Mukaanda kuri bari Kolosayi 2:5 - Musamu Wamubwete 2013

⁵ Mukwongo, mbuti heki mu nyutu ya muswinyi me nyahele kuba na beenu, ngo mu kimpeeve nyiri kintwaari na beenu, lo me nyimono kiminu, mu kumono ti beenu luri na bunkete, na luri babukekete mu kanyi dyeenu mu Kiristo.

Mukaanda kuri bari Kolosayi 2:5 Referans Kwoze

1 Tes 2:17

Bampaangi, beetu ngo bari, bu twaba la na beenu mu mwaa ntaangu, mu manyutu nkani ka mu mitima ko, mu musoongo walaka wu twaba na nde, twabaka kitsimi kya makwa mu kuri ti tumoneenu mu miisu na miisu.

1 Pet 5:9

Mutungukileenu na keketee mu kanyi, bu luyaari kuri ti bampaangi beenu se, bari mu kwekuunda mpasi dzodzimosi ha nsi.

1 Kol 16:13

Beenee naana, teleme na keketee mu kanyi, lwatee kibakala, beenee na makwa.

Mukaanda kuri Bahebeleho 3:14

Bukuri beetu turi bakweyeende kintwaari na Kiristo, mbuti tukebiri na keketee kibeendu kyeetu ku mbandukulu natee ku manunu.

1 Kol 14:40

ngo myominso milutila bunu bwayelemene, na kunsa bunkete.

Mukaanda kuri Bahebeleho 6:19

dziri bunu kinko kya kidziingu kyeetu, kyakomono mu makwa na keketee, kyakaanga natee mu nsaanda Nzo-nzaambi ya ku yulu.

1 Tes 3:8

Ngo mu lumalu, beetu turi mwooyo bukuri beenu lwakwiikama mu Mfumu.

1 Kol 15:58

Hango, bampaangi baami ba mutima, beeneenu na keketee, na ngwii, salee kisalu kya Mfumu, mu kiteesu kyalutila mu mantaangu momanso, bu luyaari kuri ti kisalu kyeenu mu Mfumu, ka kiri kyabuunu ko.

Mukaanda kuri bari Kolosayi 2:1

Mukwongo, me ntiiri ti beenu luyaaba, nkya mudziingu me nyiri mu kwenwaana, mu ntoono beenu, mu ntoono bari ku Lahodikya, na mu ntoono babo bakiri kidziri kya me kumono pe mu muswinyi.

1 Kol 11:34

Mbuti muutu wuri na nzala, lo kadya ku nzo, mpisi luhele kukutukunaa mu kubwa mu mutsuundu. Mu misiiri ngo miri, me sa nyirika ha nyikwiisa.

Biyiriki bya Bantumu 2:42

Bobanso basyaama mu nyikusulu dza bantumu, mu kintwaari, mu mbukununu mpa na mu nsaambulu.

Biyiriki bya Bantumu 20:21

Me nyaloombo kuri Bayudayo na kuri Bahelene mu nyiingulu madyeele mu Nzaambi na kusiila kanyi mu Mfumu yeetu Yesu.