2 Kol 4:7 - Musamu Wamubwete 2013

⁷ Beetu tukwenata busina bumabu, mu bisa bya tubuumbu, mpisi heki mpinu dza kiteesu kyalutila, dziba dza Nzaambi nkani ka dza beetu ko.

2 Kol 4:7 Referans Kwoze

2 Kol 5:1

Mukwongo, beetu tuyaari ti, mbuti nzo yeetu ya musaampu ya ha butoto ha yitsyaamukini, lo turi na nzo ya mantaangu momanso kuri Nzaambi mu mayulu, yahele kuba yatuungu mu myooko mya baatu.

1 Kol 1:28

Bitotolo bya hele mufunu na bya nyaafunu ha nsi, bya hele kuyirima, Nzaambi wabisoolo mu kuri ti katsyaamuna bibyo byayirima,

Mukaanda kuri bari Kolosayi 2:3

mu nde mwaswekeme busina bwobunso bwa madyeele, na bwa nyaabulu.

Mukaanda kuri bari Kolosayi 1:27

Kuri bo, Nzaambi katiiri kuyaabisa, ha kakati dya makaanda, bunu buri busina bwa nkeembu ya mpaanu yimayi. Mpaanu yiyo ngo Kiristo mu beenu, nsiitu ya nkeembu.

Mukaanda kuri bari Efeso 3:8

Kuri me wu bvuriri buntele mu bangisi bobanso, bari baha bweese bumabu, bwa kuyaabisa kuri makaanda busina bwa Kiristo bwahele mbangukulu,

2 Kol 10:10

bukuri bakweleele ti, mikaanda mimyo miri na musundu na mya makwa, koomosoko nde-meene mu kumumono wahele na makwa, na nzoonsulu dzaandi dzahele kitotolo.

Musamu wamubwete watina Matayi 13:44

«Kimfumu kya mayulu kyafwanikina, na busina bwasweeku munsa nseke, ngo muutu kamwiini, sweekiri. Mu ntoono kiminu ki kari na kyo, nde weensi yarikiri byobinso bikari na byo, na wiisiri kusuumba nseke yiyo.»

2 Tim 2:20

Munsa nzo yayinene, kari dzini nkoombo dza woolo na dza palata dzikoobaanaa ko, ngo kubaanaa se dza miti, na dza tubuumbu. Dzamosi badzisalilaa mu lukiinsu, ngo dzakaka badzisalilaa kwahele lukiinsu.

2 Kol 4:1

Hango-nkuumbu, bu turi na kisalu kimaki, beetu twahele kuholo-bito, bukuri mu ngebe dza Nzaambi turi twakitaambula.

Mukaanda kuri bari Kolosayi 2:12

Beenu baludziikiri mu mampeembe kintwaari na nde, mu mbotokulu; mu nde se, beenu bari balufukisa mu kanyi, mu mpinu dza Nzaambi wamufulukisi mu bafwa.

1 Tes 1:5

Mukwongo, Musamu beetu Wamubwete wahele kutubuka kuri beenu, munu mu nzoonsulu kitsu, ngo se mu mpinu, mu Mpeeve Yangisi na mu nyukusulu ya musundu, bunu bu luyaari bu twaba beetu ha kakati dya beenu, mu ntoono beenu.

Mukaanda kuri bari Efeso 2:5

bu twaba twafwa mu lumvuki, nde watuha mwooyo mu Kiristo. Mu bweese beenu luri lwabvuukila.

2 Kol 13:4

Mukwongo, nde bamukomini ha kuruwa mu ntoono buyonsi, ngo kasi wuri mwooyo mu mpinu dza Nzaambi. Na beetu se turi na buyonsi mu nde, ngo kasi sa twaba mwooyo mu mpinu dza Nzaambi kuri beenu.

2 Kol 6:10

bunu bari mu ngebe, koomosoko bari mu kiminu; bunu bari kunsa buwelu bwa makwa, koomosoko bakwekabula busina; bunu bahele na kitotolo, koomosoko bari na byobinso.

Musamu wamubwete watina Matayi 13:52

Yesu waleele kuri bo ti: «Hango-nkuumbu, mpisi mutini mangisi weki muyiki wa Kimfumu kya mayulu, wafwanikini na muutu ngaa-nzo, wupalisa mu kisweekulu kyaandi, bitotolo byamoono na byabikulu.»

Musamu wamubwete watina Yowane 16:33

Me nyiluleeriri misamu mimyo, mpisi heki luba na kiyeengi mu me. Beenu luri na mpasi ha nsi, ngo lwaatee kibakala, me nyabwiisiri nsi!»

1 Tes 4:4

Mpisi muutu mu beenu kayaaba kuhololo mukasi waandi, kunsa bungisi na lukiinsu,