2 Tim 2:3 - Musamu Wamubwete 2013

³ Ye se taambula mpasi bunu muyongolo wamubwete wa Kiristo Yesu.

2 Tim 2:3 Referans Kwoze

Mukaanda wa Yakobo 1:12

Muutu wukuunda nsindukulu wuri mu lwambwe, bukuri bu bameeni kumutsiitsa, nde sa kataambula lukoongolo lwa bumwooyo lwataambukila Nzaambi kuri bamutyaanaa.

2 Tim 4:5

Ngo ye, ba wasoongolo mu myominso, kuunda mpasi, sa kisalu kya budingisi, kukisa kisalu kyaaku.

2 Tim 1:8

Yaa ba na nsoni ko mu kuta kimbaangi mu Mfumu yeetu, bunu pe mu me nyiri mu bikonyi mu ntoono nde. Kasi mono mpasi ha kimosi na me mu ntoono Musamu Wamubwete, bunu buri mpinu dza Nzaambi.

Mukaanda kuri Bahebeleho 10:32

Baambukeenu mwooyo mu biluumbu byatete, biri beenu lumanaa kutaambula buungi, beenu lwakuunda kikiindu kyakinene na kya mpasi.

2 Tim 2:10

Hango-nkuumbu, me nyiri mu kwekiindisa mutima mu myominso, mu ntoono basoolu, mpisi heki bo se babaka mvuukulu yiri mu Kiristo Yesu, na nkeembu ya mantaangu momanso.

1 Tim 1:18

Ntumunu yi nyiri mu kuha kuri ye mwaana waami Timoteho, bunu buri mbikululu dzi bari batekesele kuleele mu ntoono ye, kuri ti, mu dzo, ye nwaana nwaanunu yayibwete,

2 Tim 3:11

nkwamusunu na mpasi dzi nyamono me ku Antyoke, ku Ikonyo, ku Listara. Nkya nkwamusunu me nyahele kumono! Ngo mu dzodzinso Mfumu wankuula.

2 Kol 1:6

Ngo mbuti beetu turi mu mpasi, lo mu kuri ti beenu lubaka mboondulu na mvuukulu; mbuti turi na mboondulu, lo mu kuri ti beenu lubaka mboondulu, yiluha makwa ma kukuunda mpasi dzodzimosi, dzi turi mu kumono beetu se.

Mukaanda kuri Bahebeleho 11:27

Mu kanyi, nde wasisa Ngipiti, kwahele kubata nkesi dza mbyaasi; bukuri nde waba wateleme na keketee, bunu muutu wuri mu kumono wunde wuri bamumonaa ko.

Mukaanda kuri Bahebeleho 6:15

Mu bubwo, Abalaami, bu kakiindisa mutima, wataambulaa mi bamusiiriri nsiilulu.

1 Kol 13:7

yifuka myominso, yisiila kanyi mu myominso, yiri na nsiitu mu myominso, yikuunda myominso.

1 Kol 9:7

Na wayeki sala kisalu kya buyongolo mu mboongo dza nde-meene? Na wayeki kuna bviinya kwahele kudya bimbutu? Bunu pe na wayeki buungula bangoombo kwahele kudya toongo bunu pe kunwa beene dya ngoombo?

2 Tim 1:1

Me Pawulo, ntumu Kiristo Yesu, mu kutya kwa Nzaambi, bunu buri lusiilulu lwa kidziingu kya mu Kiristo Yesu,

2 Tim 2:9

mu ntoono musamu wunde, me nyiri mu kumono mpasi mu bikonyi, buni muyiriki-mamabi; ngo kasi maampu ma Nzaambi mahele mu bikonyi.

Film 1:2

kuri kibusi Afya, kuri Arkipo, mbaasi yeetu ya binwaanunu, na kuri dibuundu dikutukunaana mu nzo yaaku.

Biyiriki bya Bantumu 23:31

Hango, bayongolo, bunu buri lutumu lu bari bataambula, baholo Pawulo, bamunata mu butsuku ku bvula dya Antipatiri.