2 Tim 3:14 - Musamu Wamubwete 2013

¹⁴ Ngo ye wasiila kanyi mu ma wuri wayika, na ma wuri wabakula ti mangwanwa, bu yaari kuri na, wuri wamayikila.

2 Tim 3:14 Referans Kwoze

1 Tes 2:13

Hango-nkuumbu, beetu tubvutulaana matoondo kuri Nzaambi mpisi ntaangu, bukuri maampu ma Nzaambi ma luri lwayuka kuri beetu, beenu lwamataamburi, kari bunu maampu ma baatu ko, ngo bunu bu mari maampu ma Nzaambi ma ngwanwa, ma kwesala mu beenu basiilaana kanyi.

2 Tim 2:2

Myominso mi wuri wayuka kuri me, ha busu bwa bambaangi balaka, yaabisa myo kuri baatu bakwiikama, bakuka mu kuyikisa myo se kuri bakaka.

2 Tim 1:13

Holo kifwaani mu maampu mangwanwa ma wuri wayuka kuri me, mu kanyi na ntiilu bya mu Kiristo Yesu.

1 Tes 1:5

Mukwongo, Musamu beetu Wamubwete wahele kutubuka kuri beenu, munu mu nzoonsulu kitsu, ngo se mu mpinu, mu Mpeeve Yangisi na mu nyukusulu ya musundu, bunu bu luyaari bu twaba beetu ha kakati dya beenu, mu ntoono beenu.

Mukaanda kuri Bahebeleho 10:22

Ngo hemese tukokosoleenu mu mutima wa mutsiina, na kanyi dyakuka, kuri mutima watsyeemese mu bitsimi byabibi, na nyutu yaswaaku mu maampa matsyeeme.

Mukaanda kuri Bahebeleho 6:11

Beetu tutiiri ti mpisi muutu mu beenu, kasoongo kifiki kyokimosi, mu kutubula nsiitu mu kiteesu kyakuka, natee kumanunu,

1 Tim 4:16

Sa madyeele ye-meene, na mu nyikusulu. Namitina kusalila bubwo; bukuri wusalilaana bubwo, lo ye sa wabvuuka ye-meene, na sa wabvuukisa babo bakuywiila.

2 Tim 3:15

Kuholosono bulesi bwaaku, Matinu Mangisi ye wumayaari, mo makuka mu kuha ye madyeele, mu kubaka mvuukulu mu kanyi mu Kiristo Yesu.

Mukaanda kuri bari Loma 14:5

Mukwongo, wamosi wusoolo kiluumbu ki kabvuriri kutya ti na kiluumbu kyakaka; wakaka wusoolo kiluumbu ngo kiluumbu; mpisi muutu wasingumina mu kitsimi kya nde-meene.

Mukaanda kuri bari Kolosayi 2:2

Me ntiiri ti mitima mya bo miba myasyaamusu, baba babvuutuna mu kintwaari kunsa ntiilu, na mu kubaka busina bwobunso bwa nduululu ya madyeele, mu nyaabulu mpaanu dza Nzaambi, ngo Kiristo,

Biyiriki bya Bantumu 17:31

Bukuri nde wasoolo kiluumbu ki katsuundisa nsi mu nsungumunu, mu muutu wunde wu kari kasoolo, na nde wasoongo kimbaangi kuri bobanso mu kumufulukisa mu bafwa."

Mukaanda kuri Tito 1:9

Nde yelemini kuba se wakaangama mu maampu ma bayelemene kusiila kanyi, mpisi kaba wakuka mu kusyaamisa baatu mu nyikusulu dzadzibwete, na mu kutungukila se babo bari na muhaawu.