Mukaanda kuri bari Kolosayi 1:13 - Musamu Wamubwete 2013

¹³ Nde watupalisa mu lutumu lwa mampimbisi, na watunata mu Kimfumu kya Mwaana wa ntiilu yaandi.

Mukaanda kuri bari Kolosayi 1:13 Referans Kwoze

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

Mukaanda kuri bari Efeso 5:8

Mu ntaangu yayikulu beenu lwaba mampimbisi; mu lumalu beenu lweki buungi mu Mfumu. Yendee lwedyaatila bunu baala ba buungi.

1 Pet 2:9

Ngo kasi beenu, luri kitsuumbu kyasoolu, kabu dya bangaanga-nzaambi ba mbyaasi, kaanda dyangisi, baatu babakama kuri Nzaambi, mu kweyaabisa mamabwe, ma wunde waluteele mbila, mu kupala mu mampimbisi na kukoto mu buungi bwaandi bwansisi.

Mukaanda kuri bari Efeso 6:12

Bukuri kikiindu ki turi na kyo, kari kya kunwaanisa muswinyi na makila ko, ngo kasi kya kunwaanisa bakuutu, batumi, na bamfumu ba nsi ya mampimbisi yimayi, kya kunwaanisa mampeeve mamabi mari ku kinsongi-yulu.

1 Tes 2:12

Beetu twaba kweluboondaana, kwelusyaamisaana, na kweluyingukilaana mu kuba na ndyaatulu yitiiri Nzaambi, nde wuri mu kuluteele mu kimfumu na mu nkeembu yaandi.

Mukaanda kuri bari Efeso 4:18

Madyeele ma bo mayeki mamabi, bo banzeense mu mwooyo wa kinzaambi, mu ntoono kuhele kwa nyaabulu, na mu ntoono nkubusulu mutima yi bari na yo.

Mukaanda kuri bari Loma 14:17

Mukwongo, Kimfumu kya Nzaambi kiri mu byandya na mu nwiinu ko, ngo nsungumunu, kiyeengi, na kiminu mu Mpeeve Yangisi.

1 Yow 3:14

Beetu tuyaari ti, twayeki twayisika mu lufwa mu kuluta mu bumwooyo, bukuri beetu tutyaanaa bampaangi. Wunde wahele kutya bampaangi, lo wafwa kwakinkulu.

2 Kol 4:4

mu baatu bahele na kanyi, bari nzaambi ya nsi yi wayeki wabiiyisa madyeele ma bo, mpisi bahele kutalila buungi bwa Musamu Wamubwete, wa nkeembu ya Kiristo, nde wuri kifwaani kya Nzaambi.

1 Yow 3:8

Wunde wuyirikaa masumu, lo wa dyabulu, bukuri kuholosono kunu mbandukulu dyabulu watobiri masumu. Mu dimadi Mwaana Nzaambi kamonikini, mpisi katsyaamuna biyiriki bya dyabulu.

Musamu wamubwete watina Yowane 5:24

«Ngwanwa mu ngwanwa me nyiluleele ti: wunde wuyuka maampu ma me, na wusa kanyi mu wunde wampeeke, lo wuri na kidziingu kyahele manunu. Nde wahele kwiisa ku mutsuundu, ngo wayeki wayisika mu lufwa mu kuluta ku bumwooyo.

1 Yow 2:8

Mukwongo, lutumu lwamoono me nyiri mu kulutinina; didyo diri dyangwanwa mu nde na mu beenu, bukuri mampimbisi mari mu kuluta, na buungi bwangwanwa bweki mu kuseme.

2 Pet 1:11

Mukwongo, mu bubwo, nkotulu mu Kimfumu kyahele manunu, kya Mfumu na Mubvuukisi weetu Yesu Kiristo, yiba yaha kuri beenu mu bunsaalisi.

Musamu wamubwete watina Luka 13:24

«Nwanikinee mu kukoto mu mweelu wasweeteme, bukuri me nyiluleele ti, balaka sa basaka kukoto, ngo ka babangusina ko.»

Mukaanda kuri Bahebeleho 2:14

Ngo bukuri baala babo bari na nyutu ya muswinyi na makila, na nde se wabaka nyutu ya bubwo, mpisi heki mu lufwa lwaandi, nde kamana makwa ma wunde waba na lutumu mu lufwa, ngo dyabulu,

Musamu wamubwete watina Yowane 17:24

Taata, babo ba wuri wampa, me ntiiri ti haho ha nyiiri me, bo se baba na me, mpisi heki bamono nkeembu yaami, yiyo yi wuri wampa Bukuri ye watya me tekesele nyirikulu nsi.

Musamu wamubwete watina Luka 22:53

Mpisi kiluumbu me nyabee kwebaanaa na beenu mu Nzo-nzaambi, ngo kasi lwasii kaanga me ko. Ngo kimaki kyeki kilookolo kya beenu, na kya lutumu lwa mampimbisi.»

Musamu wamubwete watina Matayi 3:17

Na mono, mbeembu ya nangukina ku mayulu yaleele ti: «Wumawu ngo mwaana waami wa mutima; mu nde me nyimonaa kiminu.»

Musamu wamubwete watina Matayi 25:34

Haho, mbyaasi sa kaleele kuri bari ku lubakala lwaandi: "Waseenu, beenu bari taayi dya me walusakumuna; taambuleenu saala ngo kimfumu kibari baluyirikila tekesele nyirikulu nsi.

Mukaanda kuri bari Efeso 1:6

mu kuha ndumusu ya nkeembu ya bweese bwaandi, bu kari katuha kwa mungengi mu mwaana waandi wa mutima.

Musamu wamubwete watina Matayi 17:5

Bu kaba wakiri mu kudzoonso, mono tuti dya buungi dyabafuka mu mposi yaandi, na mono, mbeembu mosi yayukukuna mu tuti, yaleele ti: «Wumawu ngo mwaana waami wa mutima, mu nde me nyimonaa kiminu, muywiileenu!»

Musamu wamubwete watina Yowane 3:35

Taayi tiiri Mwaana, na wayakisa byobinso mu myooko myaandi.

2 Kol 11:14

Diri dya nkimukunu ko, bukuri Satana nde-meene wuswemekinaa mu kifwaani kya mbasi ya buungi.

Mukaanda kuri bari Efeso 5:5

Mukwongo, yaabeenu dimadi: mpisi kiyala, bunu pe wasumuka, bunu pe ngaa-lukakutu, yiyo nsambukulu-biteki, lo wabubwo wahele na saala mu Kimfumu kya Kiristo bo na Nzaambi.