Biblia Todo Logo
Bib sou entènèt

- Piblisite -




2 Tim 2:19 - Musamu Wamubwete 2013

19 Diri dyangwanwa ti lufulu lwa sa Nzaambi lwa makwa lwateleme, luri na kinyemu kyatina ti: «Mfumu yaari baatu baandi, na wunde wutaangunaa nkuumbu Mfumu, yelemini kutatuka na mamabi.»

Gade chapit la Kopi




2 Tim 2:19
69 Referans Kwoze  

Me ngo mutari wamubwete, me nyaari bimeeme byaami, na bimeeme byaami se binyaari,


Ngo mbuti muutu tiiri Nzaambi, lo nde wayabakana kuri Nzaambi.


Nde sa kabweese kuleele kuri beenu ti: "Me nyahele kuyaaba beenu kari ba kuri. Sasikeenu ha teke me, beenu lukwesalilaa kunsa bubayi!"


Ngo mu lumalu, bu lumwaayaaba Nzaambi, dibvuriri bubwete diri lumwaayabakana kuri Nzaambi, dyaburi beenu lubweese kubvutuka kuri bitotolo byahele makwa na byabuunu, mu nzala kubweese kuba bankutu kuri byo?


Me nyaari biyiriki bya ye; mono, me nyikusuusiri ha busu bwa mweelu wadzibulu, kuri muutu ti mosi ko wakuka mu kukaanga nde; bukuri ye mwaa-mpinu wuri na dzo, kasi wakebe maampu maami, tumi se wahele kutuna nkuumbu yaami.


Sa bamono busu bwaandi, na nkuumbu yaandi sa yiba mu mambuunsu ma bo.


Yaa lunyoongoso Mpeeve Yangisi ya Nzaambi ko, mu yo beenu bari balusa kidiimbu mu kiluumbu kya nkuululu.


tutina kuri dibuundu dya Nzaambi diri ku Korinto, kuri ba bari basakumuna mu Yesu Kiristo, bataambula mbila mu kuba bangisi, kintwaari na bobanso bateelaa nkuumbu ya Mfumu yeetu Yesu Kiristo, mu mpisi kibeendu, Mfumu bo, yiri ya beetu se.


Hango-nkuumbu, banduku ba mutima, bu luri mu kwekiingila mamo, seenee makwa, mpisi nde kiisa kalutangusina mu kiyeengi, kuri lwahele na maka na mi baluseembele


Ngo banduku ba mutima, bukuri turi na nsiilulu dza bubwo, tutsyeemekeenu mu mamviindu momanso ma muswinyi na ma kiluunsi, na tukukiseenu bungisi kunsa kibvumi kya Nzaambi.


Me nyaari ku wubaanaa ye, kukwo kuri mboloko Satana, ye wakwaata mu makwa nkuumbu yaami, na wahele kutuna kanyi dya mu me, ti mu biluumbu bya Antipa, mbaangi yaami, mpaangi yaami yakwiikama, wubari badzusa kuri beenu, kwa tuunga Satana.


Haho, me sa nyaleele kuri bo ti: "Me nyahele kuluyaaba ti mu ntaangu mosi! Sasikeenu ha teke me, beenu bangaa-bubayi!"»


kuri nde, mpisi kaanda ku mayulu na ha butoto, diri dyataambula nkuumbu.


Mu didyo, me nyaba na musoongo mu kweyaabisa Musamu Wamubwete, mumwo muri bakiri bahele kutaanguna Kiristo, mpisi heki me mpele kutuunga ha yulu lufulu lwa ŋani.


mpisi heki baatu basaala babo basaka Mfumu, na makaanda momanso ma bari bataangukuna nkuumbu yaami masa bwobumosi, buleele Mfumu, muyiriki bitotolo bibyo


Mvula yanoko, manyari mabuukila, biteembu byateleme na byanyingisa nzo yiyo, ngo yahele kubwa, bukuri yatuungu ha yulu tari.


Bo bapariri ha kakati dya beetu, ngo basii kuba ba beetu ko; bukuri mbuti ngo, baba ba beetu, nkani baketi kudzakala na beetu. Bo bapariri mpisi diba dyayabakana ti bobanso bari ba beetu ko.


