2 Tes 2:13 - Musamu Wamubwete 2013

¹³ Beetu ngo bari, tuyelemini kubvutula matoondo kuri Nzaambi mpisi ntaangu, mu ntoono beenu bampaangi batya kuri Mfumu, bukuri Nzaambi walusoolo bunu mintekesele, mu kuba babvuuka kunsa bungisi buluha Mpeeve, na kanyi mu ngwanwa.

2 Tes 2:13 Referans Kwoze

2 Tim 1:9

Nde watubvuukisa, na watuteele mbila yangisi, kari mu ntoono biyiriki byeetu ko, ngo kasi bunu buri bitaasi bya nde-meene na bweese bu kari katuha mu Kiristo Yesu, tekesele mantaangu mahela kuwa.

1 Tes 5:9

Bukuri Nzaambi kasiiri kututaasila mu kubwilikila nkesi ko, ngo kutaambula mvuukulu mu Mfumu yeetu Yesu Kiristo.

1 Tes 1:4

Bampaangi batya kuri Nzaambi, beetu tuyaari nsoolulu yeenu.

2 Tes 1:3

Bampaangi, Beetu tuyelemini kubvutula matoondo mpisi ntaangu kuri Nzaambi, mu ntoono beenu. Buri bwabubwete, bukuri kanyi dya beenu diri mu kwebuuka kwalaka, na ntiilu yi luri na yo mu bambaasi yiri mu kwehamisa mu muutu-muutu.

Mukaanda kuri bari Loma 9:11

Mukwongo, baala baba bakiri kubutuka pe, na baba bakiri bahele kuyirika mamabwe bunu pe mamabi, mpisi heki bitaasi bya Nzaambi binamitina kuba, bunu buri nsoolulu yaandi ya bunsaalisi.

Biyiriki bya Bantumu 13:48

Bangooyi bu bayuka bubwo, bamono kiminu, badumusa maampu ma Mfumu, na bobanso ba bataasiri kidziingu kya mantaangu momanso, basa kanyi.

1 Yow 4:10

Ntiilu yiri bumabu: ka kuri ko ti beetu twatiiri Nzaambi, ngo kasi nde watutya, na waheeke Mwaana waandi, bunu kikori mu masumu meetu.

2 Tes 2:12

Mpisi heki, bobanso bahele kusa kanyi mu ngwanwa, ngo bamono kiminu mu bubayi, baba batsuundisa.

Mukaanda kuri bari Efeso 2:8

Mukwongo, mu bweese beenu luri lwabvuukila mu ntoono kanyi, kari mu beenu-meene ko, ngo kikabu kya Nzaambi;

1 Yow 4:19

Beetu tutyaanaa, bukuri nde watete watutiiri.

Mukaanda wa Yakobo 1:18

Mu kutya kwaandi, nde watubuta mu maampu ma ngwanwa, mu kuba bunu mintekesele mu biyiriki byaandi.

2 Tes 2:16

Hemese Mfumu yeetu Yesu Kiristo nde-meene, na Taayi dyeetu Nzaambi, watutya na watuha mu bweese bwaandi, mboondulu ya bibvu ngo bibvu na nsiitu yayibwete,

Mukaanda kuri bari Kolosayi 1:5

mu ntoono nsiitu yibari balusweekele mu mayulu, yi luri lwatekesele kuyuka, mu maampu mangwanwa ma Musamu Wamubwete.

Mukaanda kuri bari Ngalatya 3:1

Sa beenu bari Ngalatya bimpuumbulu! Na waluloko? Buri kari ha miisu mya beenu, bari bayirika kubaangula bunu bu bakomini Yesu Kiristo ha yulu kuruwa ko?

Biyiriki bya Bantumu 15:9

na wahele kusa nsobokoso ha kakati dya bo na beetu, bukuri mu kanyi, Nzaambi katsyeemisinyee mitima mya bo.

Mukaanda kuri Bahebeleho 1:10

Na wabweese kuleele ti: «Mfumu, ye wuri, kunu mbandukulu, wayirika butoto, mayulu ngo biyiriki bya myooko myaaku;

2 Tim 3:15

Kuholosono bulesi bwaaku, Matinu Mangisi ye wumayaari, mo makuka mu kuha ye madyeele, mu kubaka mvuukulu mu kanyi mu Kiristo Yesu.

2 Tim 2:15

Sa makwa ye-meene, mu kumonokono ha busu bwa Nzaambi, bunu muutu wu bamwaatsiitsa, bunu kisari kihele kufwa nsoni, kikweyikisa maampu mangwanwa mu nyikusulu dzasuunguma.

2 Tes 2:10

na kunsa mawunu momanso, ma bubayi kuri babo bari mu kudziimbila, bukuri bahele kutaambula ntiilu ya ngwanwa mu kuba babvuuka.

Mukaanda kuri bari Loma 8:33

Na wutsiitsa kufuunda basoolu kuri Nzaambi? Nzaambi ngo mululukisi!

Mukaanda kuri bari Loma 6:17

Matoondo kuri Nzaambi, bukuri beenu lwaba bankutu ba masumu, ngo kasi lumwaataambukila mu mutima ndemunso, kiteesu kya nyikusulu dzi bari baluha.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 1:1

Ku mbandukulu kwaba maampu, maampu maba kuri Nzaambi, na maampu maba Nzaambi.

Musamu wamubwete watina Luka 1:75

kunsa bungisi na nsungumunu, ha busu bwaandi, mu biluumbu byobinso bya kidziingu kyeetu.

Mukaanda kuri bari Kolosayi 3:12

Ngo bu luri lwasoolu kuri Nzaambi, luri bangisi, na lwatya kuri nde, beeneenu na mutima wa ngebe, wa mbweeyulu, wa nkulukulu, wa bundeembu na wa nkindusulu.

1 Kol 1:21

Mukwongo, bukuri nsi mu nyaabulu ya nde-meene wahele kuyaaba Nzaambi, kunsa nyaabulu ya Nzaambi. Nzaambi wamono dyo dyadibwete mu kubvuukisa, mu bulawuku bwa nyikusulu, baatu basiila kanyi.

1 Tes 2:12

Beetu twaba kweluboondaana, kwelusyaamisaana, na kweluyingukilaana mu kuba na ndyaatulu yitiiri Nzaambi, nde wuri mu kuluteele mu kimfumu na mu nkeembu yaandi.

1 Tes 4:7

Mukwongo, Nzaambi ka siiri kututeele mbila mu kuba kunsa nsumukunu ko, ngo mu kuba kunsa bungisi.