2 Tim 2:20 - Musamu Wamubwete 2013

²⁰ Munsa nzo yayinene, kari dzini nkoombo dza woolo na dza palata dzikoobaanaa ko, ngo kubaanaa se dza miti, na dza tubuumbu. Dzamosi badzisalilaa mu lukiinsu, ngo dzakaka badzisalilaa kwahele lukiinsu.

2 Tim 2:20 Referans Kwoze

1 Pet 2:5

na beenu-meene se, bunu matari mamwooyo, beene batuunguma mu nzo ya kimpeeve, mu kuyirika kingaanga kyangisi, mu kuha bikabu byayoku byakimpeeve, byataambulu kuri Nzaambi mu Yesu Kiristo.

1 Tim 3:15

mpisi heki, ti hayuku me nziingiri mu kwiisa, lo ye yaaba bunu bwa kudyaatila mu nzo ya Nzaambi, yiri dibuundu dya Nzaambi yamwooyo, kuunsi na kitsuku kya ngwanwa.

1 Kol 3:9

Bukuri beetu turi bakwesala kintwaari na Nzaambi. Beenu luri nseke Nzaambi, na luri nzo ya Nzaambi.

Mukaanda kuri bari Efeso 2:22

Mu nde, beenu se luri lwatuunguma mu kintwaari, mu kuba nzo yi dzakalaa Nzaambi mu Mpeeve.

2 Kol 4:7

Beetu tukwenata busina bumabu, mu bisa bya tubuumbu, mpisi heki mpinu dza kiteesu kyalutila, dziba dza Nzaambi nkani ka dza beetu ko.

Musamu wamubwete watina Yowane 8:49

Yesu wabvutula ti: «Me nyiri na mpeeve yayibi ko, ngo me nyiri mu kukiinsa Taayi dyaami, na beenu lwahele kukiinsa me.

Mukaanda kuri bari Loma 9:20

Heki ye muutu na wuri mu kukaalisa mbeembu kuri Nzaambi? Buri kisa lo kileeriri kuri mubuumbi ti: «Buri wuri wanyirikila bumabu?»