Mukaanda kuri bari Kolosayi 3:11 - Musamu Wamubwete 2013

¹¹ Mu didyo, kwasaala Muhelene na Muyudayo ko, wateendu bubakala na wahele kuteende bubakala ko, munzeense, Musikite, nkutu, muutu wuri bunsaalisi ko; ngo Kiristo wuri byobinso na wuri mu bobanso.

Mukaanda kuri bari Kolosayi 3:11 Referans Kwoze

1 Kol 12:13

Bukuri beetu-banso batubotoko mu Mpeeve yomosi, mu nyutu yomosi, ti Bayudayo, ti Bahelene, ti bankutu, ti baatu bari na bunsaalisi, na beetu-banso batunwiisa mu Mpeeve yomosi.

Mukaanda kuri bari Loma 10:12

Mukwongo, kwahele nsobokoso ha kakati dya Muyudayo na Muhelene. Bukuri bobanso Mfumu mosi, wuri kisina kuri bobanso bakoomuteelaa mbila.

Mukaanda kuri bari Efeso 3:6

Mu nzila ya Musamu Wamubwete, makaanda se meki bakondiri ba saala mu kintwaari, bari mu nyutu mosi, na bataambula ha kimosi na Bayudayo, lusiilulu luri mu Yesu Kiristo.

Mukaanda kuri bari Efeso 1:23

diri nyutu yaandi, nduululu ya wunde wuluulusaa byobinso mu bobanso.

Mukaanda kuri bari Loma 3:29

Buri Nzaambi ya bani Bayudayo yiri? Buri kari ya makaanda se ko? Bunubwo! Ya makaanda se yiri.

Mukaanda kuri bari Ngalatya 5:6

Bukuri, mu Yesu Kiristo, kuteende bubakala bunu pe kuhele kuteende bubakala ka biri mufunu ko, ngo biri mufunu, kanyi disoongaana biyiriki mu ntiilu.

Musamu wamubwete watina Yowane 17:23

me mu bo, ye mu me, mpisi heki bo baba mosi mu kiteesu kyakuka, kuri heki nsi yiyaaba ti ye wampeeke, na ye wabatya bunu bu wuri watiila me.

Mukaanda kuri bari Ngalatya 2:20

Me nyiri mwooyo, ngo kari me ko, kasi Kiristo wuri mwooyo mu me. Mi nyikwemono me lumalu, mu kidziingu kya me mu muswinyi, me nyikwenata myo mu kanyi di nyiri na dyo mu Mwaana Nzaambi, wantya na wayekiri nyutu yaandi mu ntoono me.

1 Kol 7:19

Nteendulu bubakala yiri kitotolo ko, na kuhele kuteende bubakala kiri kitotolo ko, ngo biri mufunu kubvumina mangisi ma Nzaambi.

Biyiriki bya Bantumu 15:17

mpisi heki baatu basaala babo basaka Mfumu, na makaanda momanso ma bari bataangukuna nkuumbu yaami masa bwobumosi, buleele Mfumu, muyiriki bitotolo bibyo

Mukaanda kuri bari Kolosayi 2:10

na mu nde beenu lwayeki lwaluula mu byobinso, nde wuri Mfumu ha yulu bobanso bari na kimfumu na bari na lutumu.

Mukaanda kuri bari Loma 1:14

Me nyiri na ma nyelemini kuyirika kuri Bahelene na kuri banzeense, kuri bangaa-madyeele na kuri madzeeke se.

Musamu wamubwete watina Yowane 15:5

Me ngo mudzi bviinya, beenu ngo midzi myantele. Wunde wunamitina kuba mu me, na me mu nde, sa kabuta bimbutu byalaka, bukuri kwahele me, lo lubangusina kusa kitotolo ko.

Biyiriki bya Bantumu 28:4

Bangaa-bula bu bamono nyoko yiri mu kutsinga mu kooko kwa Pawulo, bo na bo baleele ti: "Ngwanwa muutu wu mudzusi kari. Nde pariryee mpee-mpolo mu mubu, ngo nsundusulu dza Nzaambi dzimuha miswa ko mu kuba mwooyo.

Biyiriki bya Bantumu 28:2

Bangaa-bula bubwo batubwaana mu ntiilu yayinene. Bu banamuka mbaawu, batuteele ku kuyoto, mu ntoono mbvula yaba yimwaanoko, na mu ntoono kyoosi.

Musamu wamubwete watina Yowane 14:23

Yesu wabvutula, waleele kuri nde ti: «Mbuti muutu tiiri me, lo sa kakebe Maampu maami; na Taayi dyaami sa kamutya, na kuri nde sa tweende, na beetu sa twadzakala kuri nde.

2 Yow 1:9

Mpisi wunde wuluta nyikusulu dza Kiristo, na wahele kusa kikuundi mu dzo, lo wahele na Nzaambi. Ngo wunde wasa kikuundi mu nyikusulu, lo wuri na Taata na Mwaana.

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.

Mukaanda kuri bari Efeso 6:8

bu luyaari ti mpisi muutu, mbuti yirikiri mamabwe, lo sa kamataambula kuri Mfumu, ti kaba nkutu bunu pe kahele kuba nkutu.

Mukaanda kuri bari Efeso 3:17

Nde kadzakisa Kiristo kunsa mitima myeenu mu kanyi, na luba lwamene myaansi na lwatuunguma kunsa ntiilu,

1 Kol 14:11

Ngo mbuti me nyahele kuyaaba ndiinga yidzoonso muutu, lo me nyiri munzeense kuri nde, na nde wuri munzeense kuri me.

Mukaanda kuri bari Loma 3:22

Nzaambi wuluulukisa bobanso, mu kanyi mu Yesu Kiristo. Mukwongo, kwahele nsobokoso,

Mukaanda kuri bari Efeso 2:14

Mukwongo, nde ngo kiyeengi kyeetu: nde wasa kuri ti baba boolo, beki mosi, na mu nyutu yaandi, nde wabwiisa kibaka kya mpambukusu ngo lubelu.

Mukaanda kuri bari Efeso 2:15

Nde wayisila lutumu lwa Mangisi na misiku, mpisi heki mu nde-meene, nde kayirika mu bo boolo, muutu ndemosi wamoono, mu kusa kiyeengi,