2 Tes 1:11 - Musamu Wamubwete 2013

¹¹ Hango-nkuumbu, beetu tunamitina kusaambila mu beenu, mpisi heki Nzaambi yeetu kamono ti, beenu lwayelemene na mbila yi kari kaluteele, na mu mpinu dzaandi kakukisa nzala yoyinso yakuyirika mamabwe yiri mu beenu, na kisalu kya kanyi.

2 Tes 1:11 Referans Kwoze

Mukaanda kuri bari Filipo 2:13

bukuri Nzaambi koosalaa mu beenu, na kusa kuri ti, lutya na lusala bunu buri kutya kwaandi kwakubwete.

1 Tes 1:3

Beetu tubaambukaana mwooyo mu biyiriki bya kanyi dyeenu, mu kisalu kya ntiilu yeenu, na mu kifiki kya nsiitu dzeenu mu Mfumu yeetu Yesu Kiristo, ha busu bwa Taayi dyeetu Nzaambi.

2 Tes 1:5

Kikyo kidiimbu kya mutsuundu Nzaambi wasuunguma, mpisi luba lwamonoko ti lwayelemene mu kimfumu kya Nzaambi, ki luri mu kwemwiina mpasi.

Mukaanda kuri Bahebeleho 12:2

Tusyeetulee kisoosi kuri Yesu, mubaandiki na mukukisi kanyi, nde wuri, ha kibeendu kya kiminu ki bamusoongiri, wakuunda mpasi dza kuruwa, bu ka nyaafuna nsoni, na wadzakala ha lubakala lwa Nzaambi na lwa mboloko yaandi.

2 Tes 2:14

Mu didyo, Nzaambi kari kaluteele mbila mu Musamu Wamubwete wu turi twaluyikisa, mu kubaka nkeembu ya Mfumu yeetu Yesu Kiristo.

Mukaanda kuri bari Efeso 1:5

Nzaambi watutaasiri mu kuba baala baandi ba kubuukisa mu Yesu Kiristo, bunu buri bweese bwa ntiilu yaandi,

Mukaanda kuri bari Loma 8:30

Babo ba kataasiri, babo se kari kateele mbila; babo ba kari kateele mbila, babo se kari kalulukisa; babo ba kari kalulukisa, babo se kari kakeembese.

Musamu wamubwete watina Luka 12:32

Yaa ba na boomo ko mwaa-mpuumbu, bukuri Taayi dyeenu wamwiini ti bwabubwete mu kuluha Kimfumu.

Mukaanda kuri bari Filipo 1:6

Me nyiri na nsiitu mu dimadi: wunde wabaandika kisalu kyakibwe mu beenu, sa kamana kyo natee mu kiluumbu kya Yesu Kiristo.

Nyabusulu ya Yowane 5:10

Mu ntoono Nzaambi yeetu, ye wasa bo kimfumu na bangaanga-nzaambi, na bo sa batuma ha butoto.»

Nyabusulu ya Yowane 3:4

Kasi bantele ba ye ba ku Saredeyi babviimfiri bilwaatu bya bo. Bo sa badyaata na me, mu bilwaatu byahembeke, bukuri bakuka.»

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

Mukaanda kuri Bahebeleho 3:1

Hango, bampaangi bangisi, beenu luri kintwaari mu mbila ya ku yulu, siilee mutima mu wunde wuri ntumu, na mukuutu bangaanga-nzaambi, wu turi twasiila kanyi, ngo Yesu.

Mukaanda kuri bari Filipo 3:14

nyiri mu kudzumuna mu kutubuka ha ndilu, mu kubaka kimbwanga kya mbila ya ku yulu, ya Nzaambi mu Kiristo Yesu.

Mukaanda kuri bari Efeso 1:16

nyahele kuhoto kubvutula matoondo mu ntoono beenu. Me nkoolubaambukilaa mwooyo mu nsaambulu dzaami,

Mukaanda kuri bari Efeso 1:9

Nde watuyaabisa mpaanu dza kutya kwaandi, bunu buri kiminu kyaandi ki kasoongiri mu Kiristo,

Mukaanda kuri bari Loma 1:9

Mukwongo, Nzaambi mbaangi yaami, nde wu nyisalilaa me mu mpeeve yaami, mu nyabusulu Musamu Wamubwete wa Mwaana waandi: me nyibambukilaa beenu mwooyo kwahele kuhoto,

Musamu wamubwete watina Malako 4:28

Butoto bwo-meene bubutaa bimbutu: ku tekesele munsengele, tumi mungingiri, ku manunu mankono mayele mu mungingiri.

1 Kol 1:8

Nde ngo wulukumisa natee kunu manunu, mpisi heki luba bahele maseembu mu kiluumbu kya Mfumu yeetu Yesu Kiristo.

Mukaanda kuri bari Loma 11:29

bukuri bikabu na mbila Nzaambi bayisila ko.

Mukaanda kuri bari Loma 15:14

Mu mitariri beenu, bampaangi baami, me nyirikiri kuyaaba ti, beenu se lwaluula mu mutima-bubwe, lwaluulusu mu nyaabulu yoyinso, na lwakuka mu kwelubusina beenu na beenu.