2 Tes 2:10 - Musamu Wamubwete 2013

¹⁰ na kunsa mawunu momanso, ma bubayi kuri babo bari mu kudziimbila, bukuri bahele kutaambula ntiilu ya ngwanwa mu kuba babvuuka.

2 Tes 2:10 Referans Kwoze

1 Kol 1:18

Mukwongo, maampu ma kuruwa bubwo bulawuku, kuri baatu bari mu kudziimbila; kasi mu beetu turi babvuukusu lo dzidzo mpinu dza Nzaambi.

2 Pet 2:12

Baatu babo bakwesaana bi badziimbiri, ngo bo se sa bafwa bunu bibulu byahele na madyeele, bi bayirikiri mu ntoono yiri ti, byekaangama mu myeete kuri babidzusa;

1 Kol 16:22

Mbuti kuri wuri katii Mfumu ko, lo kabwilikila mpopi! Marana ta!

Mukaanda kuri bari Loma 16:18

bukuri baatu ba bubwo bahele kusalila Mfumu yeetu Kiristo, ngo kasi myooyo mya bo-meene, na mu maampu mamabwe na mu nzoonsulu dzalupyelu, bo bakwewuna baatu bahele kulubuka.

2 Kol 11:15

Ngo diri dyansisi ko, mbuti bisari bya nde se bikweswemekene mu kifwaani kya bisari bya nsungumunu. Nsukulu bo sa yaba bunu buri biyiriki byaaku.

1 Tim 2:4

nde tiiri ti baatu bobanso babvuuka na biisa kunyaabulu ya ngwanwa.

Mukaanda kuri bari Efeso 4:14

Haho lo tubweese kuba baala, banyingusu na bakweyende mu mpisi kiteembu kya nyikusulu dza kimpa kya baatu, mu lupyelu lwa bo ko, na mu mawunu na lumvuki lwa bo.

2 Kol 2:17

Mukwongo, beetu turi bunu bakaka bakweyarika maampu ma Nzaambi ko; ngo kasi mu ngwanwa, mu nkuumbu ya Nzaambi na ha busu bwaandi, beetu turi mu kwedzoonsolo mu Kiristo.

2 Kol 2:15

Bukuri beetuneenu ngo mfuku yayibwete ya Kiristo, kuri Nzaambi, ha kakati dya babvuuka na badziimbila;

Mukaanda kuri bari Loma 10:1

Bampaangi, ma nyitiisila me kunsa mutima waami, na mu lusaambulu lwaami kuri Nzaambi mu bo, kuri ti baba babvuukusu.

Mukaanda kuri bari Loma 6:17

Matoondo kuri Nzaambi, bukuri beenu lwaba bankutu ba masumu, ngo kasi lumwaataambukila mu mutima ndemunso, kiteesu kya nyikusulu dzi bari baluha.

Musamu wamubwete watina Yowane 5:34

Me ngo wuri nyahele na nzala kuri ti muutu kateele me kimbaangi, ngo me ndeeriri bubwo, mpisi heki beenu luba babvuukusu.

Musamu wamubwete watina Yowane 3:17

Mukwongo, Nzaambi wahele kuheeke Mwaana mu nsi, mu kuri ti katsuundisa nsi, ngo mu kuri ti, nsi yiba yabvuukusu kuri nde.

2 Pet 2:18

Mukwongo, bakwedzoonso misamu myaminene myahele mufunu, bari mu kwekoondo mu nyiimunu dza muswinyi, mu buyala, babo babvuukila ha wuri dya mukuungi dya baatu bawumuka.

Mukaanda kuri Bahebeleho 3:13

ngo kasi, syamisineenu beenu na beenu mpisi kiluumbu, mbuti nyabusulu ya «lolo di» bunu yiri, mpisi heki ti mosi mu beenu kahele kukubisa mutima, bu kabwiiri mu mpumukunu ya masumu.

1 Tes 2:16

Bakwetukabukisa kuyikisa bangooyi mpisi bahele kubvuuka. Mu didyo bo bari mu kukukisilaana kiteesu kya masumu maaku, mpisi ntaangu. Ngo ku manunu nkesi dza Nzaambi dzi mwaa kubatubukila.

2 Kol 11:13

Bukuri baatu babo ngo bantumu bampya, bisari byamawunu, bikweswemekene mu kifwaani kya bantumu ba Kiristo.

Musamu wamubwete watina Matayi 13:11

Nde wabvutula kuri bo ti: «Bukuri, kuri beenu baheeri kiteesu kya kuyaaba mpaanu dza Kimfumu kya mayulu; ngo kuri bo, bahele kuha.

2 Tes 2:12

Mpisi heki, bobanso bahele kusa kanyi mu ngwanwa, ngo bamono kiminu mu bubayi, baba batsuundisa.

2 Tes 2:13

Beetu ngo bari, tuyelemini kubvutula matoondo kuri Nzaambi mpisi ntaangu, mu ntoono beenu bampaangi batya kuri Mfumu, bukuri Nzaambi walusoolo bunu mintekesele, mu kuba babvuuka kunsa bungisi buluha Mpeeve, na kanyi mu ngwanwa.