Mukaanda kuri bari Kolosayi 1:2 - Musamu Wamubwete 2013

² kuri bampaangi bangisi na bakwiikama mu Kiristo, bari ku Kolosayi, bweese na kiyeengi kuri beenu bifumunaa kuri Taayi dyeetu Nzaambi biba na beenu.

Mukaanda kuri bari Kolosayi 1:2 Referans Kwoze

2 Pet 1:2

Bweese na kiyeengi biba byafunusu kuri beenu, mu nyaabulu yangwanwa ya Nzaambi, na ya Yesu Mfumu yeetu.

Mukaanda kuri bari Efeso 1:1

Me Pawulo, ntumu Yesu Kiristo, mu kutya kwa Nzaambi, kuri bangisi bari ku Efeso, na kuri bakwiikama mu Kiristo Yesu,

Mukaanda kuri bari Loma 1:7

Kuri banduku ba Nzaambi bobanso ba mutima, bari ku Loma, bataambula mbila mu kuba bangisi: bweese na kiyeengi bifumunaa kuri Nzaambi, Taayi dyeetu, na kuri Mfumu Yesu Kiristo, biba na beenu.

1 Kol 1:2

tutina kuri dibuundu dya Nzaambi diri ku Korinto, kuri ba bari basakumuna mu Yesu Kiristo, bataambula mbila mu kuba bangisi, kintwaari na bobanso bateelaa nkuumbu ya Mfumu yeetu Yesu Kiristo, mu mpisi kibeendu, Mfumu bo, yiri ya beetu se.

Nyabusulu ya Yowane 1:4

Yowane, kuri mabuundu nsaamu mari mu nsi ya Asya: Bweese kuri beenu na kiyeengi bifumini kuri wunde wuri, waba, na wukwiisa, na kuri mampeeve nsaamu mari ha busu bwa mboloko yaandi,

1 Pet 1:2

bunu buri nyaabulu yatekesele ya Taata Nzaambi, mu mpeelu bungisi ya Mpeeve, mu ntumumunu na nyakunu makila ma Yesu Kiristo. Bweese na kiyeengi biba byafunusu kuri beenu!

Mukaanda kuri bari Ngalatya 1:3

Bweese na kiyeengi, bifumunaa kuri Taayi dyeetu Nzaambi, na kuri Mfumu Yesu Kiristo, biba na beenu.

Mukaanda kuri bari Efeso 6:21

Me ntiiri ti beenu se luyaaba misamu mitariri me, mi nyiri mu kusalila. Tikiko, mpaangi ya mutima, na kisari kyakwiikama mu Mfumu, sa kaluyaabisa myominso mimyo.

Mukaanda Yuda 1:2

Hemese ngebe, kiyeengi na ntiilu bya Nzaambi, biba kuri beenu na fundu-fundu.

Mukaanda kuri bari Ngalatya 3:9

Mu kiteesu kikyo, baatu bari mu kanyi, bari basakumunu ha kimosi na Abalaami ngaa-kanyi.

1 Kol 4:17

Hango-nkuumbu, me nyaluheekiri Timoteho, mwaana waami wa mutima na wakwiikama mu Mfumu. Nde sa kalubaambula mwooyo mu manzila maami mu Kiristo [Yesu], bunu bu nkooyikisilaa me kwokunso, mu mpisi dibuundu.

Biyiriki bya Bantumu 9:13

Ananya wabvutula ti: "Mfumu, baatu balaka badzoonsiri me mu muutu wu, nde wayirika mamabi malaka kuri bangisi baaku ku Yerusalemi.

Mukaanda kuri bari Filipo 1:1

Pawulo na Timoteho, bankutu ba Yesu Kiristo, kuri bangisi mu Kiristo Yesu bari ku Filipo, bari kintwaari na bakuutu ba dibuundu na bisari: