Mukaanda kuri bari Kolosayi 1:5 - Musamu Wamubwete 2013

⁵ mu ntoono nsiitu yibari balusweekele mu mayulu, yi luri lwatekesele kuyuka, mu maampu mangwanwa ma Musamu Wamubwete.

Mukaanda kuri bari Kolosayi 1:5 Referans Kwoze

Mukaanda kuri bari Efeso 1:13

Mu nde, beenu luri lwayuka maampu ma ngwanwa, Musamu Wamubwete wa mvuukulu yeenu. Mu nde se, bu lwasiiriri kanyi, balusiiri kidiimbu mu Mpeeve Yangisi ya lusiilulu.

2 Tim 4:8

Mu lumalu, ba mwaampungukila mpu ya nsungumunu, mbasi-tsuku yi nyakisa Mfumu, mutsuundisi wasuunguma, mu kiluumbu kikyo; kari kunu kuri me ko, ngo kuri bobanso se batiiri monokunu yaandi.

Mukaanda kuri Tito 1:2

mu nsiitu dza kidziingu kya bibvu ngo bibvu kiri Nzaambi, nde wahele kuba ngaa-mpya, wasa nsiilulu tekesele mantaangu ma bibvu ngo bibvu.

Mukaanda kuri bari Kolosayi 1:27

Kuri bo, Nzaambi katiiri kuyaabisa, ha kakati dya makaanda, bunu buri busina bwa nkeembu ya mpaanu yimayi. Mpaanu yiyo ngo Kiristo mu beenu, nsiitu ya nkeembu.

1 Pet 2:2

Bunu mwaa-baala bansoombo, dilileenu beene dyadibwete, dya maampu ma Nzaambi, mpisi heki mu nde beenu lubuuka mu kubaka mvuukulu,

Mukaanda kuri bari Kolosayi 1:23

Ngo luyelemini kunamitina kuba batuunguma, na kuba na keketee mu kanyi, kwahele kusasika mu nsiitu ya Musamu Wamubwete wu luri lwayuka, wu bari bayaabisa kuri biyiriki byobinso ha butoto, na wu nyayeki me Pawulo kisari.

1 Kol 15:19

Ngo mbuti nsiitu dzi turi na dzo mu Kiristo, munu mu ntoono kidziingu kimaki, lo beetu tubvuriri manyoongi mu baatu bobanso.

Mukaanda kuri Bahebeleho 7:19

Bukuri mangisi mahele kunata kitotolo ti kimosi, ku nyirimunu yakuka, ngo beetu twakoto mu nsiitu yibvuriri bubwete, mu yo beetu tukokisilaa kuri Nzaambi.

1 Tes 2:13

Hango-nkuumbu, beetu tubvutulaana matoondo kuri Nzaambi mpisi ntaangu, bukuri maampu ma Nzaambi ma luri lwayuka kuri beetu, beenu lwamataamburi, kari bunu maampu ma baatu ko, ngo bunu bu mari maampu ma Nzaambi ma ngwanwa, ma kwesala mu beenu basiilaana kanyi.

1 Yow 3:3

Mpisi wunde wuri na nsiitu dza bubwo mu Kiristo, lo wutsyeemikaa nde-meene, bunu bu kari katsyeemeke nde.

Mukaanda kuri bari Ngalatya 5:5

Mukwongo, mu Mpeeve, beetu turi mu kwekiingila nsungumunu yi turi twasiila nsiitu mu kanyi.

2 Kol 5:19

Mukwongo, Nzaambi waba mu Kiristo, mu kubweese kusa nyukusunu ha kakati dya nsi na nde-meene, kwahele kutaangula baatu lumvuki lwa bo, na kusuusa mu beetu maampu ma kubweese kusa nyukusunu.

Biyiriki bya Bantumu 23:6

Pawulo bu kaba kayaari ti kunsa kikuutu babamosi baba Basaduki, na bakaka Bafarisi, nde wabikisa ha busu bwa bo ti: «Bampaangi baami, me nyiri mu Mufarisi, mwaana Mufarisi, [me] bari mu kutsuundisa, mu ntoono nsiitu na mu ntoono mfulukulu ya bafwa.»

