Mukaanda kuri bari Kolosayi 2:13 - Musamu Wamubwete 2013

¹³ Beenu lwaba lwafwa mu ntoono lumvuki lweenu, na bukuri lwaba lwahele bateende bubakala mu muswinyi weenu, ngo Nzaambi walusa bamwooyo kintwaari na Kiristo, mu kuluhemesene lumvuki lweenu lwolunso.

Mukaanda kuri bari Kolosayi 2:13 Referans Kwoze

Mukaanda kuri bari Efeso 2:1

Beenu lwaba lwafwa mu ntoono lumvuki lweenu, na mu masumu meenu,

Mukaanda kuri bari Loma 8:11

Mbuti Mpeeve ya wunde wafulukisi Yesu mu bafwa, yadzakala mu beenu, lo wunde wafulukisi Kiristo mu bafwa, sa kaha bumwooyo kuri manyutu meenu ma mfwiilu, mu Mpeeve yaandi yadzakala mu beenu.

2 Kol 3:6

nde watuha makwa mu kuba bisari bya lulelusunu lwamoono, kari mu kisoni ko, ngo Mpeeve, bukuri kisoni kidzusaa, kasi Mpeeve yihaanaa bumwooyo.

Mukaanda kuri Bahebeleho 9:14

lo makila ma Kiristo, waheeri nyutu yaandi yahele na kipfuumi, mu Mpeeve ya mantaangu momanso kuri Nzaambi, mabvuriri kutsyeemese nsimunu yeetu mu biyiriki byafwa, mu kusalila Nzaambi yamwooyo.

2 Kol 5:19

Mukwongo, Nzaambi waba mu Kiristo, mu kubweese kusa nyukusunu ha kakati dya nsi na nde-meene, kwahele kutaangula baatu lumvuki lwa bo, na kusuusa mu beetu maampu ma kubweese kusa nyukusunu.

Mukaanda kuri bari Efeso 2:11

Hango-nkuumbu, baambukeenu mwooyo ti, beenu mu ntaangu yayikulu, lwaba bangooyi mu muswinyi, bahele kuteende bubakala, mu mwiinunu ya babo bateende bubakala, mu nteendulu ya myooko mya baatu.

Musamu wamubwete watina Luka 15:32

Bu bee bwayelemene mu kusa munkeembu na kumono kiminu, bukuri mpaangi ye yi wabee wafwa na bweesiri kuba wamwooyo; wabee wadziimbila ngo bweesiri kumonoko!"»

Musamu wamubwete watina Luka 15:24

bukuri mwaana me wumawu, wabee wafwa, ngo bweesiri kuba wamwooyo, wabeeri wadziimbila, ngo bweesiri kumonoko." Bo babeke kukeembe.»

Mukaanda wa Yakobo 2:26

Mukwongo, bunu buri nyutu yahele na muwuumunu yiri yafwa, bunubwo se kanyi dyahele na biyiriki diri dyafwa.

Mukaanda kuri bari Efeso 5:14

bukuri momanso ma baanaa mamonokono lo meki buungi. Hango-nkuumbu, kaleele ti: «Siimbika, ye wuri tolo, teleme ha kakati dya bafwa, na Kiristo kasemese buungi bwaandi ha yulu ye.»

1 Kol 15:45

Hango-nkuumbu, diri dyatinu: «Muutu watete, Adami, waba muutu wamwooyo»; ngo Adami dyansukulu, mpeeve yihaanaa bumwooyo.

Mukaanda kuri bari Loma 6:13

Yaa lusalila binamu byeenu, bunu bisalulu bya bubayi mu kuyirika masumu ko. Ngo kasi beenu-meene salileenu Nzaambi, bunu baatu bamwooyo bafulukusu mu bafwa, na salileenu binamu byeenu, bunu binwaanunu bya nsungumunu mu kusalila Nzaambi.

1 Yow 2:12

Me nyitinina kuri beenu mwaa-baala, bukuri masumu ma beenu mayeki mahemusunu, mu ntoono nkuumbu yaandi.

1 Kol 15:36

Ye dzeeke dya muutu! Bibyo bi wukuna ye lo biri menene ko, mbuti byahele kufwa;

Musamu wamubwete watina Yowane 5:21

Bunu bukoofulukisaa Taayi bafwa na kubasa bamwooyo, bunubwo se Mwaana wusaana wamwooyo wunde wu katiiri.

Musamu wamubwete watina Luka 9:60

Nde wamuleele ti: «Hemese bafwa bedziika bafwa baaku bo-meene. Ye ngo wuri, yende weyaabisa Kimfumu kya Nzaambi.»

Mukaanda kuri Bahebeleho 6:1

Hango-nkuumbu, yaa tubeenee munu mu nyikusulu dzatete dza mu Kiristo ko, ngo tusakeenu nyikusulu dza baatu babuuka. Yaa tutuungee lufulu lukimi ko, mu kubweese kuyiinga madyeele, mu kusiisa biyiriki byafwa, na mu kusa kanyi mu Nzaambi;

1 Tim 5:6

Ngo kasi, mufwiiri wuri na kidziingu kya minkeembu, lo wafwa ti hayuku wuri mwooyo.

Mukaanda kuri bari Loma 4:17

bunu bu diri dyatinu: «Me nyasa ye taayi dya makaanda malaka.» Nde wuri ha busu bwa Nzaambi, yi kari kasiila kanyi, Nzaambi yibvutulaa bafwa mu bumwooyo, na yiyirika bitotolo biri bibeeri byo pe.

Musamu wamubwete watina Yowane 6:63

Mpeeve yikooha bumwooyo, muswinyi wahele mufunu. Maampu ma nyiluleeriri me ngo Mpeeve na kidziingu.

Mukaanda wa Yakobo 2:20

Dzeeke dya muutu! Yaaba kuri ti, kanyi dyahele na biyiriki, lo dyahele mufunu.

Mukaanda wa Yakobo 2:17

Bunubwo se buri mu kanyi, mbuti dyahele na biyiriki, lo dyafwa mu dyo-meene.

1 Tim 6:13

Me nyikuloombiri ha busu bwa Nzaambi, nde wuhaanaa kidziingu kuri bitotolo byobinso, na ha busu bwa Kiristo Yesu, wateeri kimbaangi kyakibweete ha busu bwa Pontyo Pilato:

Mukaanda kuri bari Kolosayi 2:12

Beenu baludziikiri mu mampeembe kintwaari na nde, mu mbotokulu; mu nde se, beenu bari balufukisa mu kanyi, mu mpinu dza Nzaambi wamufulukisi mu bafwa.