Mukaanda kuri bari Kolosayi 2:16 - Musamu Wamubwete 2013

¹⁶ Ngo yaa kuba na muutu wulutsuundisa mu ntoono byandya na nwiinunu ko, bunu pe mu ntoono munkeembu, bunu pe mu ntoono ngoondo yamoono, bunu pe mu ntoono kiluumbu kya mpuumunu.

Mukaanda kuri bari Kolosayi 2:16 Referans Kwoze

Mukaanda kuri bari Loma 14:10

Ye buri wutsuundisa mpaangi yaaku? Bunu pe, ye buri wunyaafuna mpaangi yaaku? Mukwongo, beetu-banso sa twateleme ha busu bwa mutsuundu wa Nzaambi.

Mukaanda kuri bari Ngalatya 4:10

Beenu luri mu kwebvumina biluumbu, mangoondo, mantaangu na mamvula.

Mukaanda kuri Bahebeleho 13:9

Yaa lutala ko ti, baluwumuna mu nyikusulu dza bitsuumbu-bitsuumbu dzanzeense. Bukuri buri bwabubwete, ti mutima kaba wasyaamusu mu bweese, nkani ka mu mangisi ma byandya, mari babo bakoomabvuminaa, babakilaa mo ndaandu ko.

Musamu wamubwete watina Matayi 15:11

Kari bikookotaa mu munwa bisumunaa muutu ko; ngo bibyo bipalaa mu munwa bisumunaa muutu.»

Mukaanda kuri Bahebeleho 9:10

Mimyo mini mikele mya kimuutu, mu mitariri byandya, bya kunwa na nswaakulu nyutu ya bitsuumbu-bitsuumbu, mi bari baha mya kubvumina natee mu ntaangu ya nyiingulu misamu.

Mukaanda wa Yakobo 4:11

Bampaangi, yaa lwekelesene ko, wunde wusa makele mu mpaangi yaandi, bunu pe wutsuundisa mpaangi yaandi, lo wudzoonsolo bwabubi mu mangisi, na wutsuundisa mangisi; ngo mbuti ye wutsuundisa mangisi, lo ye wuri wukukisaa mangisi ko, ngo kasi mutsuundisi.

Musamu wamubwete watina Malako 7:19

bukuri byahele kukoto munsa mutima waandi, ngo munsa mwooyo, tumi byeki pala ku mutsyeeku, mu didyo, byandya byobinso byatsyeemeke?»

Biyiriki bya Bantumu 15:20

Kasi batinineenu mu mukaanda ti yaa besumuka mu biteki ko, yaa besa buyala ko, yaa bedya toongo twa bibulu byadzusa mu tsukusulu muwuumunu, na bedya makila ko.

Mukaanda kuri bari Kolosayi 2:20

Mbuti beenu lufwa na Kiristo mu mya nsi, dyaburi beenu luri mu kwetumuma mu mya nsi bunu ti beenu luri mwooyo mu mya nsi?