1 Pet 3:15

Dumusee Kiristo Mfumu kunsa mitima myeenu. Beene bayirima mu mantaangu momanso, mu kukalila buungu, kuri mpisi wunde wulufuula, nsiitu dziri mu beenu,

1 Kol 13:13

Mu lumalu, byo bitatu bibyo biri: kanyi, nsiitu na ntiilu; ngo mu byo, kibvuriri bunene ntiilu.

Biyiriki bya Bantumu 24:15

Nsiitu dzi nyasa mu Nzaambi, dzinidzo se bo bari na dzo, sa kwaba mfulukulu baatu basuunguma na bangaa-bubayi.

1 Tim 1:15

Maampu mamama mayelemene mu kusiila kanyi, na kumataambula mu mutima ndemunso ti: Kiristo Yesu wayisa ha nsi mu kubvuukisa bangaa-masumu, mu bo me watete.

2 Tes 2:16

Hemese Mfumu yeetu Yesu Kiristo nde-meene, na Taayi dyeetu Nzaambi, watutya na watuha mu bweese bwaandi, mboondulu ya bibvu ngo bibvu na nsiitu yayibwete,

Mukaanda kuri bari Kolosayi 3:16

Hemese maampu ma Kiristo madzakala mu beenu mu busina. Mu madyeele momanso, yikisineenu na lubusineenu beenu na beenu, mu mikuunga mya ndoombulu, mya ndumusu na mya kimpeeve. Yimbikilee Nzaambi mikuunga mya matoondo mu mitima myeenu.

Mukaanda kuri bari Loma 10:8

Ngo nki diri mu kuleele? «Maampu mari bebele na ye, mari munsa munwa waaku, na munsa mutima waaku.» Mamo ngo maampu ma kanyi ma turi mu kweyaabisa.

Biyiriki bya Bantumu 10:36

Nde waheeke maampu maandi kuri baala ba Isaheli, mu kuyaabisa Musamu Wamubwete wa kiyeengi mu Yesu Kiristo, nde wuri Mfumu ya bobanso.

Musamu wamubwete watina Luka 12:33

Yarikeenu bitotolo byeenu, na kabuleenu kuri bawelu; yirikeenu bimpokoro bya mboongo byahele kufuuka, na sweekeenu ku mayulu, busina bwahele kuwa. Kukwo kuri ngaa-kwiibi lo wahele kukokosolo, na bisekisi byahele kudya.

Biyiriki bya Bantumu 13:26

Bampaangi baami, baala ba kitsuubu kya Abalaami, na babo bari ha kakati dya beenu babvumunaa Nzaambi, kuri beetu bari baheeke maampu ma mvuukulu.

2 Kol 6:7

mu maampu ma ngwanwa, mu mpinu dza Nzaambi; mu kuba na binwaanunu bya nsungumunu, bya kooko kwalubakala na bya kooko kwalumoso,

Mukaanda kuri bari Ngalatya 2:5

ngo kasi kuri bo, ti mu kilookolo kimosi, beetu twasii kubaheele nyutu ko, mpisi heki ngwanwa ya Musamu Wamubwete yisa kikuundi kuri beenu.

Mukaanda kuri bari Ngalatya 2:14

Kasi me monaana ti, bahele kwedyaatila kunsa ngwanwa ya Musamu Wamubwete, me nyaleele kuri Kefa ha busu bwa bobanso ti: «Mbuti ye Muyudayo, wahele kwedyaatila bunu Muyudayo kasi bunu muutu wahele kuba Muyudayo, lo dyaburi ye wutsiitsa kukwiikisa bahele kuba Bayudayo mu kuba na mbeelu Bayudayo?»

Mukaanda kuri bari Efeso 4:21

Mbuti heki beenu lwayuka mi kari kaleele nde-meene, na mu nde, beenu baluyikisa, bunu buri ngwanwa yiri mu Yesu,

2 Pet 1:12

Hango-nkuumbu, me nyelemini kwelubaambula mwooyo mu misamu mimyo mpisi ntaangu, ti bukuri lumiyaari kwaandi, na lwayeki lwakaangama mu ngwanwa ya lumalu.