, na sa lwataambula.

Mukaanda kuri bari Loma 10:17

Hango, kanyi difumunaa mu mi bayukaa, mi bayukaa mu maampu ma Kiristo.

1 Yow 2:24

Mamo ma lwayukiri kuholosono kunu mbandukulu, hemese masa kikuundi mu beenu. Mbuti mamo ma lwayukiri kuholosono kunu mbandukulu, masii kikuundi mu beenu, lo beenu se sa lwasa kikuundi mu Mwaana na mu Taata.

Mukaanda kuri bari Efeso 1:17

mpisi heki Nzaambi ya Mfumu yeetu Yesu Kiristo, Taayi dya nkeembu, kaluha mpeeve ya madyeele na ya nyabusulu, mu kuyaaba nde.

Mukaanda wa Yakobo 3:17

Ngo kasi madyeele ma ku yulu, hatete mari nkati matsyeemeke, tumi ma kiyeengi, madzuuna, matumuma, maluula mu ngebe na mu bimbutu byabibwete, mahele na munsoori na mahele na bumpitu-bumpyoongo.

2 Yow 1:2

mu ntoono ngwanwa yasa kikuundi mu beetu, na sa yaba na beetu mu mantaangu momanso.

2 Tim 3:15

Kuholosono bulesi bwaaku, Matinu Mangisi ye wumayaari, mo makuka mu kuha ye madyeele, mu kubaka mvuukulu mu kanyi mu Kiristo Yesu.

Mukaanda kuri bari Kolosayi 1:9

Mu didyo se beetu, kuholosono kiluumbu kitwayukiri mamo, twahele kuhoto kusaambila mu beenu, na kuloombo kuri ti, luba lwaluula mu nyaabulu ya kutya kwaandi, mu madyeele momanso na mbakukulu ya kimpeeve,

Nyabusulu ya Yowane 5:9

Baba yimbilaana mukuunga wamoono ti: «Ye wayelemene kuholo mukaanda, na kudzibula binyemu byaandi, bukuri ye bakukekiri, na mu makila maaku, ye wakuula baatu mu ntoono Nzaambi, ba bitsuumbu byobinso, mandiinga momanso, baatu bobanso, na makaanda momanso.

1 Yow 2:27

Ngo beenu, nkilulu yi luri lwataambula kuri nde yasa kikuundi mu beenu, na lwahele na nzala kuri ti muutu kaluyikisa; kasi nkilulu yaandi yiri mu kuluyikisa mu momanso, na yiri yangwanwa, ka yiri yampya ko, bunu bu yiri mu kuluyikisa, seenee kikuundi mu nde.

Mukaanda kuri bari Kolosayi 4:6

Ma lukwedzoonso beenu maba ma bweese mu mantaangu momanso, matwa mungwa, mu kuyaaba bunu bwayelemene kuha mvutu kuri mpisi muutu.

Mukaanda kuri bari Efeso 5:17

Hango-nkuumbu, yaa luba madzeeke ko, ngo kasi bakuleenu buri kutya kwa Mfumu.

Mukaanda wa Yakobo 5:13

Muutu mu beenu kubama kari mu kubama? Kasaambila. Muutu mu kiminu kari? Kayimbila mikuunga.

Mukaanda kuri Tito 3:6

Mpeeve yiyo nde kari katsyaamuna ha yulu beetu, kwa mansaalisi mu Yesu Kiristo Mubvuukisi weetu,

1 Kol 14:26

Bampaangi, nki kwaandi? Mu ntaangu yi lukutukunaa beenu, mosi wuri na mukuunga, wakaka wuri na nyikusulu, mukimi wuri na nyabusulu, wuni wuri na ma kuleele mu ndiinga, wakaka wuri na mambangukulu: myominso miyirimina mu ntuungulu.

Mukaanda wa Yakobo 1:5

Ngo mbuti muutu mu beenu wahele na madyeele, lo kaloombo kuri Nzaambi, wuhaanaa kuri bobanso kwa mungengi, na kwahele biŋaŋunu, na sa kamuha mo.

