2 Tim 3:10 - Musamu Wamubwete 2013

¹⁰ Ngo ye wanemi kwakubwete nyikusulu dzaami, ndyaatulu yaami, bitaasi byaami, kanyi dyaami, nkindusulu-mutima yaami, ntiilu yaami, kifiki kyaami,

2 Tim 3:10 Referans Kwoze

1 Tim 6:11

Ngo ye muutu Nzaambi, bata misamu mimyo. Yende wesaka nsungumunu, kinzaambi, kanyi, ntiilu, nkindusulu-mutima, bundeembu.

Mukaanda kuri Tito 2:7

mu myominso. Ye-meene se, soongo kifwaani mu biyiriki byabibwete, nsyemukunu na lukiinsu kunsa nyikisulu.

1 Tim 4:6

Wubaangulaana misamu mimyo kuri bampaangi, lo ye sa ba kisari kyakibwete kya Kiristo Yesu, kyadiisulu mu maampu ma kanyi, na mu nyikusulu dzadzibwete, dzi wuri mu kunama kwa kubwete.

Mukaanda kuri bari Filipo 2:22

Ngo beenu luyaari ma kari kayirika nde: bunu bu buyirikaa mwaana kuri taayi, nde wasala kintwaari na me mu ntoono Musamu Wamubwete.

Mukaanda kuri Bahebeleho 13:9

Yaa lutala ko ti, baluwumuna mu nyikusulu dza bitsuumbu-bitsuumbu dzanzeense. Bukuri buri bwabubwete, ti mutima kaba wasyaamusu mu bweese, nkani ka mu mangisi ma byandya, mari babo bakoomabvuminaa, babakilaa mo ndaandu ko.

Biyiriki bya Bantumu 11:23

Nde bu katubuka, wamoono bweese bwa Nzaambi, wakeembe na wasyaamisa bobanso mu mutima mosi, mu kukaangama mu Mfumu,

2 Pet 3:11

Ngo mbuti heki bubwo, ti byobinso sa byasulumuka, lo nkya baatu, beenu luyelemini kuba mu ndyaatulu ya bungisi, na mu kinzaambi,

2 Tim 4:3

Mukwongo, sa kwaba ntaangu yiri, baatu babweese kukuunda kuyuka nyikusulu dzangwanwa ko, ngo bunu buri mantiilu maaku, bo sa basaka kuba na bayikisi balaka babaleele mi batiiri kuyuka.

2 Tim 2:22

Yitika mantiilu ma butuuti, saka nsungumunu, kanyi, ntiilu, na kiyeengi mu kintwaari na babo bayingukilaa Mfumu mu mutima watsyeemeke.

1 Tes 1:5

Mukwongo, Musamu beetu Wamubwete wahele kutubuka kuri beenu, munu mu nzoonsulu kitsu, ngo se mu mpinu, mu Mpeeve Yangisi na mu nyukusulu ya musundu, bunu bu luyaari bu twaba beetu ha kakati dya beenu, mu ntoono beenu.

2 Kol 1:17

Buri me ntyaanaa bubwo kuyirika, lo budzeeke nyiri mu kusoongo? Hoti ma ntii me mamo, mu kimuutu me nyimatiiriri, mpisi heki mu me muba: «heehe lo heehe» na «pele lo pele»?

Mukaanda kuri bari Loma 16:17

Bampaangi, me nyilusyaamisa mu kusa madyeele, mu baatu bakwesa nkabunu na bakwelubumusa makya, mu nyikusulu dzi luri lwataambula; batekelee mbisa;

Biyiriki bya Bantumu 26:4

"Hango kidziingu kyaami, kuholosono kunu mbandukulu butuuti bwaami, me nyikiyookisiirye hansa kaanda dyaami; Bayudayo bobanso badzakala mu Yerusalemi bayaari.

Biyiriki bya Bantumu 20:18

Bu bayisa kutubuka hari nde, nde wabaleele ti: "beenu luyaari ti kuholosono kiluumbu kyatete kinyasuusiri me kitaambi kunsa Asya, bunu bu nyabee na beenu mantaangu momanso,

Biyiriki bya Bantumu 2:42

Bobanso basyaama mu nyikusulu dza bantumu, mu kintwaari, mu mbukununu mpa na mu nsaambulu.

Musamu wamubwete watina Luka 1:3

Me bu nyafyongokini misamu myominso kunu mbandukulu mu bunkete na deredee, nyamwiini ti bwabubwete me se ntina mu ntoono ye Tehofile, muutu walukiinsu,

1 Tim 1:3

Bunu bu nyabee kuleele, ha nyabee kweende me ku Makedonya, dzakala ku Efeso, mpisi heki wedika babamosi, yaa beyikisa nyikusulu dzikimi ko,

Mukaanda kuri bari Efeso 4:14

Haho lo tubweese kuba baala, banyingusu na bakweyende mu mpisi kiteembu kya nyikusulu dza kimpa kya baatu, mu lupyelu lwa bo ko, na mu mawunu na lumvuki lwa bo.

Mukaanda kuri bari Filipo 2:20

Mukwongo, me nyahele na muutu mukimi ha yulu nde, wuri bitsimi byobimosi na me, wutsiminaa misamu mitariri beenu mu ngwanwa.

2 Tim 4:2

yikisa Maampu, landukina mu ntaangu yayelemene na yahele kuyelemene, seembe, ŋaŋina, syaamisa, mu nkindusulu-mutima yoyinso kunsa nyikusulu.

2 Tim 4:7

Me nyanweeni kikiindu kyakibwete, me mwaamana kudzumuna ntiinu, na nyakebe kanyi.