2 Tim 1:15 - Musamu Wamubwete 2013

¹⁵ Ye yaari dimadi ti bobanso bari ku Asya banyekele; mu bo kuri Fingelo na Eremongene.

2 Tim 1:15 Referans Kwoze

2 Tim 4:16

Ha nyaba nwaanikina me buungu dyaami mu lwatete, kuri muutu ti mosi ko wambakisiri, ngo bobanso banyekiri. Ngo yaa babaka mafuumbu mu mimyo ko.

Mukaanda kuri bari Filipo 2:21

Bobanso kwenama misamu mini mya bo-meene, nkani ka mya Yesu Kiristo ko.

Biyiriki bya Bantumu 19:10

Mimyo myayirima, mu mibvu myoolo, kuri bobanso badzakalaana ku Asya, Bayudayo na Bahelene, bayuka maampu ma Mfumu.

1 Kol 16:19

Mabuundu ma ku Asya maluheekiri mamboto. Akila bo na Piriska, na dibuundu dikutukunaana mu nzo bo, baluheekiri mamboto malaka mu Mfumu.

Biyiriki bya Bantumu 19:27

Kari kini kisalu kya beetu kinyaafuka ko, ngo se nzo-nzaambi ya Aretemi, nzaambi yayinene, yiba yabwoongolo, nzaambi yi bari mu kwesaambila mu nkoonsi yoyinso ya Asya na mu nsi yansiina!"

Biyiriki bya Bantumu 16:6

Mpeeve Yangisi bu kabadika kuyaabisa musamu ku Asya, bo bataba nkoonsi ya Firingya na ya Ngalatya.

Biyiriki bya Bantumu 20:16

Mukwongo, Pawulo waba tiiri kulutila la na Efeso, mu kuhele kulutisa ntaangu ku Asya, nde waba kwebingukila, bukuri waba tiiri ti, mbuti bwakuka lo nde kaba ku Yerusalemi, mu kiluumbu kya Pantekote.

Biyiriki bya Bantumu 19:31

Bamosi mu bambaasi baandi ba ku Asya se, bamuyingukila mu kuhele kweende nde-meene ku nzo bimpa.

Biyiriki bya Bantumu 2:9

Kuri bari Paroto, bari Medo, bari Elamite, na badzakala ku Mesopotamya, ku Yudaya, ku Kapadokya, ku Ponto, ku Asya,