2 Tim 2:10 - Musamu Wamubwete 2013

¹⁰ Hango-nkuumbu, me nyiri mu kwekiindisa mutima mu myominso, mu ntoono basoolu, mpisi heki bo se babaka mvuukulu yiri mu Kiristo Yesu, na nkeembu ya mantaangu momanso.

2 Tim 2:10 Referans Kwoze

Mukaanda kuri bari Kolosayi 1:24

Mu lumalu, me nyimono kiminu, kunsa mpasi mu ntoono beenu, na me nyiri mu kukukisa mpasi dza mbamunu Kiristo, mu muswinyi waami, mu ntoono nyutu yaandi, ngo dibuundu.

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

2 Tim 2:3

Ye se taambula mpasi bunu muyongolo wamubwete wa Kiristo Yesu.

2 Kol 1:6

Ngo mbuti beetu turi mu mpasi, lo mu kuri ti beenu lubaka mboondulu na mvuukulu; mbuti turi na mboondulu, lo mu kuri ti beenu lubaka mboondulu, yiluha makwa ma kukuunda mpasi dzodzimosi, dzi turi mu kumono beetu se.

2 Kol 4:17

Mukwongo, mpasi dzeetu dzaleenge mu ntaangu yi, dziri mu kubuta kilemu kya nkeembu ha yulu nkeembu, yahele manunu kuri beetu.

1 Pet 2:10

Beenu bari, mu ntaangu yayikulu, lwasii ba mukaangu baatu ko, kasi mu lumalu beenu lweki mukaangu baatu ba Nzaambi. Mu ntaangu yayikulu, Nzaambi kasii kulumwiinina ngebe ko, kasi mu lumalu nde wulumonono ngebe.

1 Tes 5:9

Bukuri Nzaambi kasiiri kututaasila mu kubwilikila nkesi ko, ngo kutaambula mvuukulu mu Mfumu yeetu Yesu Kiristo.

Mukaanda kuri bari Kolosayi 1:27

Kuri bo, Nzaambi katiiri kuyaabisa, ha kakati dya makaanda, bunu buri busina bwa nkeembu ya mpaanu yimayi. Mpaanu yiyo ngo Kiristo mu beenu, nsiitu ya nkeembu.

Mukaanda kuri bari Efeso 3:13

Hango, me nyiloombo ti yaa luholo-bito ko, mu ntoono mpasi dzaami, dzi nyiri mu kwemono me mu beenu; mpasi dzidzo ngo nkeembu yeenu.

2 Kol 4:15

Mukwongo, myominso mimyo miri mu ntoono beenu, mpisi heki bweese buhamisaana mu baatu balaka, mvutukulu matoondo se yiba yabuukula mu nkeembu ya Nzaambi.

1 Kol 9:22

Me nyayeki kuri bari na buyonsi bunu me nyiri na buyonsi, mpisi heki me mbaka babo bari na buyonsi; me nyayeki myominso kuri bobanso, mpisi heki mu nzelu ngo nzelu, me mvuukisa babamosi.

Mukaanda kuri bari Loma 9:23

Nde watiiri se kuyaabisa busina bwa nkeembu yaandi, kuri bisa bikari kabakila ngebe, bi katekisiri kuyirika mu ntoono nkeembu yaandi.

Mukaanda kuri bari Loma 2:7

Sa kaha kidziingu kyahele manunu kuri babamosi, bakwesaka mu kifiki kunsa kisalu kyaandi, nkeembu, lukiinsu na kiteesu kyahele mbolulu.

Musamu wamubwete watina Yowane 17:24

Taata, babo ba wuri wampa, me ntiiri ti haho ha nyiiri me, bo se baba na me, mpisi heki bamono nkeembu yaami, yiyo yi wuri wampa Bukuri ye watya me tekesele nyirikulu nsi.

Musamu wamubwete watina Yowane 17:9

«Me nyiloombo mu bo. Me nyahele kuloombo mu nsi, ngo mu babo ba wuri wampa, bukuri bo ba ye.

Musamu wamubwete watina Yowane 11:52

kari munu mu ntoono kaanda ko, ngo se mu ntoono baala ba Nzaambi batsamukina, na se kabakutukisa mu kintwaari kimosi.

Musamu wamubwete watina Matayi 24:31

Nde sa kaheeke bambasi baandi, na mvumvuri yayinene, na bo sa bakutukisa ba nde ba kari kasoolo, mu manto ma butoto mo mana, kuholosono mu manto ma mayulu mamosi natee mu manto makaka.»

Musamu wamubwete watina Matayi 24:24

Bukuri babo bari Kiristo dyampya na babikiri bampya sa bateleme. Bo sa bayirika bidiimbu byabinene na bimaangu, mu kiteesu kya kuwumuna, mbuti bwakuka basoolu.

Musamu wamubwete watina Matayi 24:22

Mbuti bahele kukufika biluumbu bibyo, lo muutu ti mosi kabvuuka ko; ngo mu ntoono basoolu, biluumbu bibyo sa byaba byakufuka.

2 Tes 2:14

Mu didyo, Nzaambi kari kaluteele mbila mu Musamu Wamubwete wu turi twaluyikisa, mu kubaka nkeembu ya Mfumu yeetu Yesu Kiristo.

Musamu wamubwete watina Luka 18:7

Heki Nzaambi lo wahele kulalama misamu mya ba baandi ba kari kasoolo, bari mu kufuula butsuku na mwiini kuri nde wubakiingisaa?

1 Kol 1:21

Mukwongo, bukuri nsi mu nyaabulu ya nde-meene wahele kuyaaba Nzaambi, kunsa nyaabulu ya Nzaambi. Nzaambi wamono dyo dyadibwete mu kubvuukisa, mu bulawuku bwa nyikusulu, baatu basiila kanyi.

2 Kol 12:15

Me ngo wuri, nyiri na kutya mu kuha bi nyiri na byo, na sa nyaha kidziingu kyaami mu ntoono miheebulu mya beenu. Habaanaa me nyiri na ntiilu yalaka mu beenu, buri lo beenu ntiilu yantele luba na yo mu me?

2 Tim 1:1

Me Pawulo, ntumu Kiristo Yesu, mu kutya kwa Nzaambi, bunu buri lusiilulu lwa kidziingu kya mu Kiristo Yesu,

2 Tim 2:1

Hango mwaana waami, bakila makwa mu bweese buri mu Kiristo Yesu.

Mukaanda kuri Tito 1:1

Me Pawulo, nkutu Nzaambi, ntumu Yesu Kiristo mu mitariri kanyi dya basoolu ba Nzaambi, na mu mitariri nyaabulu ngwanwa bunu buri kinzaambi,

Musamu wamubwete watina Luka 22:57

Ngo Petelo watuna, waleele ti: «Mukyeetu, me nyahele kumuyaaba.»