Mukaanda kuri bari Kolosayi 1:28

Nde beetu turi mu kweyaabisa, mu kulubula mpisi muutu, na kuyikisa mpisi muutu, mu madyeele momanso, mpisi muutu kaba nyirimunu yakuka mu Kiristo.

Nyabusulu ya Yowane 15:3

Baba yimbilaana mukuunga Moose, kisari kya Nzaambi, na mukuunga Mwaana kimeeme wuleele ti: «Mfumu Nzaambi Mwa-mpuungu, biyiriki byaaku byabinene, na bya nkimukunu! Mbyaasi ya makaanda, manzila maaku masuunguma na mari mangwanwa!

1 Yow 2:14

Me nyatinini kuri beenu mwaa-baala, bukuri beenu lwayeki lwayaaba Taata. Me nyatinini kuri beenu bataata, bukuri beenu lwayeki lwamuyaaba kuholosono kunu mbandukulu. Me nyatinini kuri beenu bituuti bukuri beenu luri bangaa-makwa, na maampu ma Nzaambi masa kikuundi mu beenu, na beenu lwabwiisiri Ngaa-bubi.

1 Tim 6:17

Leele kuri bisina bya ntaangu yimayi, yaa baba na masiiku ko, na yaa basiila nsiitu mu busina bwa mwaa-ntaangu mosi ko, ngo basiila nsiitu mu Nzaambi, nde kootuhaanaa byobinso mu busina mpisi tumono kiminu mu byo.

2 Tes 3:15

Ya lumuhololo bunu mutaatu ko, ngo museembeenu bunu mpaangi.

1 Tes 4:18

Hango-nkuumbu, yendeenu lwebondosono beenu na beenu mu maampu mamo.

1 Kol 14:15

Hango nsiila buri? Me nyelemini kusaambila mu Mpeeve, ngo nyelemini kusaambila se mu madyeele; me nyelemini kuyimbila mu Mpeeve, ngo nyelemini kuyimbila se mu madyeele.

Musamu wamubwete watina Matayi 26:30

Bu bamana kuyimbila mikuunga mya ndumusu, bayende ku Mulaandu wa Mi-olive.

Mukaanda kuri bari Loma 15:14

Mu mitariri beenu, bampaangi baami, me nyirikiri kuyaaba ti, beenu se lwaluula mu mutima-bubwe, lwaluulusu mu nyaabulu yoyinso, na lwakuka mu kwelubusina beenu na beenu.

Musamu wamubwete watina Luka 2:51

Tumi nde, ha kakulumuka na bo, na wayende ku Nadzareti. Nde waba watumuma kuri bo. Na nguri yaandi waba kwekebaa misamu myominso mimyo kunsa mutima waandi.

Nyabusulu ya Yowane 19:10

Me nyayilima ha miilu myaandi, mu kumusaambila. Mbasi yaleele kuri me ti: «Yaa sa bubwo ko; me se kisari nyiri bunu ye, na bunu bampaangi ba ye, bari na kimbaangi kya Yesu. Saambila Nzaambi!» Mukwongo, kimbaangi kya Yesu ngo mpeeve ya mbikululu.

Nyabusulu ya Yowane 14:3

Mafuunda ma baatu babo, baba yimbilaa mukuunga wamoono ha busu bwa mboloko, ha busu bwa bibulu bina na bwa binuni; kuri muutu ti mosi waba wakuka mu kuyika mukuunga wunde, mbuti ka bari mu nkama makuumi mana ma mafuunda ko, baba kuuriri ha butoto.

Mukaanda kuri bari Efeso 5:26

Nde wadisa dyangisi mu kuditsyeemese mu nswaakulu ya maampa, kunsa Maampu;

1 Tes 1:8

Bukuri, kuholosono kuri beenu, kari mani Maampu ma Mfumu mayukukuna, mu Makedonya na mu Akaya ko, ngo kanyi dyeenu mu Nzaambi se dyayabakana mwomunso, kuri lo beetu twahele kubweese kwaandi ti kudidzonsolo.