Mukaanda kuri bari Kolosayi 2:23 - Musamu Wamubwete 2013

²³ Byobinso bibyo bisoongo madyeele mu nsambukulu, mu nkulukulu, na nkwamusunu nyutu; koomosoko byahele na ndaandu, ti hayuku biyukitisaa muswinyi.

Mukaanda kuri bari Kolosayi 2:23 Referans Kwoze

1 Tim 4:8

Mukwongo, kutsitsikila kwa nyutu, kuri mufunu mu myantele; ngo kasi kuba na kinzaambi kuri mufunu mu myominso, kuri na lusiilulu lwa kidziingu kya lumalu, na kya ku mankula.

Mukaanda kuri bari Kolosayi 2:18

Yaa lutala ko ti babo bakwemono kiminu mu kiteesu kya nkulukulu, na mu kwesaambila bambasi, baluwuungula. Bo bakwekengese bitotolo kwa buunu, na bakwesiika mu bitsimi bya kimuutu kyaaku.

Mukaanda kuri bari Kolosayi 2:8

Seenee madyeele, muutu mu beenu kahele kubwa mu mweete wa madyeele ma nzoonsulu, na mu mawunu mabuunu, bunu buri kikulu kya baatu, na bunu buri bitotolo bya nsi, byahele kuba mu Kiristo.

1 Tim 4:3

bakwekabikisa nkweelulu, na bakweha mangisi mu byandya biri Nzaambi wayirika, mu kuri ti baatu bakwiikama na bamwayaaba ngwanwa, badya mu mvutukulu matoondo.

Mukaanda kuri bari Kolosayi 2:22

byobinso bibyo bikoofuuka mu kubisalila, bunu buri mangisi na nyikusulu dza baatu.

Mukaanda kuri bari Efeso 5:29

Mukwongo, kuri muutu wutsiitsa kubele nyutu ya nde-meene ko, kasi nde wudiisila na wusaana bunkete mu yo; bunubwo se Kiristo kakoosiilaa mu dibuundu.

Mukaanda kuri bari Loma 13:14

ngo kasi lwaateenu Mfumu Yesu Kiristo, na yaa lweyirika ma tiiri muswinyi ko, mu kuhele kuyukutisa nyiimunu.