Ntiilu yiba yahele na bumpitu-bumpyoongo. Yitikee mamabi, kaangamee mu mamabwe.


bukuri ba-Kiristo bampya, na babikiri bampya, sa bateleme, sa bayirika bidiimbu na bimaangu mu kiteesu kya kuwumuna basoolu, mbuti buri bwakuka.


Mukwongo, baala baba bakiri kubutuka pe, na baba bakiri bahele kuyirika mamabwe bunu pe mamabi, mpisi heki bitaasi bya Nzaambi binamitina kuba, bunu buri nsoolulu yaandi ya bunsaalisi.


bari mu kwekutikisa busina ha lufulu lwalubwete mu bo-meene, mpisi heki mu ntaangu yikwiisa, babaka kidziingu kyangwanwa.


Beetu tuyaari kuri ti, byobinso bisalisinaana mu bubwe bwa batyaanaa Nzaambi, babo bakari kateele mbila bunu buri bitaasi byaandi.


Na hamaha, nde wuri na lutumu lwa bakuutu ba bangaanga-nzaambi mu kukaanga bobanso basaambila nkuumbu yaaku.


Me nyahele kudzoonsolo mu beenu-banso; me nyaari ba nyiri nyasoolo; ngo kasi matinu mayelemini kweende mu mana: "Wunde wudya mpa me, wanangukina me kisiŋini kyaandi".


Bukuri babo bari Kiristo dyampya na babikiri bampya sa bateleme. Bo sa bayirika bidiimbu byabinene na bimaangu, mu kiteesu kya kuwumuna, mbuti bwakuka basoolu.


Beenu lwatuunguma ha yulu lufulu lwa bantumu na babikiri, Kiristo Yesu nde-meene ngo tari dya ha kuumbu.


Nzaambi wahele kuyekele baatu baandi ba katekisiri kuyaaba. Hoti beenu lwahele kuyaaba ma leele Matinu mu Eliya, ha kari mu kunyoongono Isaheli kuri Nzaambi?


nde wafwanikina na muutu watuunga nzo; nde wahaka mudzuumbu, wasundusa na watuunga lufulu ha yulu tari. Mvula bu yanoko kwalaka, nyaamba yayookolo hari nzo, ngo yahele kuyibwiisa, bukuri yatuunga ntuungulu yayibwete.


Makaanda ngo mari, makeembese Nzaambi mu ntoono mutima waandi wangebe, bunu bu diri dyatinu: «Hango-nkuumbu, me sa nyadumusa ye ha kakati dya makaanda, na me sa nyayimbila mu ntoono nkuumbu yaaku.»


Kibaka kya bvula, kyaba kyatuunga ha yulu matari kuumi na moolo ma lufulu, na mu matari, mwatina mankuumbu kuumi na moolo, ma bantumu kuumi na boolo, ba Mwaana kimeeme.


Bukuri nde waba kiingaana bvula diri na lufulu lwamakwa, diri Nzaambi ngo muteesi na mutuungi.


Hango, bu lukweende, seenee makaanda momanso bayiki, mu kubabotoko mu nkuumbu ya Taata, na ya Mwaana, na ya Mpeeve Yangisi,


Kibulu ki wamwiini ye kyaba, ngo kyasaala ko, sa kitoomboko mu lubila, na sa kyeende ku mfukusulu; baatu badzakala ha butoto, babo bari mankuumbu mahele kutina mu mukaanda wa mwooyo, kuholosono nyirikulu nsi, sa bakimuka ha bamono kibulu, Bukuri kyo kyaba na kyasaala ko, kasi sa kyabweese kumonokono.»


na bu kamumono, nde wamunata ku Antyoke. Bo balutisa mubvu wamutsiina, mu kukutukunaa mu dibuundu, na mu kuyikisa mpuumbu yalaka. Ku Antyoke, mbala yatete bateele bayiki ti bakiristo.


Wunde wataambula kimbaangi kya nde, wasiingisa ti Nzaambi ngaa-ngwanwa.


mpisi heki, ti hayuku me nziingiri mu kwiisa, lo ye yaaba bunu bwa kudyaatila mu nzo ya Nzaambi, yiri dibuundu dya Nzaambi yamwooyo, kuunsi na kitsuku kya ngwanwa.


Bo bamutwalikila kyo. Yesu wabafuula ti: «Kidzisi ki na bisoni bi bya na?» Bo babvutula kuri nde ti: «Bya Kayisari.»


Swiv nou:

Piblisite


Piblisite