2 Tes 3:4 - Musamu Wamubwete 2013

⁴ Beetu turi na kanyi mu Mfumu mu ntoono beenu, bukuri mamo ma turi mu kulutumaa, beenu luri mu kumayirakaa, na sa lwanamitina kumayirika.

2 Tes 3:4 Referans Kwoze

1 Tes 4:10

Bubwo se beenu luri mu kuyirikaana kuri bampaangi bobanso bari ku Makedonya, ngo beetu tulusyaamisa bampaangi, mu kubweese kutoombolo kiteesu,

Mukaanda kuri bari Filipo 1:6

Me nyiri na nsiitu mu dimadi: wunde wabaandika kisalu kyakibwe mu beenu, sa kamana kyo natee mu kiluumbu kya Yesu Kiristo.

Film 1:21

Mu nsiitu mu bintambukulu bya ye, me nyikutinini bu nyaari ti, sa yirika mabvuriri kiteesu ti na ma nyikuleeriri.

Mukaanda kuri bari Filipo 2:12

Mu didyo, banduku baami ba mutima, bunu bu lukootumumaa mu mpisi ntaangu, kari hani ha busu bwa me ko, ngo mu lumalu, bvulee kutumuma, me bu nyiri nde pe. Salilee mu kibvumi na mu ntekutulu, mu kubaka mvuukulu ya beenu-meene,

2 Kol 2:3

Me nyatinini mimyo, mu kubata kuri ti babo baketi kuha me kiminu, bankotoso mu ngebe mu ntaangu yi nyikwiisa. Me nyirikiri kuyaaba ti, kiminu kya me, kya beenu-banso se.

2 Tes 3:12

Beetu tuloombo na tusyaamisa baatu ba bubwo, mu nkuumbu ya Mfumu Yesu Kiristo ti: basala mu kidzuunu mu kubaka bya kudya bya bo-meene.

2 Tes 3:6

Bampaangi, beetu tululoombiri mu nkuumbu ya Mfumu yeetu Yesu Kiristo, mu kutatuku la na mpisi mpaangi yi kwedyaatila kunsa kisaangila, kwahele kuyelemene na kikulu ki lwataambula kuri beetu.

Musamu wamubwete watina Matayi 28:20

mu kubayikisa kukebe momanso ma nyabee lutumana. Na mono, me nyiri kintwaari na beenu, mu biluumbu byobinso, natee ku manunu ntaangu.»

Mukaanda kuri bari Ngalatya 5:10

Me nyiri na nsiitu mu Mfumu mu ntoono beenu, ti beenu ka luba na bitsimi bikimi ko. Wunde wukotoso kisaangila ha kakati dya beenu, sa kabwilikila maseembu, bwooso kabeele.

2 Kol 8:22

Beetu twaheekiri mpaangi yeetu mu kweyende na bo, mu mantaangu malaka, beetu twamutsitsiri, mu kumono buri kuheme kyaandi, ngo mu lumalu kuheme kwaandi kweki kwabvulila mu ntoono nsiitu dzalaka dzikari na dzo mu beenu.

2 Kol 2:9

Bukuri mu bubwo me nyalutinini, mpisi me nyilutsiitsa, mu kuyaaba, kari beenu luri na bintambukulu mu myominso.

1 Kol 14:37

Mbuti muutu wutsima ti nde mubikiri, bunu pe wa kimpeeve, lo kayaaba ti, ma nyiri mu kutinini beenu mamama, lutumu lwa Mfumu luri.

1 Kol 7:19

Nteendulu bubakala yiri kitotolo ko, na kuhele kuteende bubakala kiri kitotolo ko, ngo biri mufunu kubvumina mangisi ma Nzaambi.

Mukaanda kuri bari Loma 15:18

Mukwongo, mbuti me nyitsiitsa kudzoonso, lo mu mya yirikiri Kiristo mu me, mu kuri ti makaanda matumuma, mu maampu na mu biyiriki,

Mukaanda kuri bari Loma 15:14

Mu mitariri beenu, bampaangi baami, me nyirikiri kuyaaba ti, beenu se lwaluula mu mutima-bubwe, lwaluulusu mu nyaabulu yoyinso, na lwakuka mu kwelubusina beenu na beenu.

Mukaanda kuri bari Loma 2:7

Sa kaha kidziingu kyahele manunu kuri babamosi, bakwesaka mu kifiki kunsa kisalu kyaandi, nkeembu, lukiinsu na kiteesu kyahele mbolulu.