Mukaanda kuri bari Kolosayi 1:22 - Musamu Wamubwete 2013

²² Kasi mu lumalu, Nzaambi wasa nyukusunu mu lufwa lwa mwaana waandi mu nyutu ya muswinyi, mpisi kalumonokoso bangisi, bahele mi babaseembele, na bahele na mi babafuundila, ha busu bwaandi.

Mukaanda kuri bari Kolosayi 1:22 Referans Kwoze

Mukaanda kuri bari Efeso 5:27

mpisi kamonokoso kuri nde-meene, dibuundu dyakeembusu, dyahele na mpita bunu pe mihonyi, bunu pe kitotolo kyafwanikina na bibyo, ngo kasi diba dyangisi na dyahele maseembu.

Mukaanda Yuda 1:24

Kuri wunde wakuka mu kulukebe kwahele kubumuna makya, na kulutelemese ha busu bwa nkeembu yaandi, kwahele maseembu, kunsa nyeense,

Mukaanda kuri Bahebeleho 10:10

Mu kutya kukwo, beetu turi twataambula bungisi, mu Yesu Kiristo waheeri nyutu yaandi bunu kikabu lwo lumosi.

Mukaanda kuri bari Efeso 1:4

Mu nde, Nzaambi watusoolo, tekesele nyirikulu nsi, mu kuba bangisi na bahele na mi babaseembele, ha busu bwaandi kunsa ntiilu.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri bari Loma 7:4

Beenu se bunubwo, bampaangi baami, beenu lwayeki lwafwa mu mangisi mu nyutu ya Kiristo, mu kuba ba muutu mukimi, wunde wafulukusu mu bafwa, mpisi tubeeneenu na bimbutu mu ntoono Nzaambi.

Mukaanda kuri Bahebeleho 10:20

Nde watudzibukila nzila yamoono na yamwooyo, ha lumbisa lwa nsaanda yiri nyutu yaandi,

Mukaanda kuri Bahebeleho 13:21

kaluha makwa ma kuyirika myominso myamibwete, mu kukukisa kutya kwaandi, kayirika mu beetu mamo mamabwete, ha busu bwa Yesu Kiristo, kuri nde kuba nkeembu mu bibvu ngo bibvu. Amene!

2 Kol 11:2

Mukwongo, me nyilusiila bukwa mu kiteesu kya bukwa bwa Nzaambi, bukuri me nyaluyakisa mu lulelusunu lwa makweele kuri bakala dimosi, bunu mwaa-ntuumba ya nswaasa yatsyeemeke ya kusoongo kuri Kiristo.

2 Pet 3:14

Hango-nkuumbu, banduku ba mutima, bu luri mu kwekiingila mamo, seenee makwa, mpisi nde kiisa kalutangusina mu kiyeengi, kuri lwahele na maka na mi baluseembele

1 Tes 4:7

Mukwongo, Nzaambi ka siiri kututeele mbila mu kuba kunsa nsumukunu ko, ngo mu kuba kunsa bungisi.

Musamu wamubwete watina Luka 1:75

kunsa bungisi na nsungumunu, ha busu bwaandi, mu biluumbu byobinso bya kidziingu kyeetu.

2 Kol 4:14

bu tuyaari kuri ti, wunde wafulukisi Mfumu Yesu, sa kafulukisa beetu se kintwaari na Yesu, na sa katusuusa ha kimosi na beenu bebele na nde.

2 Kol 5:18

Byobinso byafumuna kuri Nzaambi, nde wabweese kusa nyukusunu ha kakati dya beetu, na nde-meene mu Kiristo, na watuha kisalu kya kubweese kwesuusa nyukusunu.

Mukaanda kuri bari Kolosayi 1:28

Nde beetu turi mu kweyaabisa, mu kulubula mpisi muutu, na kuyikisa mpisi muutu, mu madyeele momanso, mpisi muutu kaba nyirimunu yakuka mu Kiristo.

1 Pet 3:18

Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.