2 Tim 2:14 - Musamu Wamubwete 2013

¹⁴ Babaambula mwooyo mu mamama, wubayingukila ha busu bwa Nzaambi, yaa beyumuna mu bitoolo ko. Mimyo myahele mufunu, mbuti ka wa kudziimbisa baatu bayuka myo ko.

2 Tim 2:14 Referans Kwoze

2 Tim 2:23

Looso nzoonsulu dza buwulu na dza budzeeke, bu yaari kuri ti dzitwaalaa bikiindu.

2 Tim 4:1

Me nyikuyingukila ha busu bwa Nzaambi, na ha busu bwa Kiristo Yesu, nde wukwiisa kutsuundisa bamwooyo na bafwa, na mu monokunu yaandi na mu kimfumu kyaandi,

Mukaanda kuri bari Loma 14:1

Taambulee wunde wuri na bubolo mu kanyi, kwahele kusaana ma kakweleele.

Mukaanda kuri Bahebeleho 13:9

Yaa lutala ko ti, baluwumuna mu nyikusulu dza bitsuumbu-bitsuumbu dzanzeense. Bukuri buri bwabubwete, ti mutima kaba wasyaamusu mu bweese, nkani ka mu mangisi ma byandya, mari babo bakoomabvuminaa, babakilaa mo ndaandu ko.

1 Tim 5:21

Me nyi kuyingukila ha busu bwa Nzaambi, ha busu bwa Kiristo Yesu, na ha busu bwa bambasi ba Nzaambi ba bari basoolo ti, salila momanso mamo kwahele munsoori na kwahele bubayi.

Biyiriki bya Bantumu 15:24

Bu twayukiri ti babamosi mu beetu bu bayisiri kuri beenu, kuri twahele kubaha ntumunu, balubamisini mu miheebulu,

2 Pet 1:13

Me nyitsima ti diri dyadibwete, ti me nyilubaambulaa mwooyo mpisi luba naana, mu ntaangu yoyinso yi nyakiri me mu musaampu wumawu,

1 Tim 6:13

Me nyikuloombiri ha busu bwa Nzaambi, nde wuhaanaa kidziingu kuri bitotolo byobinso, na ha busu bwa Kiristo Yesu, wateeri kimbaangi kyakibweete ha busu bwa Pontyo Pilato:

2 Tes 3:6

Bampaangi, beetu tululoombiri mu nkuumbu ya Mfumu yeetu Yesu Kiristo, mu kutatuku la na mpisi mpaangi yi kwedyaatila kunsa kisaangila, kwahele kuyelemene na kikulu ki lwataambula kuri beetu.

2 Tim 2:16

Bata nzoonsulu dza bungooyi dzamukangala, bukuri bari na nzoonsulu dza bubwo, sa bahamisa kukoto kunsa bungooyi;

1 Tim 4:8

Mukwongo, kutsitsikila kwa nyutu, kuri mufunu mu myantele; ngo kasi kuba na kinzaambi kuri mufunu mu myominso, kuri na lusiilulu lwa kidziingu kya lumalu, na kya ku mankula.

Mukaanda kuri bari Efeso 4:17

Mu didyo, me nyileele na nyitswiikisa mu Mfumu ti, yaa lubweese kwedyaatila bunu bangooyi ko bakwedyaatila mu madyeele ma bo-meene mahele mufunu.

Mukaanda kuri bari Ngalatya 1:7

Mukwongo, kuri Musamu mukimi ko, mbuti ka bangaa-kisaangila ko, batiiri kukitula Musamu Wamubwete wa Kiristo.

Biyiriki bya Bantumu 13:10

waleele ti: "Ho ye waluula mu mawunu na mu kwiibi, mwaana dyabulu, mutaatu nsungumunu, buri ye wuhoto ko mu kwetengemese ma nzila [ma] Mfumu masuunguma?

Musamu wamubwete watina Matayi 16:26

Nkya ndaandu yiri na muutu, mbuti bakiri nsi yansiina, ngo fuukisiri kidziingu kyaandi? Bunu pe, nki muutu katsiitsa kuha mu kuyiingisa kidziingu kyaandi?

2 Tim 1:6

Mu didyo, me nyikubaambula mwooyo ti: bweese kulula mbaawu mu kikabu kya Nzaambi kiri mu ye, ki wuri wataambula mu ntetukulu myooko mya me.

1 Tim 1:6

Babamosi bayeki batatuka la na mamo, na badziimbila kunsa nzoonsulu dzahele mufunu.

1 Tim 1:4

yaa bakaangama mu bimpa, na mu miloongo mya kinkaaka myahele kusuka; myominso mimyo mitwaalaana nkalikisi, ha kibeendu kya kukukisa kitsimi kya Nzaambi kiri mu kanyi.

1 Tes 4:1

Mu misiiri bampaangi, beetu tululoombo na tulusyaamisa mu Mfumu. Bu lwayeki lwayika kuri beetu ndyaatulu yayelemene mu kubweeye kuri Nzaambi, bunubwo se luri mu kwedyaatila, ngo bweeseenu kutoombolo kiteesu.

Mukaanda kuri Tito 3:1

Baambula mwooyo kuri bo ti, bayelemini kuba batumuma kuri baatu balukiinsu na kuri bari na lutumu; baba na bintambukulu, na baba bayirima mu mpisi kiyiriki kyakibwete.