2 Tes 3:16 - Musamu Wamubwete 2013

¹⁶ Hemese Mfumu ya kiyeengi, nde-meene kaluha kiyeengi, mu mantaangu momanso na mu myominso. Mfumu kaba na beenu-banso.

2 Tes 3:16 Referans Kwoze

Musamu wamubwete watina Yowane 16:33

Me nyiluleeriri misamu mimyo, mpisi heki luba na kiyeengi mu me. Beenu luri na mpasi ha nsi, ngo lwaatee kibakala, me nyabwiisiri nsi!»

Musamu wamubwete watina Yowane 14:27

«Me nyilusisikiri kiyeengi, kiyeengi kyaami me nyiluheeri; ngo kari bunu buheelaa nsi ko. Yaa lubviimfuka mitima myeene ko, na yaa luba na boomo ko.

Musamu wamubwete watina Matayi 1:23

«Mono, mwaa-ntuumba ya nswaasa sa kabaka yimi, na sa kabuta mwaana wa mubakala, na sa bamuteele nkuumbu Emanweli.» – Mbangukulu ti: «Nzaambi wuri na beetu». –

Mukaanda kuri bari Loma 15:33

Hemese Nzaambi ya kiyeengi kaba na beenu-banso! Amene.

Mukaanda kuri bari Loma 16:20

Mwaa kidzika kyantele, Nzaambi ya kiyeengi sa kakosono Saatana kunsa bitaambi byeenu. Bweese bwa Mfumu yeenu Yesu buba na beenu!

Musamu wamubwete watina Luka 2:14

«Nkeembu kuri Nzaambi kunu kinsongi-yulu, na kiyeengi ha butoto, kuri baatu ba katiiri.»

1 Tes 5:23

Hemese Nzaambi ya kiyeengi nde-meene, kalusa bangisi mu kiteesu kyakuka, na bumuutu bwa beenu bwobunso, kiluunsi, muheebulu na nyutu, biba byakebu kwahele maseembu, mu nyisulu Mfumu yeetu Yesu Kiristo.

2 Tim 4:22

Hemese Mfumu kaba na kiluunsi kya ye! Bweese buba na beenu!

Mukaanda kuri bari Loma 1:7

Kuri banduku ba Nzaambi bobanso ba mutima, bari ku Loma, bataambula mbila mu kuba bangisi: bweese na kiyeengi bifumunaa kuri Nzaambi, Taayi dyeetu, na kuri Mfumu Yesu Kiristo, biba na beenu.

Musamu wamubwete watina Matayi 28:20

mu kubayikisa kukebe momanso ma nyabee lutumana. Na mono, me nyiri kintwaari na beenu, mu biluumbu byobinso, natee ku manunu ntaangu.»

Film 1:25

Hemese bweese bwa Mfumu Yesu Kiristo buba na kiluunsi kya beenu.

Mukaanda kuri Bahebeleho 13:20

Hemese Nzaambi ya kiyeengi, wafulukisi mu bafwa Mfumu yeetu Yesu, mutari wamunene, mu ntoono makila ma lulelusunu lwa na mu mantaangu momanso,

Mukaanda kuri Bahebeleho 7:2

Abalaami, kuri nde kaheeri kikuuku kyakuumi, mu byobinso bi kabakiri. Ngo mbuti mu kubaangula nkuumbu Melekisedeke, lo dyatete nde «mbyaasi ya nsungumunu» tumi se mbyaasi Saleme, haho lo ti «mbyaasi ya kiyeengi.»

2 Kol 13:11

Mu misiiri ngo miri, bampaangi, monee kiminu, sakeenu kuba babaanguka, syamisinee beenu na beenu, beenee kitsimi kimosi, beenee na kiyeengi, na Nzaambi ya ntiilu na ya kiyeengi sa kaba na beenu.

1 Kol 14:33

bukuri Nzaambi, kari Nzaambi ya kisaangila ko, ngo ya kiyeengi. Bunu buri mu mabuundu momanso ma bangisi,

2 Tes 3:18

Hemese bweese bwa Mfumu yeetu Yesu Kiristo buba na beenu-banso.

Mukaanda kuri bari Efeso 6:23

Kiyeengi, ntiilu na kanyi bifumunaa kuri Nzaambi Taata, na kuri Mfumu Yesu Kiristo biba kuri bampaangi.

1 Tes 3:11

Hemese Taayi dyeetu Nzaambi nde-meene na Mfumu yeetu Yesu batudzibukila nzila mu kwiisa kuri beenu.