Mukaanda kuri bari Kolosayi 2:10 - Musamu Wamubwete 2013

¹⁰ na mu nde beenu lwayeki lwaluula mu byobinso, nde wuri Mfumu ha yulu bobanso bari na kimfumu na bari na lutumu.

Mukaanda kuri bari Kolosayi 2:10 Referans Kwoze

Mukaanda kuri bari Efeso 3:19

luyaaba ntiilu ya Kiristo, yalutula nyaabulu. Mu bubwo beenu luba lwaluula natee mu nduululu yoyinso ya Nzaambi.

1 Pet 3:22

nde wuri bu kayende ku yulu, wuri ha lubakala lwa Nzaambi. Bambasi, na baatu bari na lutumu na bari na mpinu, bari kunsa lutumu lwaandi.

Mukaanda kuri Bahebeleho 5:9

Bu kakukisa kiteesu kyaandi, nde wayeki, wunde wuhaanaa mvuukulu ya mantaangu momanso, kuri bobanso bamutambukilaa.

Musamu wamubwete watina Yowane 1:16

Bukuri mu nduululu yaandi, beetu-banso twataambula bweese ha yulu bweese;

Mukaanda kuri bari Kolosayi 3:11

Mu didyo, kwasaala Muhelene na Muyudayo ko, wateendu bubakala na wahele kuteende bubakala ko, munzeense, Musikite, nkutu, muutu wuri bunsaalisi ko; ngo Kiristo wuri byobinso na wuri mu bobanso.

Musamu wamubwete watina Matayi 28:18

Yesu bu kokosolo, waleele kuri bo ti: «Lutumu lwolunso baheeri kuri me, ku mayulu na ha butoto.

1 Kol 15:24

Tumi manunu yiba, mu ntaangu yi kabvutula kimfumu kuri wunde wuri Nzaambi na Taata, kamanaa kutsyaamuna kikuutu kyokinso, lutumu lwolunso, na mpinu dzodzinso.

Mukaanda kuri bari Efeso 3:10

Mu lumalu, mu nzila ya dibuundu, batumi na bamfumu ba kinsongi-yulu bamwaayaaba madyeele ma Nzaambi ma bitsuumbu-bitsuumbu,

Mukaanda kuri bari Kolosayi 2:15

Bu kasyoonono kimfumu kya bakuutu na batumi, wabayanika mu kuba basaana ha busu bwa baatu, wabakoko bunu maboroko kunsa ndulukulu yaandi.