Mukaanda kuri bari Kolosayi 2:18 - Musamu Wamubwete 2013

¹⁸ Yaa lutala ko ti babo bakwemono kiminu mu kiteesu kya nkulukulu, na mu kwesaambila bambasi, baluwuungula. Bo bakwekengese bitotolo kwa buunu, na bakwesiika mu bitsimi bya kimuutu kyaaku.

Mukaanda kuri bari Kolosayi 2:18 Referans Kwoze

Mukaanda kuri bari Kolosayi 2:8

Seenee madyeele, muutu mu beenu kahele kubwa mu mweete wa madyeele ma nzoonsulu, na mu mawunu mabuunu, bunu buri kikulu kya baatu, na bunu buri bitotolo bya nsi, byahele kuba mu Kiristo.

1 Tim 1:7

Bo batiiri kuba bayikisi ba mangisi, kasi bahele kubakula mi bari mu kuleele, na mi bari mu kuyirika kutswiikisa.

Mukaanda kuri bari Kolosayi 2:23

Byobinso bibyo bisoongo madyeele mu nsambukulu, mu nkulukulu, na nkwamusunu nyutu; koomosoko byahele na ndaandu, ti hayuku biyukitisaa muswinyi.

1 Tim 4:1

Mpeeve wuyirika luleele ti: mu mantaangu ma nsukulu, babamosi sa bayekele kanyi, mu kukaangama mu mampeeve ma mawunu, na mu nyikusulu dza mampeeve mamabi,

2 Kol 11:3

Ngo bunu bwaba wuna nyoko Eva mu lupyelu lwaandi, me nyibata ti bitsimi bibiya na biba la na nkulukulu na nsyemukunu ha busu bwa Kiristo.

Mukaanda kuri bari Loma 1:25

Bo bakituri ngwanwa ya Nzaambi yeki mpya, badumusini na basaambiri kiyiriki ha kibeendu kya Muyiriki, nde wuri wasakumunu kwahele manunu. Amene.

Musamu wamubwete watina Matayi 24:24

Bukuri babo bari Kiristo dyampya na babikiri bampya sa bateleme. Bo sa bayirika bidiimbu byabinene na bimaangu, mu kiteesu kya kuwumuna, mbuti bwakuka basoolu.

Nyabusulu ya Yowane 3:11

Me nyikwiisa mu mawasu: kwaata na keketee bi wuri na byo, mpisi heki muutu kahele kuholo mpu yaaku ya ndulukulu.»

1 Yow 2:26

Me nyalutinini mamo mu dyaambu dya bakweludziimbisa.

Mukaanda kuri bari Filipo 3:14

nyiri mu kudzumuna mu kutubuka ha ndilu, mu kubaka kimbwanga kya mbila ya ku yulu, ya Nzaambi mu Kiristo Yesu.

Mukaanda kuri bari Efeso 5:6

Yaa kuba muutu wuluwuna mu misamu myahele mufunu ko, bukuri mu mimyo nkesi dza Nzaambi dzikwiisaana ha yulu baala ba nko.

1 Kol 8:1

Mu musamu wutariri toongo twaha mu kikabu kuri biteki, tuyaari kuri ti beetu-banso turi na nyaabulu, ngo nyaabulu yihaanaa masiiku, kasi ntiilu yihaanaa ntuungulu.

Nyabusulu ya Yowane 19:10

Me nyayilima ha miilu myaandi, mu kumusaambila. Mbasi yaleele kuri me ti: «Yaa sa bubwo ko; me se kisari nyiri bunu ye, na bunu bampaangi ba ye, bari na kimbaangi kya Yesu. Saambila Nzaambi!» Mukwongo, kimbaangi kya Yesu ngo mpeeve ya mbikululu.

Nyabusulu ya Yowane 13:14

Mu ntoono bimaangu bi bamuheeri miswa mu kuyirika, ha busu bwa kibulu, kyo kikwedziimbisa babo badzakala ha butoto, na kikweleele kuri badzakala ha butoto ti bayirika kiteki, mu kifwaani kya kibulu ki baleti boko mu mbeesi yayila, ngo kiri mwooyo.

Nyabusulu ya Yowane 13:8

Bobanso badzakala ha butoto, sa basaambila kibulu kikyo; bobanso bari mankuumbu mahele kutina, mu mukaanda wa mwooyo wa Mwaana kimeeme, wubakekiri, kuholosono kunu mbandukulu nsi.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.

2 Pet 2:14

Miisu mya bo myaluula mu kimpala, na banamitina mu kweyirika masumu. Bakwekoondo baatu bahele kukwiikama, mitima mya bo myayuku mu ntiki-mboongo, bo ngo baala ba mpopi.

Mukaanda kuri bari Kolosayi 2:4

Me nyiri mu kuleele mamo, mpisi heki muutu kahele kaluwumuna mu nzoonsulu dza lupyelu.

2 Kol 12:20

Mukwongo, me nyibata kuri ti, ha nyikwiisa me mpele kulumono mu kiteesu ki ntiiriri me; na beenu se luhele kumono me mu kiteesu ki lutiiriri beenu. Me nyibata ti ha kakati dya beenu, haba mayumu, musoki, mankesi, nkalikisi, makele, kintori, kinwa, na kisaangila.

1 Kol 13:4

Ntiilu yiri na nkindusulu-mutima, yayibwete, yahele na musoki, ntiilu yahele na nzala-kubila, yahele na masiiku,

1 Kol 9:24

Buri beenu lwahele kuyaaba ti badzumuni ba ntiinu, bobanso bakoodzumunaa ntiinu kunsa mbasi, ngo kasi muutu mosi kitsu wubaka kimbwanga? Beenu se dzumukineenu bubwo, mpisi lubaka kimbwanga.

1 Kol 4:18

Babamosi basii masiiku, kutsima ti kampe me nyikwiisa kuri beenu ko.

1 Kol 3:3

bukuri beenu lwakiri baatu ba muswinyi. Mukwongo, habaanaa kuri bukwa, na mayumu ha kakati dya beenu, buri lo kari baatu ba muswinyi luri ko? Na kari mu kimuutu luri mu kwedyaatila ko?

Mukaanda kuri bari Loma 16:18

bukuri baatu ba bubwo bahele kusalila Mfumu yeetu Kiristo, ngo kasi myooyo mya bo-meene, na mu maampu mamabwe na mu nzoonsulu dzalupyelu, bo bakwewuna baatu bahele kulubuka.

1 Kol 4:6

Bampaangi, mu ntoono beenu me mporiri kifwaani mu Apolo na mu me-meene, mpisi heki mu beetu, beenu luyika ntoono yiri ti: «Kupala pe ku mbasi mamo matinu», mpisi heki luhele kusa masiiku mu mosi kuri wakaka.

Mukaanda kuri bari Efeso 4:17

Mu didyo, me nyileele na nyitswiikisa mu Mfumu ti, yaa lubweese kwedyaatila bunu bangooyi ko bakwedyaatila mu madyeele ma bo-meene mahele mufunu.